Жаңалықтар

2025 жылғы 24-25 қараша күндері Астана халықаралық университетінің өкілдері Беларусь, Өзбекстан, Қазақстан, Ресей және Қытай елдерінен келген алпысқа жуық әйел-сарапшы мен ғалымның қатарында «Әйелдердің ШЫҰ-ға көзқарасы: жаһандық басқарудың жаңа пайымы» атты халықаралық ғылыми конференцияға қатысты. Аталған іс-шара Қытайдың 2024–2025 жылдардағы ШЫҰ-ға төрағалығының ресми қорытындылар тізіміне енгізіліп, сондай-ақ Шанхайдың ғылыми қоғамдарының XIX Академиялық айы бағдарламасы аясында өтті.

Конференция барысында Еуразияны зерттеумен айналысатын ШЫҰ-ға мүше елдердің әйел-ғалымдары, әйел-саясаткерлері және әйел-мемлекеттік қызметшілері бірқатар өзекті мәселелерді талқылады, атап айтқанда:

• ШЫҰ шеңберіндегі жаһандық басқарудың жаңа мүмкіндіктері мен сын-қатерлері;

• өркениеттер диалогы және гуманитарлық алмасулар;

• халықаралық коммуникация және өңірлік бірегейлік;

• ШЫҰ аясындағы іскерлік орта мен сауда-экономикалық ынтымақтастық.

Сонымен қатар, 28-30 қараша аралығында Шанхай шет тілдер университетінде (SISU) екі маңызды симпозиумды біріктірген ірі халықаралық конференциялар өтті: Ресей, Шығыс Еуропа және Орталық Азия бойынша пәнаралық зерттеулердің 5-форумы, сондай-ақ тіл, мәдениет және білім беру салаларындағы Ұлы Жібек жолы бойындағы құндылықтардың көптүрлілігіне арналған 11-симпозиум.

Аталған конференцияларға Астана халықаралық университетінің өкілдерімен бірге Қытай, Ресей, Өзбекстан, Қазақстан, Сербия және басқа да елдерден келген 200-ден астам ғалым, оқытушы, зерттеуші және сарапшы қатысты. Олардың қатарында жетекші университеттердің, ғылыми-зерттеу институттарының және дипломатиялық құрылымдардың өкілдері болды.

Астана халықаралық университетінің (AIU) қабырғасында Халықаралық студенттік туризм мектебі өз жұмысын аяқтады. 2025 жылғы 8-14 желтоқсан аралығында өткен ауқымды білім беру жобасы жастардың білімін, мәдениетін және кәсіби дамуын біріктірді.

Ұйымдастырушылар ретінде Ресей Ғылым және жоғары білім министрлігінің, Россотрудничествоның және Жастар мен студенттік туризм бағдарламасының («Студтуризм») қолдауымен Солтүстік Кавказ федералды университеті (СКФУ) мен Астана халықаралық университеті қатысты.

Аптаның басты қорытындысы тарихи оқиға - Астана халықаралық университетінің «Студтуризм» бағдарламасына қосылуы болды, бұл университетке осы экожүйедегі Қазақстанның алғашқы жоғары оқу орны болуға мүмкіндік береді. Бұл шешім Бағдарлама дамуының халықаралық бағытын ашады. Енді қазақстандық студенттер Ресей, Қырғызстан, Өзбекстан және Беларусь университеттерінің мәдени-білім беру бағыттарына толыққанды қатыса алады, ал шетелдік студенттер өздері үшін Қазақстанды аша алады.

Бір апта бойы қатысушылар аралас ресейлік-қазақстандық командаларда жұмыс істеді. Білім беру интенсиві туризмді дамытуға арналған дәрістерді, шеберлік сабақтарын және жобалық сессияларды қамтыды.

Бұл жұмыстың нәтижесі бірегей жобалық шешімдердің таныстырылымы болды. Студенттер жоғары оқу орындары арасындағы бағыттардың тұжырымдамаларын, этнотуризм мен ғылыми-көпшілік бағыттарды дамыту жөніндегі бастамаларды әзірледі. Ұйымдастырушылар бұл идеялар болашақтағы нақты бірлескен бастамалардың іргетасы болатынына сенімді.

Халықаралық туризм мектебі тек білім беру алаңы ғана емес, сонымен қатар терең мәдени алмасу кеңістігіне айналды. Ұйымдастырушылар қонақтарға Қазақстанның колоритіне енуге мүмкіндік беретін мазмұнды көшпелі бағдарлама дайындады.

Қатысушылар Қазақстан табиғатының маржаны - Бурабай курортына барып, қысқы көріністерді тамашалап, ұлттық мәдениетпен таныса алды. Сондай-ақ бағдарламаға елорданың басты символы - «Бәйтерек» монументіне және ҚР Ұлттық музейіне бару кірді. Бұл сапарлар жастарға бейресми жағдайда бір-бірін жақынырақ тануға және жастар үшін тартымды туристік өнімдерді жасауға шабыттануға көмектесті.

Мектептің қорытынды оқиғасы салтанатты жабылу рәсімі болды. Қатысушыларға қатысқаны туралы сертификаттар табысталды, бірақ студенттердің өз сөздеріне қарағанда, басты олжа жаңа білім, кәсіби байланыстар және берік достық болды. 2025 жылғы Халықаралық студенттік туризм мектебі Қазақстан мен Ресей жастарының жай ғана саяхаттап қана қоймай, туризм және қонақжайлылық индустриясын бірге кәсіби тұрғыда дамытуға дайын екенін дәлелдеді.

10 - 30 қараша аралығында Жаратылыстану жоғары мектебінде «Ғылымның үш апталығы» өтті. Шара аясында Рекреациялық география және туризм, Геоинформатика, Су ресурстары және гидрология білім беру бағдарламаларының 1-курс студенттері Instagram форматындағы видеобайқауға қатысты. Байқау жеңімпаздары мен жүлдегерлері дипломдармен және сертификаттармен марапатталды. Барлық қатысушыларға белсенділігі мен креативі үшін алғыс білдіреміз!

 БАЙҚАУ ЖЕҢІМПАЗДАРЫ:

  БАЙҚАУ ЖЕҢІМПАЗДАРЫ:

 Рекреациялық география және туризм (орыс тобы)

1 орын  Акимжанов Керей, Қаратай Абдуссалям, Ахмадиев Алибек, Волобаев Александр – «Менің сүйікті демалыс орным»
2 орын  Галиулина Ясмин, Амантаева Саяна, Жумабек Аделия, Махсут Сұлухан – «Демалыс күнінің маршруты»
3 орын  Тұрдалы Алижан және команда (7 адам) – «Демалыс күнінің маршруты»
3 орын  Жолдасбекова Амина, Азнабаева Дильназ, Ажбинбетова Самира – «Туризм және экология»
Белсенді қатысқаны үшін сертификаттар: Шарипова Дария және тағы 4 студент
Жетекші: Жанабаева С.А.

 Рекреациялық география және туризм (қазақ тобы)

1 орын  Серік Айзада – «Туризм және экология»
2 орын  Айтмахамбет Жанерке, Аманбекова Толғанай – «Туған жерім, тұғырым – Ақшәулім!»
3 орын  Қуаныш Аружан – «Туризм және экология»
3 орын  Нурдинова Меруерт және команда (4 адам) – «Туризмнің экологиядағы рөлі»
Сертификаттар: Шайдуллин Нурислам және тағы 15 студент – «Экологияны сақтау – өз қолымызда»
Жетекші: Амантай А.А.

 Су ресурстары және гидрология

1 орын  Мұғайып Аружан, Рыспай Элмира, Тоқтаубайқызы Жібек, Сансызбаев Әділет – «Су – тіршілік көзі»
2 орын  Еспаев Диас, Жаркен Әмір, Боранбай Карина – «Су мәселелері»
3 орын  Абдрахым Айдар – «Бізге жақын өзен»
Жетекші: Авезова А.А.

 Геоинформатика

1 орын  Клышбеков Галымжан – «GIS: күрделі нәрсе жайлы қарапайым тілмен»
2 орын  Жанат Бақытжан – «Геоинформатика және қала»
Жетекшілер: Жанабаева С.А., Смаилов А.А., Айкешев Б.М.

Студенттер, сіздер – мықтыларсыздар! 🔥 Жұмыстарыңыз креативті, кәсіби және өте шабыттандырарлық болды!
Қатысқан барлықтарыңызға үлкен рахмет – сіздер ғылымның осы үш аптасын шын мәнінде жарқын еттіңіздер! 🌟

2025 жылғы 11 желтоқсанда Astana International University Жаратылыстану ғылымдары жоғары мектебінде «Геоинформатика» білім беру бағдарламасының 1-курс студенттері «ГеоМастер» компаниясының өкілдерімен кездесу өткізді.

Іс-шара барысында компания мамандары GNSS және лидарлық сканерлеу технологияларын біріктіретін заманауи геодезиялық жабдықты таныстырды. Бұл жабдық 120° көру бұрышы кезінде 70 метрге дейінгі қашықтықта нүктелер бұлтын түсіруге және жер бедерінің жоғары дәлдіктегі үшөлшемді модельдерін жасауға мүмкіндік береді.

Студенттер ұсынылған технологиялардың практикалық қолданысына үлкен қызығушылық танытып, геоинформатика мамандығының даму перспективаларын талқылады, сондай-ақ мамандану бағыттары мен саладағы мансаптық мүмкіндіктерге қатысты сұрақтар қойды.

Кездесуді Жаратылыстану ғылымдары жоғары мектебінің оқытушысы Смаилов А.А. ұйымдастырды.

2025 жылғы 3-5 желтоқсан күндері Астана халықаралық университетінің ғалымы, заң ғылымдарының кандидаты, «AP26100031 – Қақтығыстарды бейбіт жолмен реттеу және ядролық қарусыздандыру құралы ретінде халықаралық медиациялық хаб: Қазақстан мен шетел елдерінің тәжірибесі» ғылыми жобасының зерттеушісі Асылхан Иржанов қызметтік іссапармен Алматы қаласында болды.

Сапар барысында ол әл-Фараби атындағы Қазақ ұлттық университетінің заң факультетіне барып, факультет деканы, заң ғылымдарының кандидаты, профессор Ұлан Ахатовпен, сондай-ақ оқытушылар мен студенттермен кездесті.

Кездесу барысында тараптар халықаралық медиацияның қазіргі даму үрдістерін, қақтығыстардың алдын алу мен оларды бейбіт жолмен шешудегі маңызын талқылады. Әр елде қолданылып жүрген медиациялық механизмдердің тәжірибесі салыстырылып, Қазақстан заңнамасын жетілдіру, халықаралық стандарттарды енгізу мәселелері назарға алынды.

Сапар қорытындысы бойынша екі тарап та ғылыми ынтымақтастықты тереңдетуге, бірлескен зерттеу жобаларын жүзеге асыруға қызығушылық танытты. Бұл іссапар медиация саласындағы кәсіби байланыстарды нығайтудың және бейбіт жолмен дауларды шешу бағытындағы ғылыми өзара әрекеттестікті кеңейтудің маңызды қадамы ретінде бағаланды.

From 29 November to 4 December 2025, a working visit to the Republic of Azerbaijan was carried out within the framework of the 2025–2027 research project IRN AP29194469, “Integration of Persons with Disabilities into the Labour Market: Development of a Comprehensive Model of Labour Adaptation,” with the aim of studying international practices. During the visit, the research staff, S.T. Okutayeva and E.Kh. Askerov, held a series of meetings at KOBIA, the state organisation responsible for the development of entrepreneurship in Azerbaijan, headed by Mr. Orkhan Neymatragim oglu Mammadov. In addition, the project team visited the well-known inclusive café Kashalata, where young people with mental disabilities are employed. The founder of the café gave an interview to our team, sharing her experience of working with persons with disabilities and describing the main challenges and specific aspects of labour adaptation.

Furthermore, an interview was conducted with Ms. Sara Rajabli, the founder of a catering company in Baku that employs women with disabilities. During the same field visit, the research team also met with Mr. Aydın Khalilov, Head of the Independent Living Center for People with Disabilities.

The experience of Azerbaijan is highly valuable and of great practical significance for the development of a labour adaptation programme for persons with disabilities in Kazakhstan.

2025 жылдың 4 желтоқсанында Университеттің Психологиялық қызметі ұйымдастырған «Өнер – ішкі әлемнің көрінісі ретінде» атты шығармашылық байқаудың жеңімпаздарын марапаттау рәсімі өтті. Аталған шара студенттердің өнер арқылы эмоционалдық күйін, ішкі дүниесін тануға және шығармашылық қабілетін дамытуға бағытталды. Байқауға 40-тан астам студенттен өтінім қабылданды. Оның ішінде іріктеуден өткен 16 қатысушының жұмыстары ашық дауыс беру кезеңіне ұсынылды. Әрбір шығармашылық туынды автордың жеке сезімдік тәжірибесін, өзіндік ой толғанысын және психологиялық жағдайын көркем тілмен бейнелеуге негізделген.

 Ашық дауыс беру нәтижесінде студенттер төмендегідей жүлделі орындарды иеленді:

·        Чаяхметов Алдияр, ИЯ: два языка ТиПО  «Менің кітабымды ашайық», IV дәрежелі диплом

·        Ердәулет Аяулым, Менеджмент  «Әрбір жапырақтағы нәзіктік», III дәрежелі диплом

·        Какунина Виктория, Менеджмент «Арман ізі», III дәрежелі диплом

·        Асқарова Саяжан, Психология  «Күрес», III дәрежелі диплом

·        Жақсылық Аяжан, Дюсембаева Аружан, УХТиИЗО-23А  «Махаббат бағында», II дәрежелі диплом

·        Қасымова Мырзақыз, УХТиИЗО-24Б  «Адамның ішкі дүниесі», I дәрежелі диплом жеңімпаздар мен қатысушылар марапатталды.

 Университеттің Халықаралық қатынастар және студенттер ісі жөніндегі вице-президенті Қ. Абдрахманов табыс етті. Шара жас таланттардың өзін-өзі тануына, шығармашылық әлеуетін ашуына мүмкіндік беріп, студенттік ортада мәдени-рухани құндылықтарды қолдауға бағытталған маңызды бастама ретінде бағаланды.

Астана Халықаралық университеті «Өнер және гуманитарлық ғылымдар жоғары мектебі» Психология білім беру бағдарламасының ұйымдастыруымен «ЕҢ ҮЗДІК ӘЛЕУМЕТТІК-ПСИХОЛОГИЯЛЫҚ ЖОБА – 2025» Республикалық байқауы өтті .Конкурс нәтижесі офлайн және онлайн форматтары  бойынша жеке-жеке бағаланды, ОФЛАЙН формат нәтижелері:

1-дәрежелі диплом Астана Медицина университеті;

2-дәрежелі диплом Астана Халықаралық университеті «Қоғамдағы әйелдердің жүктемелері» тақырыбы;

2-дәрежелі диплом Гумилев атындағы Еуразия ұлттық университеті «Mindful student» тақырыбы;

3-дәрежелі диплом бойынша Гумилев атындағы Еуразия ұлттық университеті;

3-дәрежелі диплом бойынша А. Қ. Құсайынов атындағы Еуразия Гуманитарлық институты;

3-дәрежелі диплом бойынша Арқалық университеті;

«Психологиялық мәдениетті дамытуға қосқан үлес» номинациясы бойынша Астана Халықаралық университеті «Нағыз психолог-маман, псевдопсихолог-бренд» тақырыбы бойынша «Қолдау» командасы;

«Жастар бастамасы – 2025» номинациясы бойынша «Мектептегі буллингтің алдын алу және қауіпсіз орта қалыптастыру» тақырыбы бойынша «PSY4U» командасы;

«Ең креативті жоба» номинациясы бойынша Астана медицина университеті;

«Психологиялық денсаулық және тұрақтылық» номинациясы бойынша Тұран Астана университеті;

«Қоғамдық маңызы жоғары жоба» номинациясы бойынша Гумилев атындағы Еуразиялық ұлттық университеті;

«Үздік әлеуметтік – психологиялық инновация» номинациясы бойынша Гумилев атындағы Еуразия ұлттық университеті марапатталды.

«ЕҢ ҮЗДІК ӘЛЕУМЕТТІК-ПСИХОЛОГИЯЛЫҚ ЖОБА - 2025» Республикалық конкурсының онлайн форматта өткен нәтижесі бойынша:

1-дәрежелі диплом

§  Торайғыров атынадағы Павлодар мемлекеттік университеті «SAVAT» жобасы;

§  Халел Досмухамедов атындағы Атырау университеті;

2-дәрежелі диплом

§  Нархоз университеті «Аутизм спектр бұзылысы бар балаларды түзетуге арналған психокоррекциялық орталығын ашу» тақырыбы;

§  Қызылорда «Болашақ» университеті «Виртуалды және интернет тәуелділігінің жеткіншектер агрессивтілігіне әсер етуі» тақырыбы;

§  А. Қ. Құсайынов атындағы Еуразия Гуманитарлық институты «Ауитистік спектрдегі бұзылысы бар балаларды психологиялық – педагогикалық қолдау» тақырыбы;

3-дәрежелі диплом

§  Қожа Ахмет Яссауи атындағы Халықаралық қазақ-түрік университеті;

§  Шымкент Университеті;

§  Өзбекәлі Жәнібек атындағы Оңтүстік Қазақстан  педагогикалық университеті марапатталды.

«Қоғамдық маңызы жоғары жоба» номинациясы бойынша Өзбекәлі Жәнібек атындағы Оңтүстік Қазақстан  педагогикалық университеті «Ата-аналардың психологиялық мәдениетінің жасөспірімдер арасындағы буллинг динамикасына ықпалы» тақырыбы;

«Психологиялық мәдениетті дамытуға қосқан үлес» номинациясы бойынша Нархоз университеті «Бьюти-индустрия мен жасөспірімдердің өзін-өзі қабылдауы» тақырыбы;

«Жастар бастамасы – 2025» номинациясы бойынша Нархоз университеті;

«Психологиялық денсаулық және тұрақтылық» номинациясы бойынша Букетов атындағы Қарағанды университеті;

«Үздік әлеуметтік – психологиялық инновация» номинациясы бойынша Шымкент Университеті марапатталды.

«ЕҢ ҮЗДІК ӘЛЕУМЕТТІК-ПСИХОЛОГИЯЛЫҚ ЖОБА – 2025» Республикалық конкурсы әлеуметтік-психологиялық бағыттағы жобаларды, қолдауға, жастардың зерттеушілік, шығармашылық және инновациялық әлеуетін арттыруға бағытталады. Сонымен қатар, қоғамдағы өзекті әлеуметтік-психологиялық мәселелерді шешуге, жастар мен студенттердің әлеуметтік жауапкершілігін арттыру, әлеуметтік-психологиялық сауаттылық пен мәдениетті дамыту, тиімді коммуникация, бейімделу, жанжалдарды шешу және тұлғалық даму бағыттарын насихаттау мақсатында өткізілді.

Байқаудың әділ қазы алқалары:

1.     Райля Кереева – Психоаналитик, Еуропалық психология мектебінің Қазақстандағы өкілі

2.     Кусаинова Айгуль Мендибаевна – Педагог-психолог, әлеуметтік ғылымдар магистрі

3.     Ахметжанова Алтынай Куанышевна – Әлеуметтік ғылымдар магистрі, мінез-құлықтық аналитик

Ұйымдастыру комитеті: Астана халықаралық университеті, ӨжГҒЖМ ПСИХОЛОГИЯ білім беру бағдарламасы.

Қазақстан Республикасының Тәуелсіздік күнін атап өту қарсаңында Астана халықаралық университетінің Өнер және гуманитарлық ғылымдар жоғары мектебі ел тарихының кезеңдерін, мәдени дәстүрлерін және қазіргі заманғы дамуын шығармашылық тұрғыда бейнелейтін студенттік көрмені ұсынады.

Көрменің мақсаты Қазақстан Тәуелсіздігінің өнер, ғылым және жаңа буын шығармашылығының дамуына тірек ретіндегі маңыздылығын айқындау, сондай-ақ студенттердің таланттарын таныту мен кәсіби тәжірибе алмасуға мүмкіндік беретін алаң қалыптастыру.

Өнер сүйер қауымды, оқытушыларды, студенттерді және шығармашылық мамандарды көрмені тамашалауға және жас суретшілерді қолдауға шақырамыз.

2025 жылғы 11 желтоқсан, 11:00
Өтетін орны: : Астана қ., М. Әуезов көшесі, 46/1

Ұйымдастырушы: Өнер және гуманитарлық ғылымдар жоғары мектебі

Экономика ғылымдарының докторы, профессор және университетіміздің Жасыл экономика мектебінің жетекшісі Лесбаева Гүлнар Тенелбаевна таза технологиялар саласындағы басты оқиға - GCIP Kazakhstan акселерациялық бағдарламасының финалистерін бағалауға қатысты (GCIP - Global Cleantech Innovation Programme - халықаралық серіктестердің қолдауымен іске асырылып жатқан және таза технологиялар саласындағы инновацияларды ынталандыруға бағытталған жоба).

Шағын және орта кәсіпкерліктегі жасыл инновациялар мен кәсіпкерлікті ілгерілетуге бағытталған ауқымды «Қазақстандағы таза технологиялар саласындағы жаһандық инновациялар бағдарламасы (GCIP Kazakhstan)» жобасы аясындағы маңызды 3-ші кезең өтті. Профессор Лесбаева Г.Т. GCIP Accelerator 2025 жасыл стартаптарды акселерациялау бойынша Ұлттық конкурс Жюриінің құрамына шақырылды.

10 финалистің Питч-сессиясы өтіп, оған қатысушылар таза технологиялар саласындағы өздерінің инновациялық шешімдерін (жаңартылатын энергетика, энергия тиімділігі, қалдықтарды басқару және т.б.) таныстырды. Жюри жұмысының шарықтау шегі – GCIP Kazakhstan акселерация бағдарламасы финалының жүлдегері атанатын үздік 3 стартапты (жобаны) анықтау болды. Бұл жобалар танылумен қатар, одан әрі даму және нарыққа шығу үшін елеулі қолдауға ие болады.

GCIP бағалауына қатысу - бұл тек мәртебе ғана емес, сонымен қатар экономикамыздың қалай қалыптасып жатқанын көру мүмкіндігі. Ұсынылған жобалар тұрақты даму және "жасыл" жұмыс орындарын құру саласындағы жас кәсіпкерлердің жоғары әлеуетін көрсетеді. Біздің Жасыл экономика мектебі мұндай бастамаларды қолдауға зор мән береді, - деп Лесбаева Г.Т. өз қатысуына қатысты пікір білдірді.

Осы іс-шара аясында экономика жоғары мектебі ТДМ 17 - Мақсаттарға қол жеткізу үшін әріптестік қағидатын жүзеге асырады. Бұл - тұрақты даму саласындағы бастамаларды іске асыру мақсатында халықаралық және өңірлік серіктестікті дамытуға бағытталған.

2025 жылғы 9 желтоқсанда Астана халықаралық университетінде Халықаралық студенттік туризм мектебінің (ХСТМ) салтанатты ашылуы өтті. Бұл жоба - Солтүстік-Кавказ федералдық университеті ұйымдастырған, сондай-ақ Ресей Федерациясының Ғылым және жоғары білім министрлігі, Россотрудничество, Жастар және студенттік туризм бағдарламасы (Студтуризм) және Астана халықаралық университетінің қолдауымен жүзеге асырылған бірлескен білім беру бастамасы.

Ашылу салтанаты университеттің акт залында өтіп, Ресей мен Қазақстанның жоғары оқу орындарының өкілдерін, білім беру ұйымдарының басшыларын, «Студтуризм» бағдарламасы мен Россотрудничество ұйымының өкілдерін біріктірді. Қатысушыларды Астана халықаралық университетінің президенті Серік Азтаевич Ирсалиев, Ресей Федерациясының Ғылым және жоғары білім министрлігінің халықаралық жастар ынтымақтастығы және туризм бөлімі басшысы Константин Дмитриевич Малышев, Солтүстік-Кавказ федералдық университетінің халықаралық ынтымақтастықты дамыту орталығының жетекшісі Анна Геннадиевна Етко, сондай-ақ университет әкімшілігі мен «Студтуризм» бағдарламасының өкілдері құттықтады.

AIU президенті өз сөзінде жобаның басты мақсаттарының бірі  Қазақстан Республикасы мен Ресей Федерациясы арасындағы серіктестік және достық қатынастарды нығайту екенін атап өтті. Екі ел арасындағы ынтымақтастық, ең алдымен, жастар арасында дамып келеді, сондықтан мұндай бастамалар халықаралық академиялық алмасу мен туризм саласын дамытуға маңызды үлес қосады.

Халықаралық мектептің басты мақсаты - жастардың туризм және қонақжайлылық саласындағы құзыреттерін дамыту, сондай-ақ Ресей мен Қазақстан студенттік қауымдастықтары арасындағы үздік тәжірибелермен алмасу. Мектептің тақырыбы - туризмдегі жобалық қызмет пен менеджмент. Апта бойы студенттер аралас топтарда жұмыс істеп, мәдениетаралық өзара әрекеттестікті дамытуға, этнотуризмді және ғылыми-танымдық бағыттарды ілгерілетуге бағытталған бірлескен жобалар әзірлейді.

Халықаралық студенттік туризм мектебі - бұл тек білім беру алаңы ғана емес, сонымен қатар достық пен мәдени алмасу, кәсіби өсудің кеңістігі. Іс-шара барысында қатысушылар қазіргі туризм индустриясының мүмкіндіктерімен танысып, командада жұмыс істеу дағдыларын нығайтты және өз жобаларын жасауға шабыт алды. Ұйымдастырушылардың пікірінше, алынған білім мен орнаған байланыстар болашақтағы жаңа бірлескен бастамалар мен кәсіби жетістіктердің негізін қалайды.

Халықаралық мектеп 2025 жылғы 8-14 желтоқсан аралығында Астана қаласында өтуде. ХСТМ бағдарламасы білім беру, мәдени және жобалық блоктардан тұрады. Негізгі іс-шараларға дәрістер, шеберлік сабақтар, жобалық сессиялар, экскурсиялар және шығармашылық шаралар кіреді. Мектептің қорытындысы 13 желтоқсанда шығарылып, қатысушыларға сертификаттар табысталады.