Жаңалықтар

Халықаралық ынтымақтастықты кеңейту аясында Астана халықаралық университеті (AIU) Қытай Халық Республикасының Білім министрлігінің делегациясымен ресми кездесу өткізді. Кездесуге Шетелде оқыту орталығы директор орынбасары Ся Цзяньхуэй, кіріс бағдарламалар департаментінің директоры Ма Юнь және Шетелде оқыту орталығының жобалар жетекшісі Ван Шань қатысты.

  Кездесу барысында тараптар білім беру саласындағы ынтымақтастықты кеңейту перспективалары және AIU -дың халықаралық бастамаларға қатысуын талқылады. Ерекше назар келесі бағыттарға атап айтсақ,

·         дипломдарды халықаралық деңгейде мойындау;

·         қос дипломды бірлескен бағдарламаларды іске қосу;

·         студенттер мен оқытушылардың академиялық ұтқырлығын дамыту;

·         қытай компанияларының қатысуымен жұмыс жәрмеңкелерін ұйымдастыру;

·         білім беру модельдерін жүзеге асыру тәжірибесімен алмасуға (foundation бағдарламаларын қоса алғанда) назар аударылды.

Астана халықаралық университетінің Президенті мұндай кездесулер жай ғана ресми сапарлар емес, жаһандық білім беру кеңістігін құруға бағытталған нақты қадамдар екенін атап өтті.

«Қытайдың жетекші университеттерімен және ұйымдарымен серіктестікті дамыту – біздің студенттерімізге Қазақстанда да, шет елдерде де жаңа академиялық және мансаптық мүмкіндіктерге жол ашады деп сенеміз», – деді ол.

   Қытайда білім алатын шетелдік студенттерге көрсетілетін қолдау туралы жан-жақты баяндалды. Бейімдеу бағдарламаларынан бастап тілдік курстарға және халықаралық жұмыс жәрмеңкелеріне қатысу, сонымен қатар, шетелдік студенттердің қытай компанияларының халықаралық филиалдарында жұмысқа орналасуына мүмкіндік беретін жаңа мансаптық бастамалар ұсынылды.

   Ерекше қызығушылық тудырған бағыттардың бірі – икемді оқыту модельдерін ұйымдастыру тәжірибесі болды. 2+2 моделі бойынша (екі жыл Қазақстанда, екі жыл Қытайда), қос диплом алуға мүмкіндігі бар.Бұл халықаралық сертификаттауға және жоғары бәсекеге қабілетті мамандық алуға тікелей жол ашады.

   Айта кету керек, тараптар болашақ әріптестіктің негізін құрайтын басты идеялармен келісті. Академиялық алмасу, бірлескен білім беру бағдарламаларын іске қосу, дипломдарды халықаралық деңгейде тану және студенттердің кәсіби даму мен жұмысқа орналасу мүмкіндіктерін кеңейту мәселелері басты назарда болды.

Астана халықаралық университетінде дәстүрлі «Welcome Party – 2025» мерекелік кеші өтті. Шара барысында бірінші курс студенттері университеттің үлкен отбасына ресми түрде қосылды. Мереке жаңа оқу жылының символдық бастамасы айналды. Бірінші курс студенттерін AIU академиялық отбасына біріктірді.

Кеш шымылдығы «AMANAT» ансамблінің орындауындағы қазақтың әйгілі «Адай» күйімен ашылды. Кеш бағдарламасы түрлі ойындар, би жарыстары және заманауи TikTok трендтерімен жалғасты.

Жүргізушілер университеттің өткен оқу жылындағы жетістіктерімен де бөлісті. 2024–2025 оқу жылында AIU-де:

• 27 студенттік ұйым;
• 100-ден астам іс-шара;
• 9 семинар;
• 19 қайырымдылық акциясы жүзеге асты.

Бұл көрсеткіштер университеттің студенттердің тек академиялық білімін ғана емес, олардың шығармашылық және әлеуметтік әлеуетін дамытуға да ерекше көңіл бөлетінін көрсетті.

«Welcome Party – 2025» жаңа оқу жылының басталуын айшықтап қана қоймай, студенттердің достық қарым-қатынас орнатуына, университет өміріне тез бейімделуіне ықпал етті. Кеш соңында белсенді студенттерге алғыс айтылып, университеттің дамуына қосқан үлестері атап өтілді.

20 қыркүйекте Қазақстан World Cleanup Day жаһандық акциясына төртінші рет қосылды. Ауқымды сенбілік еліміздің барлық өңірлерді қамтиды.

Акцияға қатысушылардың қатарында экологиялық бағыттарда білім алып жүрген Астана Халықаралық университетінің (AIU) студенттері бар. PhD, эколог, оқытушы Айман Карабалаеваның жетекшілігімен олар аумақты тазалау мен қоқысты сұрыптауға белсенді түрде атсалысты.

«Біз сенбіліктер мен орман отырғызу сияқты экологиялық іс-шараларға жиі қатысамыз. Бүгін біз студенттермен бірге қоршаған ортаны жақсартуға өз үлесімізді қосуға келдік. Студенттер табиғатты қорғауға өз үлестерін қосып, қоршаған ортаны аялаудың маңыздылығын барлығына еске салу үшін келді», - деп атап өтті Айман Қарабалаева.

Сонымен қатар, Астана Халықаралық университеті атынан іс-шараға қатысқан Қыдырова Айдана Саламатқызы — 321start жобасының кураторы және ұйымдастырушысы. Бүгінде экосенбілік барысында 187 кг пластик жинап, қайта өңдеуге жіберілді.

AIU студенттерінің World Cleanup Day-ге қатысуы маңызды экологиялық үлес қана емес, сонымен қатар жастардың болашақ алдындағы жауапкершілігін сезінуінің айқын мысалы болды.

Астана халықаралық университетінің (AIU)  қаржы директоры Алмас Тынышбайұлы Сұлтанов 80 елден 6 мыңнан  астам спортшының басын қосқан беделді «Ironman 70.3 Italy Emilia–Romagna 5150 Cervia» халықаралық турнирін сәтті аяқтады.

«Ironman 70.3» қатысушылардан барынша шоғырлануды, күш пен төзімділікті талап ететін ең қиын спорттық сайыстардың бірі болып саналады. Жарыстың жалпы қашықтығы 113 шақырымды құрады, оның ішінде үш дисциплина бойынша:

Адриатика теңізінде 1,9 км жүзу;

Романьяның көркем бағыттары бойынша 90 км веложарыс;

Тарихи тұз қоймасында мәремен Червия көшелері арқылы 21,1 км.

AIU өкілінің осындай ауқымды спорттық іс-шараға қатысуы университеттің салауатты өмір салтын, төзімділікті және жеке жауапкершілікті насихаттау философиясын айқын көрсетеді. 

2025 жылғы  17 қыркүйекте  Астана Халықаралық университетінде ҚР Ғылым және жоғары білім министрлігінің Ғылым және жоғары білім саласындағы сапаны қамтамасыз ету комитетінің қатысуымен, «Әскери, арнайы оқу орындарының мәселелері: диссертациялық кеңестер және ғылыми журналдар» атты дөңгелек үстел өтті.

Іс-шараның негізгі мақсаты — әскери және арнайы оқу орындарындағы диссертациялық кеңестердің қызметін жетілдіру және ғылыми журналдардың сапасын арттыру жолдарын талқылау. Іс-шараға мемлекеттік органдардың өкілдері, ғылыми кеңес мүшелері, бас редакторлар мен ғалымдар қатысты.

Астана Халықаралық университетінің Президенті іс -шараны ашып, диссертациялық кеңестердің рөлі мен олардың ғылымдағы маңыздылығын атап өтті.

Шара барысында қатысушылар диссертациялық кеңестердің жұмысын жетілдіру тетіктері мен ғылыми журналдардың сапасын арттырудың өзекті бағыттарын талқылады. Сонымен қатар, әскери және арнайы оқу орындарының ғылыми әлеуетін көтеру жолдары да қарастырылды.  Сондай-ақ ғылыми ортада сапалы зерттеулердің жариялануын қамтамасыз ету, ғылыми кадрларды даярлаудағы диссертациялық кеңестердің рөлі, және академиялық адалдықты сақтау мәселелеріне ерекше тоқталды.

Дөңгелек үстел қорытындысы бойынша бірқатар ұсыныстар әзірленіп, алдағы уақытта оларды жүзеге асыру бойынша жұмыстар жүргізілмек.

Астана Халықаралық университетінің студенттері «Азамат» интеллектуалды бағдарламасына қатысты. Хабар арнасының «Азамат» интеллектуалды бағдарламасының кезекті шығарылымында ауыл шаруашылығын дамыту мәселелері талқыланды. Бағдарлама қазылар алқасы құрамында ҚР Парламенті Мәжілісінің депутаты Айдарбек Қожаназаров, ҚР Ауыл шаруашылығы министрлігінің ресми өкілі Олжас Тілебалдин және «Qazaq Debate» қозғалысының құрылтайшысы Ерболат Мұхамеджан қатысты.

Интеллектуалды алаңда Қазақстан экономикасының негізгі салаларының бірі саналатын аграрлық секторға мемлекет тарапынан қолдау көрсетілгенімен, әлі де шешуді қажет ететін өзекті мәселелер бар екені айтылды.

Абай атындағы Қазақ ұлттық педагогикалық университетінің студенттері мен Астана халықаралық университетінің студенттері ауыл шаруашылығының азық-түлік қауіпсіздігін, ел тұрақтылығы үшін маңызын  және агроинфрақұрылым мәселесіне назар аудару қажет екендігін атап өтті.

Тапсырма барысында Астана халықаралық университетінің студенттері агроинфрақұрылым мәселесіне назар аударды. Олардың айтуынша, еліміздегі көкөніс қоймаларының 60%-ында тоңазытқыш қондырғылары жоқ, ал 30%-ы 20 жылдан бері пайдаланылады. Нәтижесінде ауыл шаруашылығы өнімдерінің 35–40%-ы ысырап болуда. Бұл проблеманы шешу үшін олар трансшекаралық және аймақтық қоймалар жүйесін құруды, логистиканы цифрландыруды – смарт-логистика, блокчейн арқылы автоматтандыру және онлайн-платформаларды енгізуді ұсынған еді.

2025 жылдың 15 қыркүйегінде Астана Халықаралық университетінің Педагогикалық институты ұжымы Қазақстан Республикасы Парламенті Мәжілісінің депутаты Ажар Бахитқызы Сагындыкованың қонақ дәрісін ұйымдастырды. Дәріс тақырыбы: «Мемлекет басшысы Қасым-Жомарт Тоқаевтың Қазақстан халқына арнаған Жолдауын талқылау: “Жасанды интеллект дәуіріндегі Қазақстан: өзекті міндеттер және оларды цифрлық трансформация арқылы шешу жолдары”» болды.

Модератор ретінде студенттермен кездесуді Халықаралық ынтымақтастық және студенттік істер жөніндегі вице-президент Қайрат Амангелдіұлы Абдрахманов жүргізді.

. Әңгіме барысында экология мәселелері, жасанды интеллектті қоғамды дамыту құралы ретінде қолдану, нөлдік төзімділік қағидаты, сондай-ақ су ресурстарын ұтымды пайдалану мәселелері қозғалды.

Студенттер белсенді түрде сұрақтар қойып, келесі тақырыптарға қызығушылық танытты:

·                      саясаттағы әйелдер кездесетін қиындықтар;

·                      жастарды жұмыспен қамтуды қолдауға бағытталған Парламент бастамалары;

·                      болашақ мұғалімдер ретінде оқушыларға осындай мемлекеттік бастамалар мен Жолдаудың негізгі ойларын жеткізудің маңызы.

Кездесу ашық диалог форматында өтіп, студенттерге үлкен әсер қалдырды. Жастардың елдің стратегиялық дамуы мәселелерін талқылауға белсенді қатысуының маңыздылығы тағы бір рет айқын көрсетілді.

Астана халықаралық университетінде белгілі ғарышкер-сынақшы Мұхтар Рабатұлы Аймахановпен кездесу өтті. Кездесу жылы ниетте бастау алды. Сонымен қатар кездесу барысында ғылым мен білім саласындағы ынтымақтастықтың өзекті бағыттары, сондай-ақ ғарыш саласына жоғары білікті мамандар даярлау мәселелері талқыланды.

Байқоңырдың бай мұрасына ие Қазақстан бүгінде өз ғарыштық технологияларын дамытып, стартаптарды қолдап, халықаралық ынтымақтастықты нығайтып келеді.Бұл тұрғыда практикикалық тұрғыда және ғылыми бастамаларды жүзеге асыру ерекше маңызға ие.

М.Р.Аймаханов Қазақстанның ғарыштық технологиялар саласындағы бәсекеге қабілеттілігін қамтамасыз етуге қабілетті инновациялық экожүйені қалыптастырудың негізгі шарты болып табылатын жас зерттеушілерді ғылыми-зерттеу қызметіне ертерек тарту қажеттігін атап өтті.

 Кездесуде Астана халықаралық университетінің Халықаралық ғарыш станциясындағы (ХҒС) ғылыми-технологиялық эксперименттер бағдарламасына қатысу перспективаларына ерекше назар аударылды. Екі тарап микрогравитация жағдайында келесі іргелі және қолданбалы мәселелер мен салаларды шешуде бір мәмлеге келді. Атап айтсақ,

- Жерден ХҒС-қа электр энергиясын беру және оны жаңа буынның жоғары тығыздықты батареяларында жинақтау технологиясын әзірлеу.

- Бірегей қасиеттері бар материалдарды жасау үшін микрогравитация жағдайында аса үлкен монокристалды графен парақтарының синтезін зерттеу.

- ғарыш аппараттарының құрылымдарындағы микро және наноақауларды анықтауға арналған акустикалық құрылғыны құру.

- герметикалық ХҒС модульдеріндегі ауаның шығуын анықтау және локализациялау жүйелерін әзірлеу.

- бригадалардың автономиясын арттыру үшін кеңістікте өсімдіктерді өсіру үшін диатомит субстраттарын пайдалану.

  Бұл жобаларды жүзеге асыру ғылым үшін де, жер бетіндегі әртүрлі салаларда практикалық қолдану үшін де стратегиялық маңызға ие. Олар халықаралық ынтымақтастықты тереңдетуге ықпал етіп, ғарышты игерудің жаңа көкжиектерін ашады.

Сөз соңында Университет Президенті Серік Азтайұлы  алғысын білдіріп, мұндай кездесулер ғылымның жаңа бағыттарына қызығушылық арттырып, университеттің дамуына тың серпін беретінін атап өтті.

11–12 қыркүйек күндері Astana International University-де ТОО «Astana Clinic» серіктестігімен бірлесіп профилактикалық акциясы өтті. Іс-шара барысында салауатты өмір салты және студенттерді темекі шегуді азайтуға бағытталған әрекеттерге жұмылдыру керектігі айтылды. Дәрігерлер студенттерге «Темекі шегудің алдын алу» тақырыбында дәріс өткізді.

Студенттерге темекінің адам денсаулығына зияны, жүрек-қан тамырлары мен тыныс алу жүйесіне әсері, сондай-ақ пассивті шегудің қауіптілігі түсіндірілді. Сонымен қатар зиянды әдеттен бас тарту мәдениетін қалыптастыру мен жеке денсаулыққа жауапкершілікпен қараудың маңызы атап өтілді.

Университет әкімшілігі студенттерге темекі шегу тек арнайы белгіленген орындарда рұқсат етілетінін, ал ережені бұзу әкімшілік жауапкершілікке әкелетінін еске салды.

Бұл іс-шара «Жүрек саулығы орталығы» бағдарламасы аясында өтті және жастар арасында салауатты өмір салты құндылықтарын дәріптеуге бағытталған.

Қазақстан Президенті Қасым-Жомарт Тоқаев халыққа арнаған Жолдауында ел дамуының негізгі бағыты ретінде цифрландыру мен жасанды интеллектіні енгізуді атап өтті. Мемлекет басшысы ғылым мен білімді үйлестіру мақсатында құзырлы Министрлік пен Ғылым академиясының бірлесіп жұмыс істеуінің маңыздылығына тоқталды.

Сондай-ақ, Жолдауда жасанды интеллектіні кеңінен қолданатын университеттерге көбірек дербестік беру қажеттігі айтылды. Бұл жоғары оқу орындарының ғылыми-зерттеу әлеуетін арттыруға және жаңа технологияларды енгізуіне жол ашады.

Astana International University Президенттің бастамаларын толық қолдай отырып, өз оқу үдерісінде цифрлық шешімдер мен жасанды интеллект құралдарын енгізуді жалғастырады. Университеттің стратегиялық мақсаты – жаңа буын мамандарын даярлау, ғылыми зерттеулерді ілгерілету және Қазақстанның инновациялық дамуына үлес қосу.

2025 жылғы 2 қыркүйекте Астана Халықаралық университетінің делегациясы ресми сапармен Бейжіңге барды. Сапар аясында Бейжің тіл және мәдениет университетінің (BLCU) басшылығымен кездесу өтті.

Осы күндері Бейжіңде өткен «Қазақстан–Қытай іскерлік кеңесі» алаңында, Қазақстан Республикасы Білім министрі Саясат Нұрбектің қатысуымен, AIU Президенті Серік Азтайұлы мен BLCU Президенті Дуань Пэн Астанадағы (AIU базасында) BLCU филиалында магистрлік бағдарламаларды іске қосу туралы  келісімге қол қойды.

Келісімде екі магистрлік білім беру бағдарламасын ашу көзделген:

• «International Chinese Language Education»;
• «International Affairs».

Astana International University және Бейжің Тіл және мәдениет университеті Астанадағы BLCU филиалында (AIU базасында) магистратураны іске қосу туралы қосымша келісімге қол қойды.

2025 жылғы 2 қыркүйекте Астана Халықаралық университетінің делегациясы Бейжіңге ресми сапармен келді. Сапар аясында Бейжің Тіл және мәдениет университетінің (BLCU) басшылығымен кездесу өтті.

Осы күндері Бейжіңде өткен «Қазақстан – Қытай Іскерлік кеңесінің» алаңында және Қазақстан Республикасының Білім министрі Саясат Нұрбек, AIU Президенті  Серік Ирсалиев пен BLCU Президенті - Дуан Пэннің қатысуымен Астанадағы BLCU филиалында (AIU базасында) магистрлік бағдарламаларды іске қосу туралы қосымша келісімге қол қойды.

Келісімде екі магистрлік білім беру бағдарламасын ашу көзделген:

•        «International Chinese Language Education»,(Халықаралық Қытай Тілін Оқыту)

•        «International Affairs»,( Халықаралық қатынастар).

Осы бағдарламаларды іске асыру филиалда  «Foundation - бакалавриат – магистратура» кадрларды даярлаудың өтпелі жүйесін қалыптастыруға мүмкіндік береді. Сонымен қатар оның Орталық Азияның білім беру кеңістігіндегі орнын айтарлықтай нығайтады. Қазіргі уақытта докторантура бағдарламаларын іске қосу мәселесі пысықталуда, бұл филиалға толыққанды ғылыми-білім беру орталығы мәртебесін береді.

Биылғы оқу жылында Астанадағы BLCU филиалына (AIU базасында)  Қытай тілін үйрену бағдарламалары бойынша 150 білім алушы, «International Chinese Language Education» және «International Affairs» бағыттары бойынша 80 бакалавриат студенттері қабылданды.

Бұл келісімге қол қою Қазақстан мен Қытай арасындағы білім беру саласындағы ынтымақтастықтың дамуын айқындайтын маңызды кезең болып, филиалдың табысты қызметін айқын дәлелдейді.

Сонымен қатар, Бейжіңде Қазақстан–Қытай мәдени орталығының салтанатты ашылуы өтті. Ашылу салтанатына Қазақстан Республикасының Президенті Қасым-Жомарт Тоқаев қатысты. Өз сөзінде Мемлекет басшысы Астанадағы (AIU базасында) BLCU филиалының жетістіктерін жоғары бағалап, оның екіжақты байланыстарды нығайтуға қосқан үлесін атап өтті.

AIU Президенті Серік Ирсалиев  Азтайұлы,
«Қол қойылған келісім Бейжің тіл және мәдениет университетімен стратегиялық әріптестіктің жаңа кезеңін ашады. Магистратура мен докторантура бағдарламаларын дамыту жөніндегі бірлескен жұмыс Қазақстан мен Қытай арасындағы білім беру және мәдени байланыстарды нығайтуға маңызды үлес қосатынына сенімдімін»- деді.