Жаңалықтар

Astana International University (AIU) қуанышпен хабарлайды, Huawei ICT Competition ұлттық финалының нәтижесінде біздің университет Қазақстанның үздік 6 жоғарғы оқу орнының қатарына енгенін. Бұл нәтиже студенттеріміздің ақпараттық-коммуникациялық технологиялар саласында жоғары деңгейде білім алғанын ғана емес, сонымен қатар AIU-дың қазіргі цифрлық экономикаға дайын болар кәсіби мамандарды даярлауға қосқан маңызды үлесін көрсетеді.

Айта кететін болсақ, 4-курс студенті Шалбай Тахмина (ВТ-21А тобы), Huawei ICT Competition өңірлік финалында Computing Track бойынша бірінші орынды жеңіп алды! Тахмина Таяу Шығыс пен Орталық Азияның үздік студенттері арасында бірінші орынды иеленіп, ерекше білім мен дағдыларын көрсетті.

Қазіргі уақытта Тахмина Сауд Арабиясы Эр-Рияд қаласында Қазақстанды халықаралық аренада таныстыруда. Бұл жетістік оның қажырлы еңбегі мен мінсіздікке ұмтылуының нәтижесі болып табылады.

Барлық қатысушыларды құттықтай отырып, тынымсыз еңбек пен үздіксіз жетілуге деген ұмтылыстары үшін алғыс айтамыз. AIU ұлттық және халықаралық аренада өзінің бәсекеге қабілеттілігін дәлелдей береді!

2024 жылдың 12 желтоқсанында Астана халықаралық университетінде зияткерлік меншік мәселелеріне арналған қонақтық дәріс өтті. Іс-шара барысында Қазақстан Республикасының Зияткерлік меншік ұлттық институты директорының орынбасары Газиз Амреев студенттермен зияткерлік меншіктің инновациялар, экономикалық өсім және мәдени даму үшін маңыздылығы туралы маңызды ақпаратпен бөлісті.

Дәрісінде Газиз Амреев Қазақстандағы зияткерлік меншік құқықтарын қорғаудың құқықтық негіздеріне, атап айтқанда ҚР Азаматтық кодексі, Авторлық және байланысты құқықтар туралы заң, Патент заңнамасы және басқа да нормативтік актілерге кеңінен тоқталды. Газиз Амреев сондай-ақ Qazpatent функциялары туралы айтып берді, оның ішінде сараптамалар жүргізу, зияткерлік меншік объектілерін тіркеу және реестрлерді жүргізу.

Зияткерлік меншікті қорғаудың инновацияларды ынталандыру, бәсекеге қабілеттілікті арттыру және мәдени даму үшін маңызы туралы әлемдік тәжірибелерді, оның ішінде Coca-Cola, Джоан Роулинг және ірі технологиялық компаниялар мысалында атап өтті.

Іс-шара Хабар телеарнасында жарияланып, бұл тақырыптың студенттер мен кең аудитория үшін маңыздылығын ерекше атап өтті. Бұл іс-шара AIU-дің зияткерлік меншік мәселелеріне жастардың хабардарлығын арттыруға бағытталған білім беру бастамаларының бір бөлігі болды.

#ЗияткерлікМеншік #Инновациялар #Экономика #AIU #ҚұқықтыҚорғау

Қазақстан Республикасының Тәуелсіздік күніне орай ұйымдастырылған шара аясында «Халықаралық қатынастар» білім беру бағдарламасының 4-курс студенттері, білім беру бағдарламасының жетекшісі Меруерт Туле­генқызы Ашимованың басшылығымен Қазақстан Республикасы Парламентінің Мәжіліс палатасына барды.

Депутат Сункар Ислам Еркинович студенттерге Парламенттің қызметі, құрылымы мен ұйымдастырушылық ерекшеліктері туралы толық мәлімет беріп, Парламентте экскурсия өткізді.

Парламентке бару студенттерге мемлекеттік басқару процесіне тереңірек үңілуге және еліміздегі заң шығарушы биліктің қалай жұмыс істейтінін жақыннан танысуға мүмкіндік берді. Студенттер Парламенттің негізгі функциялары, заңдарды әзірлеу және қабылдау процесі, сондай-ақ мемлекеттік органдар арасындағы өзара әрекеттесу туралы біле алды.

Мұндай іс-шаралар студенттердің білімін кеңейтуге және оларды саяси жүйе мен Парламенттің мемлекеттік құрылымдағы рөлін түсінуге көмектеседі.

2024 жылдың 5 желтоқсанында Астана халықаралық университетінің Өнер және гуманитарлық ғылымдар жоғары мектебінде «Психология апталығы» аясында «Қолданбалы мінез-құлық анализі: Не білу қажет?» тақырыбында қонақ лекциясы өтті.

Лекцияның қонағы – бұл салада көп жылдық тәжірибесі бар кәсіби мінез-құлық аналитигі Ахметжанова Алтынай Қуанышевна болды. Өз сөзінде ол қолданбалы мінез-құлық анализінің негізгі принциптері, оны білім беру мен терапевтік практикада қолдану, сондай-ақ қазіргі психологиядағы осы бағыттың маңызы туралы айтты.

Алтынай Қуанышевна мінез-құлық аналитигі ретінде жұмыс істеудің практикалық аспектілеріне, соның ішінде ерекше білім беру қажеттіліктері бар балалармен жұмыс жасау әдістеріне және мінез-құлықты қалыптастыру мен түзету құралдарына ерекше назар аударды. Лекция барысында практикалық мысалдар келтіріліп, қатысушыларға қолданбалы мінез-құлық анализінің мәнін тереңірек түсінуге мүмкіндік берілді.

Іс-шара студенттер мен оқытушылар арасында үлкен қызығушылық туғызды, бұл сұрақ-жауап сессиясында белсенді түрде көрініс тапты, онда Алтынай Қуанышевна өзінің кәсіби кеңестерімен бөлісіп, ұсыныстарын айтты.

«Психология апталығының» ұйымдастырушылары Ахметжанова Алтынай Қуанышевнаға оның қатысуы мен білім беру үдерісіне қосқан құнды үлесі үшін алғыс айтты. Мұндай іс-шаралар оқу бағдарламасын байытуға, студенттердің көкжиегін кеңейтуге және оларды психология саласындағы өзекті тақырыптарды тереңірек зерттеуге ынталандыруға көмектеседі.

2024 жылдың 5 желтоқсанында Астана халықаралық университетінің Өнер және гуманитарлық ғылымдар жоғары мектебінде «Психология апталығы» аясында «Әлеуметтік инженерия: манипуляция психологиялық механизмдері және әсерге қарсы қорғау» тақырыбында қонақ лекциясы өтті.

Қонақ спикер ретінде ақпараттық қауіпсіздік саласының магистрі және маманы Нұрар Жұматов шықты. Лекция барысында ол әлеуметтік инженерия әдістері адамдардың мінез-құлқына манипуляция жасау үшін қалай қолданылатынын, сондай-ақ мұндай ықпалдардың негізінде қандай психологиялық механизмдер жататынын және өзіңді қалай тиімді қорғауға болатынын егжей-тегжейлі түсіндірді.

Әлеуметтік инженерияның қазіргі заманғы мысалдары, соның ішінде алаяқтық схемалар, фишинг шабуылдары және құпия ақпаратты алуға бағытталған басқа әдістер ерекше назарға алынды. Спикер ақпараттық қауіп-қатерлер жағдайында психологиялық төзімділік пен саналықты қалыптастыру бойынша практикалық ұсыныстарын да ұсынды.

Лекция қатысушылар арасында қызығушылық туғызды. Іс-шараның соңында сұрақ-жауап сессиясы өткізіліп, Нұрар Жұматов өз тәжірибесімен бөлісіп, тақырыпты зерттеу үшін қосымша ресурстарды ұсынды.

Психология апталығының ұйымдастырушылары Нұрар Жұматовқа оның кәсібилігі мен қызықты баяндамасы үшін алғыс айтып, студенттердің психология және ақпараттық қауіпсіздік саласындағы білімдерін кеңейтуде мұндай іс-шаралардың маңыздылығын атап өтті. Мұндай лекциялар сыни ойлау дағдыларын дамытуға және қазіргі заманғы әлемдегі өзекті қауіптер туралы хабардарлықты арттыруға көмектеседі.

👫 Психология-21Б тобының 4 курс студенттері @youngspecial_astana бастамасымен өткен қайырымдылық шарасына қатысты.

👫 Волонтер-студенттер мүмкіндігі шектеулі балалар мен жасөспірімдердің жаңа жылдық тілектерін орындап, оларға арманындағы сыйлықтар мен мерекелік көңіл күй сыйлады.

❤️ Мұндай бастамалар әлемді сәл де болса жақсырақ етуге ұмтылудың қаншалықты маңызды екенін көрсетеді😍.

❤️ Студенттерімізге олардың жылулықтары мен жаңа жылдық ғажайыпты жасауға қосқан үлестері үшін алғысымызды білдіреміз!✨✨✨

🕊️ Олардың үлгісінен шабыт алып, бірге жақсылық жасауда ынтымақтаса алайық!🕊️🕊️🕊️

🕊️ Шараның жетекшісі – Нұршат Жұматқызы Жұматова.

Қуанышты хабар! Педагогикалық институты Астана Халықаралық университеті «6В01707-Қазақ тілі және әдебиеті», «6B01708-Қазақ тілі және әдебиеті», «6B01702-Орыс тілі және әдебиеті», «6B01601-Тарих», «6В01603-Тарих және қоғамтану» білім беру бағдарламалары бойынша Астана қаласындағы КГУ «№101 орта мектебі» филиалын ашты.

Филиалдың ашылуы біздің университетіміздің студенттеріне дуальді білім алу мүмкіндігін, сондай-ақ кәсіби (педагогикалық, психолого-педагогикалық және дипломға дейінгі) практикадан өтуге және түлектердің жұмысқа орналасуына мүмкіндік береді.

Бірінші желтоқсан айының басында бағыт жетекшісі, филология ғылымдарының кандидаты, доцент Резуанова Галиябану Кабиевна №101 орта мектебінің ұжымымен кездесу өткізіп, филиалдың мақсаты мен міндеттерін таныстырып, алдағы бірлескен іс-шаралар тізімімен таныстырды. Сонымен қатар, қазақ тілі мен әдебиеті, орыс тілі мен әдебиеті, тарих және ағылшын тілі пәндерінің мұғалімдеріне арналған семинар өткізді. Резуанова Г.К. ғылыми-зерттеу жұмыстарын жазу бойынша баяндама жасады.

Семинардан кейін мектеп мұғалімдері өздерін қызықтырған сұрақтар бойынша консультациялар алды. Осы күні сондай-ақ мектеп түлектеріне кәсіби бағдар беру жұмысы жүргізіліп, Астана Халықаралық университеті даярлайтын мамандықтар туралы ақпарат ұсынылды.

Филиалдың ашылуы білім беру процесін жақсарту және университет пен мектеп арасында берік байланыстар орнату бағытында маңызды қадам болып табылады, бұл педагогикалық әлеуетті дамыту мен білікті мамандар даярлауға ықпал етеді.

2024 жылғы 17 желтоқсанда AIU-да Қазақстанның Тәуелсіздік күніне арналған «Тәуелсіздік тұғыры биік болсын!» атты әсерлі іс-шара өтті. Іс-шараны Педагогикалық институттың аға оқытушысы Резуанова Г.К. «Шетел тілі: екі шетел тілі» мамандығының 1 және 3-топ студенттерімен бірлесе ұйымдастырды.

Іс-шара Мемлекеттік гимннің орындалуымен басталып, оған ерекше салтанаттылық берді. Бірінші курс студенттері өз өнерлерін көрсетіп, ән айтып, би билеп, күйлер орындап, өлеңдер оқыды. Әрбір нөмір қазақ мәдениетінің байлығын және студенттердің Отанға деген сүйіспеншілігін паш етті.

Іс-шараның мақсаты – патриоттық рухты қалыптастыру және дамыту, бейбіт өмірдің құндылығын және еліміздің тәуелсіздігінің маңыздылығын түсіндіру, сондай-ақ Отанға деген сүйіспеншілікке тәрбиелеу.

Іс-шара қатысушылар мен көрермендерді біріктіріп, оларды өз еліне деген мақтаныш сезімімен толтырды және тәуелсіз Қазақстанның жарқын болашағы үшін жаңа жетістіктерге шабыттандырды.

AIU-да түрлі мәдениеттерді таныстыруға арналған ерекше іс-шара өтті. Бұл студенттер үшін мәдени әртүрлілікті зерттеп, мәдениетаралық өзара әрекеттестікті нығайтуға тамаша мүмкіндік болды.

Қатысушылар өз ұлттарын музыка, би, дәстүрлі костюмдер, ұлттық асхана және өнер арқылы таныстырды. Бағдарлама аясында студенттер өз елдерінің дәстүрлері, тарихы және мәдени ерекшеліктері туралы көрермендерге қызықты презентациялар жасады.

Іс-шараның ең жарқын сәттерінің бірі – әртүрлі елдердің ұлттық тағамдарын дайындау болды. Қонақтар тек тағамдардың дайындалу процесін көріп қана қоймай, оларды дәмін татып, ерекше атмосфераны сезінді.

Бағдарламаның соңында қазылар алқасы байқаудың қорытындысын шығарып, жеңімпаздарды марапаттады.

Іс-шара студенттердің таным көкжиегін кеңейтіп, өзара түсіністік пен қатысушылар арасындағы достықты нығайтуға ықпал етті. Бұл AIU халықаралық студенттік ортасындағы мәдени диалог пен өзара құрметті арттыру жолындағы маңызды қадам болды.

2024 жылдың 18 желтоқсанында «Биология» білім беру бағдарламасының жаратылыстану ғылымдары Жоғары мектебінің 2 курс студенті Аянат Шайсұлтанова National ACADEMY of SCIENTIFIC AND INNOVATIVE RESEARCH ұйымдастырған "Жылдың үздік студенті 2024" халықаралық байқауының дипломымен марапатталды. Бұл оның еңбекқорлығы мен ғылымға деген адалдығын маңызды мойындау.

Марапаттау рәсімі Қазақстанның астанасы Астанада өткен «Ғылым жастардың көзімен» атты Халықаралық ғылыми-практикалық конференция аясында өтті. Бұл өз зерттеулері мен жетістіктерімен бөлісу үшін біріккен Жас ғалымдар үшін маңызды оқиға болды.

Аянат Шаяхметованың байқаудағы жеңісі оның биология саласындағы ерекше білімі мен талантын, сондай-ақ өзін-өзі үнемі жетілдіруге деген ұмтылысын дәлелдейді. Аянаттың жетекшісі-DBA, аға оқытушы Кәрібаева Мадина Қажымерқызы.

Біз студенттеріміздің жетістіктерін мақтан тұтамыз және олардың ғылым саласындағы одан әрі жарқын жаңалықтары мен жетістіктеріне үміттенеміз!

13.12.2024. Өнер және гуманитарлық ғылымдар Жоғары мектебі Қазақстанның Тәуелсіздік күніне орай көрме өткізді.

Іс-шараның негізгі мақсаты ата-бабамыздың тәуелсіздік жолындағы ерлігін үлгі етіп, – Тәуелсіздік күнінің маңызын, еліміздің бүгіні мен болашағын терең тарихымызбен байланыстыра отырып, халықтың азаматтық бірлігін қалыптастыруға насихаттау мақсатында 16 желтоқсан Тәуелсіздік күніне орай AIU фоэсінде «Тәуелсіздік – тұғырым» атты көрме ұйымдастырылды.

Қызылорда және Маңғыстау облыстарынан келген 12 студентке 2024 жылдың 11–12 желтоқсанында OzgeEpic креативті хабында ПРООН ұйымдастырған STEM саласындағы қыздарға арналған көшбасшылық бағдарламасы аясында негізгі дағдыларды дамыту және кәсіби байланыстар орнату мүмкіндігі берілді. Біздің университетті 3 курс студенті Гаухар Алшын («Экология және табиғатты пайдалану» білім беру бағдарламасы), 1 курс студенті Ақназар Айкүміс («Биология»), және 1 курс студенті Диляра Шыңғысхан («Рекреациялық география және туризм») таныстырды.
🎯 Бағдарлама студенттерге не берді?
1️⃣ Көшбасшылық дағдылары мен сенімділік – тәжірибелі көшбасшылар Асель Жанасова («Қазпошта» АҚ) мен Айгерім Құсайынқызы (Мемлекеттік басқару академиясы) өткізген семинарлар мен дәрістер арқылы қатысушылар өз идеяларын қорғауды және тиімді қарым-қатынас жасауды үйренді.
2️⃣ Практика мен тағылымдама (Job Shadowing) – қатысушылар STEM саласындағы жетекші әйелдердің жұмысын бақылау мүмкіндігін алып, кәсіптер мен болашақ мүмкіндіктер туралы түсініктерін кеңейтті. Қазақстан Республикасы Парламенті Мәжілісінде әйел-депутаттармен танысты.
3️⃣ Нетворкинг және менторлардан қолдау – парламентшілер мен сарапшылармен кездесулер жаңа көкжиектер ашып, құнды кәсіби байланыстар орнатуға көмектесті.

✨ Іс-шараның ерекше қонағы Хелен Кларк болды – Тау-кен өндіру саласының ашықтығы бастамасы ұйымының басқарма төрайымы, Жаңа Зеландияның бұрынғы премьер-министрі (1999–2008 жж.) және ПРООН әкімшісі (2009–2017 жж.). Хелен Кларк бағдарлама қатысушыларымен және Қазақстандағы ПРООН қызметкерлерімен кездесіп, өз тәжірибесімен бөлісті және Q&A сессиясында сұрақтарға жауап берді. 💡

🌟 Резюме жазу, сұхбатқа дайындалу және жеке бренд қалыптастыру бойынша алған білімдер табысты мансапқа апаратын маңызды қадам болады деп сенеміз. Әйел көшбасшылармен қарым-қатынас тәжірибесі қыздарды стереотиптерді еңсеруге және STEM-де гендерлік теңдікті ілгерілетуге шабыттандырады.

Бұл іс-шара жас таланттарды дамытуға және Қазақстанның болашақ көшбасшыларын дайындауға үлкен үлес қосты! 🎓💼

#WomenInSTEM #Көшбасшылық #КәсібиДаму #GenderEquality #STEM #AIU

UNDP Kazakhstan-ға осындай керемет іс-шара ұйымдастырғаны үшін алғыс білдіреміз!!