Жаңалықтар

2026 жылғы 7 наурызда Астана қаласындағы Халықаралық Астана

университеті базасында жұмыс істейтін Бейжің тіл және мәдениет

университетінің филиалында қытай тілін меңгеру деңгейін анықтауға

арналған халықаралық компьютерлік HSK және HSKK емтихандары өтті.

Қазіргі уақытта бұл орталық Астана қаласында қытай тілі бойынша

халықаралық емтихандарды компьютерлік форматта тапсыруға болатын

жалғыз ресми тестілеу орталығы болып табылады.

Емтихан сессиясына барлығы 144 адам қатысты. Олардың қатарында

Қазақстан азаматтарымен қатар шетелдік қатысушылар да болды. Емтихан

филиал қабырғасында төртінші рет өткізіліп отыр. Бұл қытай тілін үйренуге

деген қызығушылықтың артып келе жатқанын және білім беру саласындағы

халықаралық ынтымақтастықтың нығайып келе жатқанын көрсетеді.

Келесі HSK және HSKK компьютерлік емтиханы 2026 жылғы 11

сәуірге жоспарланған. Емтиханға тіркеу наурыз айының соңында ашылады.

Тіркелу және емтиханға қатысу мәселелері бойынша WhatsApp нөмірі

арқылы хабарласуға болады: +7 777 001 3913.

2026 жылдың 5 наурыз күні университет қабырғасында көктемнің ең шуақты мерекесі — 8 наурыз Халықаралық әйелдер күніне арналған «Екі жұлдыз» атты салтанатты іс-шара өтті. Биылғы концерттің тақырыбы «Кино әлемі: әйел басты рөлде» деп аталып, өнер мен сұлулықты ұштастырды.

Мерекелік кешті университет Президенті салтанатты түрде ашып, әйелдер қауымының қоғамдағы, соның ішінде ғылым мен білім беру саласындағы өлшеусіз үлесін атап өтті. Ерекше айта кететін жайт, мерекелік көңіл-күй сыйлау мақсатында залда отырған әрбір нәзік жандыға гүл шоқтары табысталды.

Шараның басты мақсаты — университет оқытушылары мен студенттері арасындағы шығармашылық байланысты нығайту және әйелдердің қоғамдағы рөлін дәріптеу болды. Мерекелік бағдарлама барысында қатысушылар кино әлеміндегі танымал образдарды сомдап, музыкалық қойылымдар арқылы көрермендерге ерекше әсер сыйлады. Сахна төрінде профессор-оқытушылар құрамы мен студенттер дуэт болып өнер көрсетіп, нағыз «Екі жұлдыз» жобасының деңгейін көрсетті.

Әдеттегідей жеңімпаздарды анықтау — кештің ең толқынысты сәті. Қазылар алқасының шешімімен жүлделі орындар келесідей берілді:

Әрбір жеңімпаз жұпқа арнайы ақшалай сыйлықтар табысталды. Бұл марапаттар қатысушылардың еңбегі мен шығармашылығына деген үлкен қолдау екені анық.

Студенттер істері департаменті ұйымдастырған бұл кеш университет ішіндегі корпоративтік мәдениетті дамытуға және ұстаздар мен шәкірттер арасындағы сыйластықты арттыруға үлкен септігін тигізді.

Педагогикалық институттың студенттері жоғары академиялық жетістіктері,

ғылыми белсенділігі және қоғамдық өмірге қосқан үлесі үшін Қазақстан

Республикасы Президентінің стипендиясына ие болды.

Аталған жоғары марапатқа келесі студенттер лайық деп танылды:

 Есенов Мадияр Амангельдыевич – 6В01703 «Шет тілі: екі шет тілі»

білім беру бағдарламасының 3-курс студенті;

 Шертанова Меруерт Бериковна – 6В01502 «Биология» білім беру

бағдарламасының 3-курс студенті;

 Буланин Артем Романович – 6В01501 «Информатика» білім беру

бағдарламасының 4-курс студенті.

Президенттік стипендия студенттердің білім мен ғылым саласындағы жоғары

жетістіктерін, шығармашылық әлеуетін және кәсіби дамуға деген ұмтылысын

бағалайтын маңызды қолдау шараларының бірі болып табылады.

Педагогикалық институт ұжымы студенттерімізді осы жетістіктерімен шын

жүректен құттықтап, алдағы уақытта да жаңа табыстар мен биік белестерді

бағындыруларына тілектестік білдіреді.

Университеттің Психологиялық Қызметі Өнер және гуманитарлық ғылымдар жоғары

мектебінде «Ашық есік күнін» өткізді. Іс-шара бағдарламасы аясында интерактивтік дәріс,

вебинарлар және экспресс-консультациялар ұйымдастырылды.

Бағдарлама шеңберінде «Эмоцияларды басқару және эмоционалдық интеллектіні дамыту»

тақырыбында AIU психологы Б.Ж.Санатова қатысуымен интерактивтік дәріс өтті. Дәріс

барысында қатысушылар эмоцияларды тану, оларды тиімді басқару және эмоционалдық

интеллектіні дамыту жолдары туралы мағлұмат алды.

Сонымен қатар, «Жеке шекара және қауіпсіздік: сталкингтің алдын алу» тақырыбында

вебинарды AIU Психологиялық Қызмет басшысы, психолог Венера Елеу жүргізді. Іс-шара

барысында жеке шекара ұғымы, қауіпсіз мінез-құлық дағдылары, сталкингтің психологиялық

белгілері және оның алдын алу жолдары жан-жақты қарастырылды.

«Химиялық тәуелділіктің даму сатылары» тақырыбында вебинарды клиникалық психолог

Алмат Балтабеков өткізді. Шақырылған сарапшы химиялық тәуелділіктің қалыптасу кезеңдері,

оның психологиялық және әлеуметтік салдары, сондай-ақ алдын алу жолдары туралы ақпарат

берді.

Экспресс-консультациялар барысында психологиялық тестілеу, арт-терапиялық жаттығулар

және ақпараттық жұмыстар ұйымдастырылды. «Психология» білім беру бағдарламасының 4-курс

студенттерімен бірлесе отырып, қатысушыларға өзін-өзі тану, эмоционалдық күйін түсіну, стресс

деңгейін анықтау және психологиялық ресурстарды дамытуға бағытталған тәжірибелік

тапсырмалар ұсынылды.

Аталған іс-шара студенттер арасында психологиялық мәдениетті қалыптастыруға, қолдау

атмосферасын нығайтуға және университеттің Психологиялық Қызметінің мүмкіндіктерімен

таныстыруға бағытталды.

Университеттің Психологиялық Қызметінің жұмыс жоспары аясында бірінші курс

студенттері арасында психологиялық алдын алу бағытында бірқатар іс-шаралар өткізілді.

Негізгі мақсат – студенттердің психологиялық саулығын нығайту, эмоционалдық

тұрақтылығын арттыру және оқу процесінде қолдау көрсету.

Дәрістер мен тренингтер барысында студенттер эмоционалдық интеллект

ұғымымен танысып, өз эмоцияларын тану және реттеу, стрессті басқару, уақытты тиімді

жоспарлау дағдыларын меңгерді.

Топтық талқылаулар мен жаттығулар өткізу процессінде студенттердің өзіне деген

сенімділігін, өзін-өзі бағалау деңгейін арттыруға, ішкі ресурстарды анықтауға, өзін-өзі оң

қабылдауды қалыптастыруға және тиімді әлеуметтік өзара әрекеттесу дағдыларын

дамытуға ерекше назар аударылды.

Психологиялық Қызмет алдағы уақытта да студенттердің психикалық саулығын

нығайтуға бағытталған жүйелі жұмыстарды жалғастырады.

Astana International University-де Испания Корольдігінің Төтенше және Өкілетті Елшісі Луис Франсиско Мартинес Монтес мырзамен жылы әрі нәтижелікездесу өтті. Құрметті қонақтың сапары университет басшылығыменресми сұхбаттан басталып, елдер арасындағы білім беру және тәжірибеалмасудың жаңа мүмкіндіктері талқыланды. AIU басшылығы ерекшеқұрметтің белгісі саналатын қазақтың қамшысын мәртебелі қонағымызғаестелік сыйлыққа берді.  

Сапардың жалғасы Қазақстан мен Испания арасындағы стратегиялықсеріктестікке арналған ашық дәріске ұласты. Елші мырза еліміздіңтарихында қалған «Қайрат» пен «Реал Мадрид» арасындағы матч, сондай-ақ, Қазақстандағы заманауи өнердің символына айналған Жауме Пленсаның әйгілі мүсіні және де Netflix-тің қатысуымен түсірілген Карлаг туралы ауқымды киножобаны тілге тиек ете келе екі ел арасындағыынтымақтастықты жаңа қырынан ашты. 

Сұрақ-жауап кезінде студенттеріміз әлемдік деңгейдегі маманнан құнды кеңестер алды. Жастардың бойында ерекше әсерқалдырғаны елшінің студенттермен өте ашық сөйлесіп, қарапайым түрдетікелей қарым-қатынас жасауы. Мұндай іс-шаралар AIU студенттеріне оқумен мансапта жаңа белестерді бағындыруға шабыт береді.

Қазіргі таңда мәдени құндылықтарды цифрлық форматқа көшіру әлемдік деңгейдегі маңызды міндеттердің бірі. ЮНЕСКО сияқты халықаралық ұйымдар тарихи жәдігерлерді келешек ұрпаққа жеткізу барысында жасанды интеллектті белсенді қолданып келеді. Түркі әлемінің тарихын қорғаудың маңыздылығын түсіне отырып және әлемдік технологиялық трендтерді негізге ала отырып, Astana International University ауқымды цифрлық жобаларға қатысуын жалғастырып келеді.

Осы мақсатта 2026 жылдың 3 наурызында университет «Ұлттық ақпараттық технологиялар» АҚ (НИТ), Халықаралық түркі мәдениеті мен мұрасы қоры және Astana Hub халықаралық технопаркімен бірлескен төртжақты Меморандумға қол қойды. Бұл келісім түркі халықтарының мәдени мұрасын цифрландыру және оны сақтап қалу барысында заманауи жүйе құруға бағытталған. Серіктестердің басты мақсаты: жасанды интеллект мүмкіндіктерін пайдалана отырып, тарихи құндылықтарды бүкіл әлемге таныту.

Құжаттың ең маңызды бөлігі — AlemGPT платформасы негізінде Түркі мұрасының цифрлық платформасын жасау. Жоба аясында тарихи мәліметтерді жинақтау үшін қажетті құжаттар әзірленіп, түркі әлемінің тарихын көрсететін сапалы цифрлық мазмұн дайындалады, сондай-ақ, заманауи технологиялық талаптар мен халықаралық интернет ережелеріне сай жасалмақ.

Бұл үлкен жоба Alem AI халықаралық жасанды интеллект орталығының базасында жүзеге асырылады. Мұндай платформаның құрылуы ғалымдар мен мамандардың басын қосып, түркі әлемінің тарихи байлығын зерттеуге арналған ортақ цифрлық кеңістік қалыптастыруға жол ашады. AIU үшін бұл жобаға қатысу университеттің ғылыми зерттеулерді заманауи цифрлық нәтижеге айналдыра алатын инновациялық орталық екенін тағы да дәлелдейді.

БҰҰ-ның Тұрақты даму мақсаты 4 «Сапалы білім» (барлығына қолжетімді және

әділ сапалы білім беру, тұрақты дамуды қолдауға қажетті білім мен дағдыларды

меңгеру, оның ішінде тұрақты өндіріс, тұтыну және жаһандық азаматтық тақырыптары

бойынша) аясында Жасыл экономика мектебінің жетекшілері проф. Лесбаева Г.Т. және

қауымдастырылған проф. Байбаш Г.К. қызықты іскерлік ойын өткізді.

Ойынның мақсаты- студенттерге тұрақты даму талаптарының (ESG

принциптері) халықаралық саудадағы компаниялардың бәсекеге қабілеттілігіне әсерін

көрсету және ЕО нарығына шығу кезіндегі стратегиялық шешімдерді түсінуді дамыту

(Green Deal, CBAM, экологиялық сертификаттау, due diligence және т.б.).

Қатысушылар экспорттаушылар үшін тәуекелдер мен мүмкіндіктерді талдады,

жеткізу тізбектері мен бизнес-модельдерді еуропалық «жасыл» стандарттарға

бейімдеді, бәсеке және шектеулі ресурстар жағдайында басқару шешімдерін

қабылдады. Бұл XXI ғасырдың негізгі құзыреттіліктерін практика жүзінде меңгеруге

мүмкіндік берді: стратегиялық ойлау, командалық жұмыс және белгісіздік жағдайында

шешім қабылдау.

Жеңімпаздарды және барлық қатысушыларды құттықтаймыз:

1 орын - МБ-23Б тобының командасы: Белокур Кристина, Баклага Маргарита,

Искакова Альбина, Мустафаева Лейли, Әміртай Диана.

2 орын - «Сириус» командасы (МБ-23Б тобы): Қабыш Аружан, Нугман Ақтілек,

Салихова Нәйля, Еркеш Аяжан, Жумашева Айым

3 орын - «EcoGrainAgro» командасы (МБ-24Б тобы): Алшимбаева Рахиля,

Абенова Дана, Ержан Дарина, Бакыткызы Ақбота, Кушкинбай Аружан.

МБ-24Б тобының командасы Журбин Александр, Забара Игорь, Баймухамбет

Карина, Саги Нурай, Захарова Тальяна - белсенділіктеріңіз үшін рақмет.

Астана халықаралық университеті білім беру сапасын арттыру және

студенттердің тәжірибелік дағдыларын дамыту бағытындағы жұмыстарын жүйелі

түрде жалғастыруда. Университет материалдық-техникалық базасын жаңартып,

робототехника, бағдарламалау, электроника және Заттар интернеті (IoT)

технологиялары бойынша заманауи оқу жабдықтарын сатып алды.

Аталған құрал-жабдықтар оқу үдерісінде кеңінен қолданылып, студенттердің

теориялық білімін тәжірибемен ұштастыруға мүмкіндік береді. Жаңа ресурстар

арқылы білім алушылар:

 сыни ойлау және инженерлік талдау қабілеттерін дамытады;

 заманауи технологияларды тәжірибе жүзінде меңгереді;

 робототехника мен IoT бағытында жобалар әзірлейді;

 болашақта сұранысқа ие мамандықтарға кәсіби тұрғыда дайындалады.

Университеттің басты мақсаты – инновациялық білім беру ортасын

қалыптастыру, студенттердің ғылыми-зерттеу және жобалық қызметке белсенді

қатысуына жағдай жасау.

Біз сапалы білім мен заманауи технологияларды біріктіре отырып, бәсекеге

қабілетті мамандарды даярлауды жалғастырамыз.

Бүгін Астана Халықаралық университетінің қабырғасында қос дипломдық білім беру бағдарламаларын әзірлеуге арналған ауқымды воркшоптың екінші күні өтті. Университет басшылығы, жоғары мектеп декандары және білім беру бағдарламалары жетекшілерінің басын қосқан бұл шарада студенттеріміздің білімін әлемдік деңгейге көтеру міндеті талқыланды.

Кездесудің басты назары күрделі теорияны тәжірибелі практикаға айналдыруға бағытталды. Воркшоп қатысушылары студенттің бір мезгілде екі мемлкетте оқып, нәтижесінде екі толыққанды диплом алуы үшін Қазақстан мен шетелдік жоғары оқу орындарының оқу жоспарларын қалай біріктіруге болатынын егжей-тегжейлі талқылады. Мұндай мүмкіндіктер түлектеріміз үшін ірі халықаралық компанияларға жұмысқа тұруына жол ашады. Айта кетейік, біздің университетімізде мұндай тәжірибе алмасу және озық білім беру стандарттарын енгізу бойынша жаңа бастамалар  British Council қолдауымен жүзеге асырылуда.

Қызу пікірталас барысында сарапшылар құқықтық нюанстарды ғана емес, сонымен қатар нақты студенттік тәжірибені де талқылады. Басқа елге көшу жайлы болуы үшін академиялық ұтқырлықты қалай ұйымдастыру керек? Білімді бағалау жүйесін халықаралық талаптарға қалай бейімдеуге болады? Бұл сұрақтардың жауабы топтық жұмыс барысында қарастырылып, әр факультет AIU-дағы қос дипломдық білім берудің бірыңғай Ережесін жасау бойынша өз идеяларын ұсынды.

Екінші күннің нәтижесі ретінде Қазақстанның жетекші университеттерінің кейстерін егжей-тегжейлі талдау және жеке даму стратегиясын әзірлеуді айта аламыз. Қатысушылар тек жаңа білім алып қана қоймай, оны іс жүзінде қолданып, келешектегі бағдарламалардың нобайын сызды. Воркшоп соңында діттелген нәтижелерді ортаға салып, әр қатысушыға салтанатты түрде сертификаттар табысталды.

2026 жылдың 26 ақпан күні Әл-Фараби атындағы Оқушылар сарайында Астана халықаралық университетінің көптен күткен іс-шараларының бірі — «AIU Аруы – 2026» байқауы өтті. Салтанатты кешке университет басшылығы, оқытушылар мен студенттерден құралған 500-ден астам көрермен жиналып, арулардың өнері мен парасатына куә болды.

Байқаудың басты ерекшелігі — тек сыртқы сұлулықты ғана

емес, әйел затының қоғамдағы мәртебесі мен қазіргі заманғы қыз баланың бейнесін айқындауға бағытталды. Президентіміз  Қасым-Жомарт Кемелұлы соңғы өткен Ұлттық құрылтайда әйелдерге қатысты зорлық-зомбылыққа, соның ішінде сталкинг пен некеге мәжбүрлеу сияқты жат әдеттерге түбегейлі қарсы тұру керектігін қадап айтқан еді. Осы тұрғыда біздің студент қыздарымыз өз өнерлері мен жауаптары арқылы әрбір әйел баласының құқығы мен ар-намысы мемлекет тарапынан қатаң қорғалатынын жеткізе білді.

Тартысты әрі мазмұнға толы кештің қорытындысы бойынша:

Бас жүлде «AIU Аруы – 2026» титулын Педагогикалық институт студенті — Жолдас Айша қанжығасына байлады.  

I орынды Өнер және гуманитарлық ғылымдар жоғары мектебінің студенті — Ертуған Дамира еншілесе, II орынды Жаратылыстану ғылымдары жоғары мектебінің студенті — Кәкімова Аймөлдір тізгіндеді. Ал кезекті III орын Экономика жоғары мектебінің студенті — Батырханқызы Айнұрға бұйырды.

Студенттер істері жөніндегі департаментің ұйымдастыруымен өткен бұл кеш әйелге деген құрмет сезімін нығайтқан маңызды тәрбиелік шара болды. Барлық жеңімпаздардың мерейі үстем болсын

дейміз!