Жаңалықтар

Астана халықаралық университетінде жоғары оқу орнының басшылығы мен академиялық құрамының қатысуымен «Қос дипломдық білім беру бағдарламаларын (ҚДББ) әзірлеу» атты маңызды стратегиялық воркшоп өз жұмысын бастады. 2026 жылдың 25-ші ақпанында шараның алғашқы күні университет құрылымындағы білім беру бағдарламаларын трансформациялауға, тәсілдерді біріздендіруге және халықаралық стандарттарға сай жаңа ережелерді қалыптастыруға арналды. Семинарға Ректор, Проректорлар, Педагогикалық институт пен Жоғары мектептердің басшылығы, сондай-ақ білім беру бағдарламаларының жетекшілері толық қатысып шықты.

Семинардың ашылуында сөз сөйлеген университет Ректоры қос дипломдық бағдарламалардың заманауи білім беру кеңістігіндегі стратегиялық маңызына тоқталды. Негізгі фокус — оқу орнының ішкі мүмкіндіктеріне ғана сүйенбей, еңбек нарығы мен стейкхолдерлердің нақты сұраныстарына негізделген бағдарламаларды әзірлеу. Бұл қадам университеттің «біз не оқыта аламыз?» деген логикадан «нарыққа не қажет?» деген бағытқа түпкілікті бет бұрғанын көрсетеді.

Алғашқы күннің күн тәртібінде қос дипломды білім беру жүйесінің бірыңғай түсінігі мен терминологиясын қалыптастыру мәселелері талқыланды. Қатысушылар халықаралық білім беру модельдерін саралап, бағдарламаларды іске асырудың тиімді жолдарын қарастырды. Топтық жұмыс барысында университет, студенттер және оқытушылар үшін бұл жүйенің беретін құндылықтары мен басымдықтары айқындалды. Сондай-ақ серіктес жоғары оқу орындарын таңдау критерийлері мен мүдделі тараптардың қажеттіліктерін картаға түсіру процесі жүзеге асырылды.

Семинардың маңызды бөлімі Қазақстандағы қос дипломдық білім берудің нормативтік және институционалдық шеңберін талдауға арналды. Қатысушылар қолданыстағы заңнама аясындағы негізгі кедергілер мен сын-қатерлерді талқылап, оларды шешу тетіктерін ұсынды. Кездесу қорытындысы бойынша «ҚДББ туралы ереже» жобасына нақты түзетулер енгізіліп, алдағы жұмыс алгоритмі бекітілді. Бұл бастама Астана халықаралық университетінің халықаралық білім беру кеңістігіндегі позициясын нығайтуға және түлектердің бәсекеге қабілеттілігін арттыруға бағытталған нық қадамы болды.

Astana International University базасында 6В01701 / 6В01703 «Шетел тілі: екі

шетел тілі» білім беру бағдарламаларының студенттері арасында Республикалық

пәндік олимпиаданың I кезеңі өтті. Өткізілген іс-шара қатысушылардың тілдік,

коммуникативтік және жобалық дайындығының жоғары деңгейін көрсетті.

Барлық студенттер өздерін жоғары кәсіби деңгейде танытып, терең

білімдерін, академиялық коммуникация дағдыларын, сыни ойлау қабілеттерін

және тапсырмаларды орындауда креативті көзқарастарын көрсетті. Сөйлеу

әрекетінің түрлері бойынша байқау тапсырмалары мен жобаларды қорғау

қатысушылардың пәндік құзыреттілігін ғана емес, сонымен қатар академиялық

бәсеке жағдайында жұмыс істеу, өз ұстанымын дәлелдеу және қызмет нәтижелерін

сауатты ұсыну қабілеттерін айқындады.

Олимпиаданың салтанатты ашылуын Педагогикалық институттың аға

оқытушысы Амангельды Казизов жүргізді. Оның құттықтау сөзінде көптілді білім

берудің маңыздылығы, академиялық батылдық пен мәдениетаралық диалогтың

құндылығы ерекше атап өтілді. Ашылу рәсімі аясында қатысушыларға тілдің

коммуникация, өзара түсіністік және кәсіби өсу құралы ретіндегі рөлін

айқындайтын мотивациялық үндеу жолданды:

Good morning, brilliant minds and beautiful voices of tomorrow!

Today, you’re not just here to compete, you’re here to connect.

Every language you speak is a bridge.

Your words matter. Your voice matters. And today, it begins to echo beyond these walls.

Good luck to each of you, and let the languages unite us!

Олимпиаданы ұйымдастыру және әдістемелік қолдау көрсетуде жоғары

деңгей танытқан шетел филологиясы кафедрасының профессорлық-оқытушылық

құрамына ерекше алғыс білдіріледі. Олимпиаданы өткізуге келесі оқытушылар

белсенді қатысты: Казизов А., Имангалиева М., Рахматулина К., Калиева А.К.,

Ахмедина Б.К., Капанова А. Олардың кәсібилігі, үйлесімді командалық жұмысы

және академиялық жауапкершілігі бағалаудың объективтілігі мен Олимпиаданың

барлық кезеңдерінің жоғары деңгейде ұйымдастырылуын қамтамасыз етті.

Өткізілген Олимпиада болашақ шет тілі мұғалімдерінің кәсіби құзыреттерін

дамытуға, академиялық мәдениетті нығайтуға және көптілді білім беруді

насихаттауға ықпал еткен маңызды академиялық оқиға болды. Қатысушылардың

жоғары нәтижелілігі мен оң пікірлерін ескере отырып, аталған Олимпиаданы жыл

сайын өткізу туралы шешім қабылданды. Бұл талантты студенттерді анықтау және

қолдау, педагогикалық тәжірибе алмасу, тілдік білім беруде инновациялық

тәсілдерді енгізу үшін тұрақты алаң қалыптастыруға мүмкіндік береді.

Іс-шара осындай академиялық бастамалардың студенттік әлеуетті дамыту,

бәсекеге қабілетті мамандар даярлау және Олимпиаданың республикалық білім

беру іс-шаралары жүйесіндегі мәртебесін нығайту құралы ретіндегі маңыздылығын

дәлелдеді.

2026 жылғы 13 ақпанда «AP26100031 – Халықаралық медиациялық хаб: 

қақтығыстарды бейбіт жолмен реттеу және ядролық қарусыздану құралы 

ретінде (Қазақстан және шетелдік тәжірибе)» ғылыми жобасының ғылыми 

қызметкері, заң ғылымдарының кандидаты Астана халықаралық 

университетінің өкілі Иржанов А.С. Қазақстан Республикасы Президентінің 

жанындағы Қазақстан стратегиялық зерттеулер институты директорының 

сыртқы саясат жөніндегі орынбасары Әбен Даурен Әбенұлымен жұмыс 

кездесуін өткізді.

Кездесу барысында халықаралық медиациялық хаб тұжырымдамасының 

негізгі қағидаттары көпфункционалды сараптамалық-тәжірибелік алаң ретінде 

жан-жақты талқыланды. Аталған алаң дауларды бейбіт жолмен реттеуге 

жәрдемдесуге, диалог мәдениетін нығайтуға және превентивтік дипломатия 

тетіктерін дамытуға бағытталатыны атап өтілді.

Хаб медиация, келіссөздер мен консультациялар өткізуге арналған алаң 

ғана емес, сонымен қатар қақтығыстарды реттеу мәселелері бойынша 

талдамалық материалдар, әдістемелік ұсынымдар және сараптамалық 

қорытындылар әзірлейтін орталық ретінде де қызмет атқара алатыны 

көрсетілді.

Сонымен қатар, ғылыми жобаның мақсаттарын іске асыруға бағытталған 

бірлескен іс-шараларды, талдамалық және ғылыми-практикалық 

материалдарды дайындау бойынша ынтымақтастық перспективалары 

қарастырылды.

Жалпы алғанда, кездесу әріптестікті кеңейтуге және алдағы бірлескен 

зерттеулер мен іс-шараларды жүзеге асыру мүмкіндіктерін арттыруға ықпал 

етті.

2026 жылғы 19 ақпанда «География» білім беру бағдарламасы оқытушыларының

ұйымдастыруымен студенттер мен магистранттарға арналған онлайн дәріс

өткізілді.

Дәріске қонақ ретінде Бішкек мемлекеттік университеті профессоры Жұмакадыр

Жекшенұлы Қарамолдаев қатысты. Дәріс тақырыбы: «Орталық Азия тауларына

физикалық-географиялық сипаттама».

Лектор Орталық Азия тауларына кешенді физикалық-географиялық талдау жасап,

аймақтың геоморфологиялық құрылымы, климаттық ерекшеліктері, өзен

алаптарының гидрологиялық жағдайы және қазіргі сейсмологиялық ахуалына жан-

жақты тоқталды.

Сонымен қатар табиғатты біртұтас географиялық кешен ретінде қарастыру

тұжырымдамасын қалыптастырған белгілі ғалымдар – В.Б. Сочава, А.Г. Исаченко,

В.С. Преображенский еңбектеріне ғылыми шолу жасалды.

Дәріс барысында гидрографиялық ерекшеліктер, өзендердің ағын режимі, жер

асты сулары мен бұлақтардың таралу заңдылықтары кеңінен түсіндірілді.

Кездесу мазмұнды әрі жоғары ғылыми деңгейде өтті. Студенттер мен

магистранттар белсенділік танытып, сұрақтар қойып, ғылыми пікір алмасуға

қатысты. Онлайн дәріс физикалық география саласындағы өзекті мәселелердің

маңыздылығын тағы бір мәрте айқындады.

Астана халықаралық университеті құқықтық мәдениетті қалыптастыруға және заң үстемдігі қағидаттарын нығайтуға бағытталған заң мен тәртіп идеологиясын қоғамда ілгерілетуге белсенді атсалысуда.

2026 жылғы 24 ақпанында студенттердің Астана қаласының Қылмыстық істер жөніндегі мамандандырылған ауданаралық сотының төрағасы Айжан Әділқызы Құлбаева ханыммен кездесуі өтті.

Іс-шараның негізгі мақсаты - заң мен тәртіп идеологиясын насихаттау, студенттердің құқықтық санасын арттыру, сондай-ақ жастардың мемлекеттік институттарға деген сенімін нығайту болды.

Айжан Әділқызы Құлбаева — жоғары білікті судья. Ол қоғамда кең резонанс тудырған қылмыстық іс бойынша сот талқылауы барысында Қазақстанда сот төрелігі жария түрде, «қос стандарттарсыз», заң үстемдігі және заң алдында баршаның теңдігі қағидаттарына сәйкес жүзеге асырылатынын дәлелдеді.

Кездесу ашық диалог форматында өтті. Жиын барысында студенттер дропперлік пен есірткі тасымалдау мәселелері, желілік этика, жеке кеңістікті қорғау, сондай-ақ сталкингтің құқықтық салдары сияқты өзекті сұрақтар бойынша мазмұнды жауаптар алды.

Ресми бөлім басталар алдында құрметті қонақ университет музейін, шеберханалар мен зертханаларды аралап, сондай-ақ болашақ заңгерлерді даярлауға арналған мамандандырылған сот отырысы оқу залының жұмысымен танысты.

2026 жылғы 19 ақпанда «Жаратылыстану пәндері» кафедрасында 2026–2027 оқу

жылына арналған «5В01503 – Химия» және «7М01503 – Химия» білім беру

бағдарламаларын әзірлеу және талқылау бойынша академиялық комитет отырысы

өткізілді.

Отырыс барысында бағдарламалардың құрылымы мен мазмұны, күтілетін оқу

нәтижелері, кәсіби құзыреттіліктер жүйесі, оқу жоспарындағы пәндердің өзектілігі

мен сабақтастығы жан-жақты қарастырылды. Сонымен қатар, бағдарламалардың

еңбек нарығы талаптарына, заманауи білім беру үрдістеріне және салалық

стандарттарға сәйкестігіне ерекше назар аударылды.

Академиялық комитет жұмысына кафедраның профессор-оқытушылар құрамы

және Астана қаласының тәжірибелі педагогтері қатысты:

 № 93 мектеп-лицей химия пәні мұғалімі Оспанова Гульмира Нургазыевна;

 № 56 мектеп-лицей химия пәні мұғалімі Елекенова Сауле Далеловна;

 № 78 мектеп-гимназиясы химия пәні мұғалімі Мухамедиева Гульжазира

Жайыковна;

 Экономикалық лицей химия пәні мұғалімі Таукелова Айгуль Абдисаматовна.

Талқылау барысында стейкхолдерлер мен жұмыс берушілердің ұсыныстары

ескеріліп, білім беру бағдарламаларын жетілдіру бойынша нақты ұсынымдар

берілді.

Отырыс қорытындысы бойынша білім беру бағдарламаларын жаңғырту, пәндер

мазмұнын заманауи талаптарға сәйкес жаңарту, оның ішінде жасанды интеллект

технологияларын білім беру үдерісіне енгізу және бағдарламаларды бекіту туралы

шешім қабылданды.

Астана халықаралық университетінде профессорлық-оқытушылық құрам және студенттермен еліміздің жаңа Конституциясын қабылдау мәселесі бойынша референдумды өткізу мәселесі  бойынша кездесу болды.

Жастарға Конституциялық реформа Мемлекет басшысы Қасым-Жомарт Тоқаевтың Қазақстанда бір палаталы Парламент құру жөніндегі бастамасының негізінде туындағаны, мақсаты саяси жүйені кешенді түрде жаңғырту және жасанды интеллект дәуірінде Қазақстанның әлеуметтік-экономикалық дамуының одан арғы үдерісіне оң ықпал ету екендігі туралы ақпараттар берілді.

Бірнеше ай бойы қоғамда жаңа реформаға қатысты қызу пікірталас болғаны, осы кезең аралығында Жұмыс тобы азаматтар мен сарапшылардан түскен 2 мыңнан аса ұсынысты жан-жақты қарастырып, жүйелегені айтылды. Нәтижесінде, 2026 жылғы қаңтарда өткен Ұлттық құрылтайдың V отырысында Мемлекет басшысы Қасым-Жомарт Тоқаев Парламент реформасына қатысты азаматтардан түскен ұсыныстарды қорытындылап, алдағы өзгерістердің жалпы тұжырымдамасын ұсынды.

Академиялық орта өкілдері Жаңа Конституцияның 3-бабының 2-тармағы адами капиталды, білімді, ғылымды және инновацияны дамытуды мемлекеттің стратегиялық бағыты ретінде танитындығына оң пікірлер білдіруде. Ғалымдар жоғары білімді ұлт қалыптасса елімізде экономикалық өркендеу, әлеуметтік әл-ауқат, саяси әділет, тұлғалық даму болашақтың еншісінде деп ойлайды. Білімі төмен ұлтта ештеңе болмайды. Жаңа Конституцияның жобасында көрсетілген стратегиялық басымдықтарды жүзеге асыру жастардың еншісінде, жастар өздерінің азаматтық таңдауларын жасауға мүдделі.

Алғаш рет Бейжің тіл және мәдениет университетінің филиалы (BLCU Kazakhstan) қабырғасында Қытай елінің Жаңа жылына арналған ауқымды мерекелік іс-шара өтті. 2026 жылдың 18 ақпанында филиалымыз жергілікті қытайтанушыларды, студенттерді, оқытушыларды және құрметті қонақтардың басын біріктірген мерекелік алаңға айналды,.

Іс-шара жылы әрі салтанатты атмосферада өтті. Мерекеге AIU вице-президенті Абдрахманов Қайрат Амангелдіұлы қатысты. Қатысушылар қатарында Астана халықаралық университетінің экономика және бизнес бағыты бойынша UIBE университетімен бірлескен қосдипломды бағдарламасының студенттері, BLCU Kazakhstan студенттері, NU Chinese Club өкілдері, сондай-ақ Қарағанды қаласынан келген Е. А. Бөкетов атындағы Қарағанды ұлттық зерттеу университетінің және Л. Н. Гумилев атындағы Еуразия ұлттық университетінің өкілдері болды.

Бағдарлама аясында қатысушыларға Қытайдағы ең басты дәстүрлі мереке - Чуньцзе, яғни Көктем мейрамының мән-мағынасы түсіндірілді. Бұл мереке жаңаруды, отбасы бірлігін және жаңа жылдың басталуын білдіреді. Қытай Жаңа жылының дәстүрлерімен танысу қонақтарға қытай халқының мәдени құндылықтарын тереңірек түсінуге мүмкіндік берді.

Бағдарламада Қазақстан мен Қытай арасындағы достық тақырыбына ерекше назар аударылды. Қытайлық қонақтарға құрмет белгісі ретінде қазақтың ұлттық өнері ұсынылды. Сахнада NU Orchestra өнер көрсетіп, ал BLCU Kazakhstan қосдипломды бағдарламасының студенттері қазақ және қытай мәдени элементтерін үйлестірген «екі халықтың достық биін» орындады.

BLCU Kazakhstan-та өткен Қытай Жаңа жылын мерекелеу Қазақстан мен Қытай арасындағы берік байланыстарды айқындайтын маңызды мәдени оқиғаға айналып, білім беру және жастар бастамаларының екі ел арасындағы өзара құрмет пен ынтымақтастықты нығайтудағы рөлін айқын көрсетті.

2026 жылғы 13 ақпанда «AP26100031 – Халықаралық медиациялық хаб:

қақтығыстарды бейбіт жолмен реттеу және ядролық қарусыздану құралы

ретінде (Қазақстан және шетелдік тәжірибе)» жобасының ғылыми қызметкері,

заң ғылымдарының кандидаты Астана халықаралық университетінің өкілі

Иржанов А.С. «Татуласу орталығының» тәжірибелі медиаторларымен жұмыс

кездесуін өткізді.

Кездесу барысында халықаралық медиацияны дамытуға қатысты өзекті

мәселелер бойынша мазмұнды пікір алмасу өтті. Қазақстан Республикасының

заңнамасындағы халықаралық медиацияны нормативтік-құқықтық реттеу

мәселелеріне, сондай-ақ ұлттық деңгейдегі құқық қолдану практикасын

талдауға ерекше назар аударылды.

Қатысушылар құқықтық реттеудегі олқылықтар мен қайшылықтарды,

медиативтік қызметті жетілдіру жолдарын, сондай-ақ озық шетелдік

тәжірибені енгізу перспективаларын талқылады. Сонымен қатар, медиаторлар

медиация саласындағы қазақстандық заңнаманы жетілдіру және дауларды

баламалы шешу тәсілі ретінде медиацияны кеңінен насихаттау бойынша

нақты ұсыныстарын білдірді.

Жалпы алғанда, кездесу конструктивті сипатта өтіп, ғылыми

қауымдастық пен тәжірибелі мамандар арасындағы кәсіби өзара іс-қимылды

нығайтуға ықпал етті.

13 ақпан 2026 жылы «Заң және тәртіп» қағидатын іске асыру аясында

университетімізде «Жеке бас бостандығы құқығы: құқықтық негіздер және зорлық-

зомбылық, сталкинг және некеге мәжбүрлеу үшін жауапкершілік» тақырыбында дәріс

өткізілді.

Дәрісті заң ғылымдарының кандидаты, доцент Курманбаев Бауыржан

Мухамедканович, Құқық Жоғары мектебінің өкілі оқыды.

Дәріс барысында жеке бас бостандығына қатысты конституциялық кепілдіктер,

зорлық-зомбылық, қудалау (сталкинг), сондай-ақ некеге мәжбүрлеу үшін қылмыстық және

әкімшілік жауапкершілік мәселелері қарастырылды. Сонымен қатар жеке тұлғаның

құқықтарын қорғаудың заманауи әдістері, өз құқығыңды қорғай алу тәжірибесіне және

заңнамадағы өзекті өзгерістерге ерекше назар аударылды.

Іс-шара студенттер мен профессор-оқытушылар құрамы тарапынан үлкен

қызығушылық тудырып, құқықтық мәдениетті арттыруға және кез келген зорлық-

зомбылық пен адам құқықтарының тапталмауын қалыптастыруға

ықпал етті.

2026 жылдың 17-ші ақпанында Astana International University-де студенттер мен оқытушылардың қатысуымен Жаңа Конституция жобасын түсіндіруге арналған маңызды кездесу өтті. Шара ашық диалог түрінде ұйымдастырылып, оған университет ректоры, «Әділетті және прогрессивті Қазақстанның халықтық Конституциясы үшін!» Жалпыұлттық коалициясының Астана қаласы Есіл аудандық штабының төрағасы Санира Орынтайқызы мен басты өкілдері Сұңқар Хангелдина, Айгерім Серікжанова және танымал блогер Әсем Нұрсейітова, сонымен қатар Парламент Мәжілісінің депутаты Павел Казанцев, қалалық мәслихат депутаты Ғабит Тәжімұратов қатысты.

Университет ректоры жиынды аша келе, бұл реформалардың студенттер мен оқытушылар үшін стратегиялық маңызы бар екенін, сондай-ақ, университет ұжымы елдегі саяси өзгерістерден қалыс қалмайтындығын хабардар етті. Талқылау барысында Жалпыұлттық коалиция өкілдері Конституциядағы басты жаңалықтарды қарапайым тілмен түсіндіріп берді. Соның ішінде мемлекеттің әлеуметтік қолдау бағытындағы, яғни, тегін білім беру мен медицина саласындағы кепілдіктерді кеңейту мәселесіне ерекше назар аударылды.

Сонымен қатар, цифрлық дәуірдегі жеке мәліметтерді қорғау құқығының Конституция деңгейіне көтерілуі заман талабына сай жасалған үлкен қадам екені айтылды. Спикерлердің сөзінше әр азаматтың жеке дербес деректері енді заңмен қатаң түрде қорғалмақ. Кездесу соңында қатысушылар алдағы республикалық референдумның маңызын талқылап, студенттер өздерін қызықтырған сұрақтарға жауап алды. Нәтижесінде, олар ел болашағына бей-жай қарамайтындарын және өз таңдауларын жасауға толықтай әзір екендерін жеткізді

Астана халықаралық университеті Құқық жоғары мектебінің студенттері «Заң және

тәртіп: сталкинг үшін құқықтық негіздер мен жауапкершілік» қағидаты аясында ашық сот

отырысына қатысты.

Іс-шара барысында білім алушылар Қазақстан Республикасы Қылмыстық

кодексінің 115-1-бабы бойынша (сталкинг үшін жауапкершілік) қаралған қылмыстық істің

сотта қаралу тәртібімен тәжірибе жүзінде танысу мүмкіндігіне ие болды. Студенттер сот

төрелігін жүзеге асыру механизмін, судьяның, прокурордың және қорғаушының рөлін,

сондай-ақ осы санаттағы істер бойынша дәлелдемелерді зерттеу ерекшеліктерін көрді.

Ашық сот отырысына қатысу болашақ заңгерлердің кәсіби даярлығында маңызды

тәжірибелік қадам болды. Мұндай форматтағы оқу құқықтық ойлауды қалыптастыруға,

талдау қабілеттерін дамытуға және заң үстемдігі мен жазаның бұлтартпастығы

қағидаттарын терең түсінуге ықпал етеді.

Нақты сот процесіне қатысу студенттердің құқықтық мәдениетін арттырып,

құқықбұзушылықтарға мүлдем төзбеушілік ұстанымын қалыптастырады, әлеуметтік

жауапкершілігін күшейтеді. Құқыққа қайшы әрекеттердің салдарын түсіну жастар

арасындағы құқықбұзушылықтың алдын алудың тиімді құралы болып табылады.

Құқық жоғары мектебі теориялық білім мен практиканы ұштастыру арқылы

бәсекеге қабілетті, кәсіби және жауапты мамандар даярлау жұмысын жүйелі түрде

жалғастыруда.