Жаңалықтар

...
24 февраля 2023 года в Астане состоялась церемония награждения победителей конкурса «Лучший преподаватель вуза-2022»
2023 ж. 3 нау., жм, 07:27

2023 жылдың 24 ақпанында Астанада "ЖОО үздік оқытушысы-2022"байқауының жеңімпаздарын марапаттау рәсімі өтті.  Салтанатты іс-шара ҚР Ғылым және жоғары білім министрі Саясат Нұрбектің Қазақстанның 43 жоғары оқу орнынан келген 150 жеңімпазын құттықтауымен басталды. Оқытушылардың қызметі жұмыстың екі бағыты бойынша бағаланды – оқыту сапасы және ғылыми-зерттеу қызметі. 

2022 жылы Үздік оқытушы ретінде біздің әріптесіміз - Астана Халықаралық университетінің жаратылыстану ғылымдары жоғары мектебінің аға оқытушысы, PhD (Биология) Жұмағұл Мөлдір Жақыпжанқызы танылды. Жеңімпаздар үздік шетелдік жоғары оқу орындарында тағылымдамадан өтуге, біліктілігін арттыруға және өздерінің ғылыми-білім беру жобаларын іске асыруға мүмкіндік беретін грант алды. Университет президенті Серік Азтайұлы жылдың үздік оқытушысын құттықтай отырып, университет оқытушылары жылда осы атаққа ие болып жатқандығын қуанышпен атап өтті және Мөлдир Жақыпжанқызына жоспарланған мақсаттар мен жобалардың сәтті іске ауын тіледі. Әріптесімізге толағай табыстар мен жаңа кәсіби жетістіктер тілейміз!


...
«Бақытты отбасы-қоғам байлығы» семинар-тренингі.
2023 ж. 2 нау., бс, 04:01

2023 жылдың 2 наурызда Ақпараттық технологиялар және инженерия жоғары мектебі психолог-психотерапевт-Серікгүл Салидің қатысуымен отбасындағы қарым - қатынасқа бағдарланған «Бақытты отбасы - қоғам байлығы» тақырыбында семинар-тренинг ұйымдастырып, өткізді.

Кездесу барысында Серікгүл Сали отбасының қоғамдағы рөлі, өмір сүру сапасын арттыру, рухани-адамгершілік отбасылық құндылықтарды сақтау, отбасы институтын нығайту туралы егжей-тегжейлі айтып берді.

Семинар-тренингте студенттер қарым-қатынас құруға және оларда туындайтын мәселелерді шешуге байланысты көптеген сұрақтар қойып, оларға тиісті жауаптар алды. Психолог студенттермен топтық терапия жүргізді, оларда бар проблемаларды анықтады және олармен жұмыс процестерін көрсетті.

Семинар-тренинг студенттердің өздерінің ішкі қорқыныштарымен, буллингпен күресу әдістерімен бөлісу тұрғысынан өте пайдалы болды, осындай мәселелерді талқылау негізінде студенттер өздері үшін жаңа инсайдтар алды.

...
"Стартапердің жиі жіберетін қателіктері"қонақ дәрісі
2023 ж. 1 нау., ср, 10:34

28.02.2023 ж. Ақпараттық технологиялар және инженерия жоғары мектебінің студенттері үшін "Logizi.kz" стартапының СЕО-сы  Типеев Даниярдың қатысуымен "Стартапердің жиі жіберетін қателіктері" тақырыбында қонақ дәріс ұйымдастырылды.

Қонақ дәріс барысында Данияр Саматұлы "Logizi.kz" стартапы туралы айтты, студенттерге гранттарды қалай ұтып алуға болатындығы және АТ стартаптары қандай қателіктер жіберетіні, сондай-ақ стартаптағы сату мен инвестициялар туралы пайдалы кеңестер берді.

Спикер АТ саласында өзінің стартапын құру және оны табысты ілгерілету бойынша ұсыныстарды айтты. Қонақ дәрісінің соңында білім алушылар Данияр Типеевқа алған ақпараттары үшін алғыстарын білдіріп, технологиялық кәсіпкерлік саласындағы сұрақтарын талқылады.

Бұл формат білім алу мүмкіндіктерін кеңейтеді және студенттердің кәсіби бағдарына тікелей әсер етеді.

...
«IoT жүйелеріндегі шабуылдарды анықтау тәсілдері» тақырыбы бойынша дәріс
2023 ж. 1 нау., ср, 08:42

2023 жылдың  1 наурызында Ақпараттық технологиялар және инженерия жоғары мектебінің студенттері үшін «Ресей Ғылым Академиясының Санкт-Петербург Федералды зерттеу орталығы» федералды мемлекеттік бюджеттік ғылыми мекемесінің компьютерлік қауіпсіздік мәселелері зертханасының аға ғылыми қызметкері Василий Алексеевич Десницкийдің қатысуымен «IoT жүйелеріндегі шабуылдарды анықтау тәсілдері» тақырыбында қонақ дәріс ұйымдастырылды. 

Студенттермен кездесуде Василий Алексеевич жалпы ережелер мен машиналық оқыту әдістеріне, сондай-ақ жеке тәжірибесіне негізделген шабуылдарды анықтау тәсілдерімен бөлісті.

 Студенттер қауіпсіздік және шабуылдарды анықтау бойынша өздерін қызықтырған сұрақтарын қойып, оларға жауап алды. Осылайша олар өздерінің болашақ кәсіби қызметінің ерекшеліктері туралы түсінік алды.

...
Орган музыкасының концертінде
2023 ж. 28 ақп., сс, 03:18

Жоғары өнер және дизайн мектебінің оқытушылары өздерінің миссиясын барлық жоғары оқу орындарының студенттерін өнер әлеміне тарту және осы процеске қатысудың әртүрлі нысандарын ұсыну деп санайды.


16 ақпанда Қазақ ұлттық өнер университетінің Орган залында белгілі қазақстандық органист Салтанат Әбілханованың концерті өтті. Ол 16-19 ғасырлардағы тамаша композиторлардың орган шедеврлерін орындады. Музыка «Математика», «Тарих», «Физика», «Химия», «Ерте кезең» мамандықтары бойынша оқитын 2 курс студенттеріне күшті эстетикалық әсер берді. Ал концертке бару оқу пәні ретіндегі «Мәдениеттану» теориялық модулінің жалғасы болды. Студенттер орган залына алғаш рет келіп, ең үлкен музыкалық аспаптың қуатты дыбыстық мүмкіндіктеріне тәнті болды.


Концерттен кейін ҚазҰУИ доценті, Халықаралық байқаулардың лауреаты, Мәдениет ісінің үздігі Салтанат Әбілханова студенттерімізбен естелік суретке түсті.

...
"Өзіңмен және басқалармен үйлесімді қарым-қатынасты қалай құруға болады" семинар-тренингі
2023 ж. 25 ақп., сб, 04:49

2023 жылғы 24 ақпанда Ақпараттық технологиялар және инженерия Жоғары мектебі Астана Халықаралық университетінің студенттері үшін практик психолог Мариям Нұрланқызымен "Өзіңмен және басқалармен үйлесімді қарым-қатынасты қалай құруға болады" тақырыбында семинар-тренинг ұйымдастырды. Кездесу студенттерге өзімен және басқалармен қарым-қатынас, оның жағымды және жағымсыз жақтары, ішкі үйлесімділік жағдайы туралы түсініктерін кеңейтуге көмектесті.

Қатысушылар функционалды модельдің қалай жұмыс істейтінін түсінуге тырысты, сонымен қатар қажеттілік түрлері туралы білді. Практикалық жаттығулар әлемнің өзіндік бейнесі, сенімдері, қажеттіліктері, мінез-құлық ерекшеліктері, көзқарастар мен көзқарастар қарым-қатынасқа, оның жеткіліктілігіне, шынайылығы мен конструктивтілігіне қалай әсер ететінін түсінуге бағытталған. Қатысушылар өзімен және басқалармен үйлесімді қарым – қатынас бір қарағанда қарапайым құбылыс емес деген қорытындыға келді.

...
Астана халықаралық университеті Құқық жоғары мектебі әріптестерімен бірлесе отырып халықаралық ғылыми-практикалық конференция өткізді
2023 ж. 24 ақп., жм, 12:57

2023 жылдың 24 ақпанында «Құқықтану ғылымы дамуының заманауи мәселелері мен үрдістері және құқық қолдану практикасының мәселелері» атты тақырыпта халықаралық ғылыми-практикалық конференция өткізілді. Аталған конференцияны М.Бөкенбаев атындағы Ақтөбе заң институты, Астана халықаралық университетінің Құқық жоғары мектебі, "Мир закона" ғылыми-практикалық журналы, Қазақстан Республикасының адвокаттар алқасы, Санкт-Петербург заң академиясы, сондай-ақ Баишев атындағы университет бірлесе отырып ұйымдастырды. Аталған конференцияны ұйымдастыруға және өткізуге Астана халықаралық университеті Құқық жоғары мектебінің профессорлық-оқытушы құрамы белсенді қатысты. Құқық жоғары мектебінің профессоры, заң ғылымдарының докторы Аленов Марат Амрадинович конференцияның секциялық жұмыстарын жүргізіп, «Елдің мемлекеттік-құқықтық дамуы. Цивилистика мен сабақтас құқықтардың қазіргі жағдайы» деп аталатын секцияға модераторлық жасады. Конференция жұмысына ТМД мемлекеттерінің көптеген білікті құқықтанушы мамандары мен білім алушылар қатысты. 

...
«Бастауыш сынып сабақтарында оқушылардың оқу сауаттылықтарын арттыру жолдары» шеберлік сыныбы
2023 ж. 23 ақп., бс, 05:13

Ағымдағы жылдың 16 ақпанында Астана халықаралық университетімен ынтымақтастық туралы келісім-шарт аясында «Алтай қаласының №9 орта мектебі» КММ бастауыш сынып мұғалімі, педагог-шебер Матаева Аглиман  Бултукановна «Бастауыш сынып сабақтарында оқушылардың оқу сауаттылықтарын арттыру жолдары» атты шеберлік сыныбын өткізді. Шеберлік сыныбына «Бастауыш оқыту педагогикасы мен «Ағылшын тілі және бастауыш сынып мұғалімі» білім беру бағдарламаларының 1-2 курс студенттері мен педагогикалық институт оқытушылары қатысты. 

Шеберлік сыныбы барысында функционалдық сауаттылық компоненттері, оқуды жеке тұлғаға бағыттаудың тәсілдері қарастырылды. «Әліппе» пәнінде бастауыш сынып оқушыларының оқу сауаттылықтарын арттыру мәселесі нақты мысалдар арқылы тәжірибелік тұрғыдан талқыланды. 

...
«Дизайн» мамандығы бойынша 2022 жылғы түлектерге арналған дипломдық жобалардың Республикалық on-line шолу-байқауының жеңімпаздарын құттықтаймыз.
2023 ж. 21 ақп., сс, 05:59

Байқау Қазақстан Республикасы Білім және ғылым министрлігінің қолдауымен Қазақ бас сәулет-құрылыс академиясында өтті.


Байқаудың қорытындысы бойынша жүлделі орындарды иеленді:


Құрмашева Динара Қайыржанқызы – «Графикалық дизайн» номинациясы бойынша 2 орын


Ғылыми жетекшісі – Мұхамедиева Самал Қоңыртайқызы


Жоба тақырыбы: «Шұғыла» балалар лагерінің корпоративтік тұлғасын дамыту.


Какимова Дина Есенгелдіқызы – «Сәулеттік дизайн» номинациясы бойынша 3 орын


Ғылыми жетекшісі – Хоровецкая Евгания Михайловна


Жоба тақырыбы: Әмбебап көп функционалды модульді әзірлей отырып, Нұр-Сұлтан қаласындағы LRT бағытын жаңғыртудың тұжырымдамалық жобасы


Байқауға Қазақстан бойынша барлығы 10 жоғары оқу орны қатысып, 43 бітіру жұмысы ұсынылды.


Республикалық байқау жеңімпаздарының жұмыстары Еуразия сәулет, құрылыс және дизайн мектептерінің халықаралық фестиваліне жіберіледі.


Сізге одан әрі шығармашылық табыс тілейміз!


Мәтін: Мұхамедиева Самал Қоңыртайқызы

...
2023 жылдың 17 ақпанында Астана халықаралық университетінің Жаратылыстану ғылымдары жоғары мектебі PlastNet желісімен бірлесіп «Пластикалық қалдықтарды тұрақты басқару: алдын алудан....
2023 ж. 20 ақп., дс, 13:35

2023 жылдың 17 ақпанында Астана халықаралық университетінің Жаратылыстану ғылымдары жоғары мектебі PlastNet желісімен бірлесіп «Пластикалық қалдықтарды тұрақты басқару: алдын алудан тиімді қайта өңдеуге дейін» атты конференция ұйымдастырды.

Конференцияға Қазақстан Республикасы Экология және табиғи ресурстар министрлігінің өкілдері, жоғары оқу орындарының өкілдері, пластик ыдыстардағы өнімдерді өндірушілер/импорттаушылар, пластик қалдықтарын жинаушылар мен өңдеушілер, сондай-ақ пластикалық өнімдерді реттеу саласындағы халықаралық сарапшылар қатысты жарату.

Конференцияда пластик қалдықтарын реттеу мәселелері, қалдықтарды басқару саласындағы бизнесті қолдау және дамыту бойынша ағымдағы және жоспарланған мемлекеттік шаралар, өндірушілер мен импорттаушылардың міндеттері мен жүзеге асыру әдістері талқыланды. Жаратылыстану ғылымдары жоғары мектебінің деканы т.ғ.к. Сейітқан Айнұр Астана халықаралық университетінің Plastnet желісіне енгендігін және бас қаламыздағы университеттері арасында алғашқы болып қалдықтарды бөлек жинау жүйесін ресми түрде енгізгенін атап өтті.

Конференция университетіміздің «Clean and Green AIU» студенттер экоклубының өнер көрсетуімен аяқталды.