Жаңалықтар

2024 жылдың 21 мамырында Халықаралық педагог-суретшілер одағының қолдауымен ұйымдастырылған "Өнер диалогы" халықаралық жобасы аясында "Мұражайлар мен көркемдік қауымдастықтар: өзара іс-қимыл және интеграция тәжірибесі" тақырыбында коллоквиум өтті. Жобаны "Тұңғыш Президент мұражайы" корпоративтік қоры, "Невская палитра" кәсіпорны, Астана қаласындағы Орыс үйі, Астана қаласындағы Балалар көркемсурет мектебі (ЮНЕСКО клубы), Қазақ ұлттық өнер университеті және Астана Халықаралық университетінің Өнер және дизайн жоғары мектебі бірлесіп ұйымдастырды.

Коллоквиумға қатысқан спикерлер халықаралық коммуникация мүмкіндіктері мен көркемдік білім беру саласындағы ынтымақтастық технологияларын, халықаралық суретшілер-педагогтар Одағының конкурстық-көрме қызметінің әртүрлі аспектілерін талқылады. AIU Өнер және дизайн жоғары мектебін өнертанушы, философия ғылымдарының кандидаты, доцент Г.Н. Поваляшко "Өзекті музей практикасы және мәдени медиация" тақырыбында баяндама жасады.

Коллоквиум жұмысы халықаралық суретшілер одағына жаңа мүшелерді қабылдаумен аяқталды. Осы мәртебелі ұйымның куәліктерін Өнер және дизайн жоғары мектебі деканының орынбасары Дауменова Элла Талғатқызы, аға оқытушылар Мұхамедиева Самал Қоңыртайқызы және Шаймерден Сырым Сәкенұлы, доцент Поваляшко Галина Николаевна алды.

«Білімнің жұлдызы» шәкіртақасы «Dauletten» қорының ұйымдастырумен 2019 жылдан бері білімді, талантты жастарды қолдау мақсатында ұйымдастырылуда. Ең үздік 200 студент 100 000 теңге көлеміндегі бірреттік шәкіртакыға ие болды. Шәкіртақы оқуда, ғылымда және қоғамдық өмірде белсенді, талантты үздік студенттерді ынталандыру үшін беріледі. 2024 жылдың 30-31 мамыр күндері Астана қаласында өткен Республикалық І жастар форумында «Білімнің жұлдызы - 2024» байкауының жеңімпазы, ББ «Қаржы» студенті Әкімбек Нурикамал салтанатты түрде марапатталды.

2024 жылдың сәуір-мамыр айында Экономика жоғары мектебінің оқытушылар құрамы Астана қаласының 23 мектебінде кәсіптік бағдар беру жұмыстарын жүргізді.

Кәсіптік бағдар беру жұмысы аясында мектеп оқушыларына университет, білім беру бағдарламалары, білім беру гранттары, жатақхана беру, оқуға жеңілдіктер, оқу құны, қос дипломдық бағдарламалардың болуы және серіктес университеттердегі (Қытай, Еуропа елдері, Ресей және т.б.) академиялық ұтқырлық бағдарламалары туралы айтып берді.

Мектептерде университет туралы презентациялар мен бейнероликтер көрсетіліп, буклеттер таратылды. Оқытушылар мектеп түлектеріне және олардың ата-аналарының сұрақтарына жауап берді. 2024 жылғы мектеп түлектерін Астана халықаралық университетінде күтеміз.

Қазақстандағы ғылым апталығына орайластырылған дизайнның барлық бағыттары бойынша дәстүрлі республикалық студенттік пәндік олимпиадалар өткізілді. Бұл іс-шара барлық жоғары оқу орындарының студенттері қатысатын жыл сайынғы пәндік олимпиадалар бағдарламасының бөлігі болып табылады. Оған өнер және дизайн жоғары мектебінің үздік студенттері тағы да сәтті қатысты.

Барлық байқау сынақтар 20-22 сәуірде 2024 жылы Қазақ бас сәулет-құрылыс академиясында және Темірбек Жүргенов атындағы Қазақ ұлттық өнер академиясында (Алматы қ.) өтті. Біздің студенттер бес номинацияға қатысты: «Сәулет дизайн», «Сәулеттік дизайн нысандарын жобалау», «Өндірістік дизайн элементтері мен үрдістері», «Графикалық дизайн нысандарын жобалау», «Графикалық дизайн элементтері мен үрдісі».  Барлық бес номинация бойынша олар лайықты деңгейін көрсетті және жеңімпаздар үштікке кірді:

Халелова Баян - «Сәулет дизайны нысандарын жобалау» номинациясы бойынша III орын (ғылыми жетекшілер: сәулет кандидаты, доцент Киселева Т.А. және техника ғылымдарының кандидаты Фендт Ю.Б.);

Орал Томирис - «Өндірістік дизайн элементтері мен үрдісі" номинациясы бойынша II орын (ғылыми жетекшілер: сәулет кандидаты, доцент Киселева Т.А. және магистр Дауменова Э.Т.);

Қуандықова Динара - «Графикалық дизайн элементтері мен үрдісі" номинациясында II орын және Қазақстан Республикасының Дизайнерлер Одағының II орын (ғылыми жетекшілер: магистр Иманғалиева Г. А.);

«Сәулет дизайны» номинациясында Ерғалиева Дильназ (ғылыми жетекшілері: сәулет кандидаты, доцент Киселева Т.А. және техника ғылымдарының кандидаты Фендт Ю.Б.) қатысқан үшін сертификатын алды. Дильназ ұсынған байқау жұмысына жоғары деңгейде екенің сәулетші Арсен Башихтенов бағалап, tarkett.kz- қоғамдық үй-жайларға арналған еден жабындарын өндіру мен сатудағы әлемдік көшбасшының қазақстандық өкілдігі атынан арнайы диплом берілді.

Біздің студенттерімізді және олардың ғылыми жетекшілерін Киселева Т.А., Фендт Ю. Б., Дауменова Э.Т., Имангалиева Г.А. сондай-ақ аға оқытушы Мухамедиева С.К., ҚазҰӨА-да қатысушыларды апарған үшін, керемет жеңістерімен шын жүректен құттықтаймыз!

"AIU-2024: білім, ғылым және жасанды интеллект синергиясы: идеядан практикаға" атты Халықаралық ғылыми-практикалық конференцияның жұмысы түрлі форматтағы іс-шараларды қамтыды. Өнер және дизайн жоғары мектебі "Кәсіби дизайн орта: теориядан практикаға" тақырыбында дөңгелек үстел өткізудің бастамашысы болды.

Білім беру процесінің оңтайлы мазмұны мен оны практикалық іске асырудың өзекті мәселелерін талқылауға Астана қаласының кәсіби дизайн-қоғамдастығының өкілдері (Баяндин А.,  Мұхамеджанов Б., Байсенгиров Ж., Алипова М., Омарбаев Г.), AIU өнер және дизайн жоғары мектебі мен педагогикалық колледжінің жетекші оқытушылары (Ковалев Д. А., Бикмұханова Д., Малышева А. П.) шақырылды, сонымен қатар студенттер де дөңгелек үстел жұмысына белсенді қатысты.

Пікір алмасу тақырыптық және сынилық тұрғыда болды. Проблемалық аймақтар мен оларды шешу тәсілдері К.Ж. Амиргазиннің (п.ғ.д., профессор Омбы мемлекеттік университетінің ғылыми жұмыс жөніндегі проректоры) онлайн сөйлеген сөзінде кеңінен айтылды. Ол кез-келген халықтың дәстүрлі мәдениетінің байлығын атап өтті, дизайнерлердің шығармашылық ойлауын дамытудың негізі ретінде қазақ халқының материалдық мұрасына ерекше тоқтады. А. Баяндин (суретші, ҚР Дизайнерлер Одағының мүшесі) шығармашылық мамандықтар студенттерінің практикалық дағдыларын қалыптастырудың ең тиімді құралдарына сипаттама берді. Мұхамеджанов Б. А. (мүсінші, ҚазҰӨУ ассоц. проф.) шығармашылық кәсіби қызмет үшін мемлекеттік қолдаудың маңыздылығын атап өтті, ҚР нормативтік және заңнамалық актілерінде шығармашылық ортаға нақты айтылған қолдаудың жоқтығына да тоқтала кетті. Оспанов Б.Е. (п.ғ.к., AIU ӨжДЖМ профессоры) шығармашылық мамандықтарға Болон жүйесінің жеткіліксіз бейімделгеннін атап өтті, бұл студенттерді тәуелсіз кәсіби қызметке практикалық дайындаудың белгілі бір проблемаларының себебі болып табылады деді. Әліпова М. (ҚР қолөнершілер одағының мүшесі) дизайн-ойлаудың қазіргі заманғы нысандарын дамыту үшін сәндік-қолданбалы өнердің дәстүрлі нысандарының маңыздылығын атап өтті. Хоровецкая Е.М. (AIU ӨжДЖМ доценті) кеңінен тәжірибелі білімді маман қалыптастыру үшін "Дизайн", "Сәулет", "Өнеркәсіптік және азаматтық құрылыс" білім беру бағдарламалары бір-бірімен интеграциялануы қажет, біржақты бағыттылығы мәселелерінің шеңберін егжей-тегжейлі сипаттады.

Дөңгелек үстел қорытындысы бойынша қарар әзірленді.

1 "Кәсіби дизайн орта: теориядан практикаға" дөңгелек үстелінің жұмысы шығармашылық білім беру бағдарламалары тобы бойынша оқитын түлектердің тиімді өндірістік дағдыларын қалыптастыруға бағытталған білім беру процесін жетілдіру бағытында өзекті және перспективалы болып саналсын.

2 өнердің, дизайнның, архитектураның барлық спектрі бойынша мамандардың дөңгелек үстел форматында жүйелі жұмыс істеу мүмкіндіктерін ойластыру.

3 жоғары және орта техникалық оқу орындарының түлектері арасынан шығармашылық ортаны қалыптастыру бойынша кәсіптік және білім беру міндеттерін шешу мақсатында заң шығарушы республикалық органдар өкілдерінің дөңгелек үстел жұмысына қатысуға бастамашылық ету.

Өнер және дизайн жоғары мектебінің студенттері, магистранттары, докторанттары мен оқытушылары үшін оқу жылының басты ғылыми оқиғасы университеттің халықаралық ғылыми-практикалық конференциясына қатысу болып табылады. Биылғы ғылыми форумның тақырыптық бағыты біздің заманымыздың талабына сәйкес тұжырымдалған "AIU-2024: білім, ғылым және жасанды интеллект синергиясы: идеядан практикаға" деп аталады. Конференцияның басты мақсаты – оқытушылар құрамы мен барлық деңгейдегі білім алушылардың ғылыми және креативті қызметін жандандыру және қазіргі қазақстандық қоғамның өзекті міндеттерін шешуге жәрдемдесу.

Осы жылдың 22-25 сәуір аралығында ӨжДЖМ оқытушылар, студенттер мен магистранттар ұжымы түрлі бағдарламалық іс-шараларға белсенді қатысты. "Креативті индустрия: дизайн, өнер, сәулет" секциясының жұмысы кезінде ӨжДЖМ педагогтары мен студенттерінің, AIU педагогикалық колледжінің, Торайғыров университетінің (Павлодар қ.), Қазақ ұлттық өнер университетінің ғылыми-зерттеу жұмыстарының негізгі қорытындылары шығарылды. Гуандун технологиялық университетінің (Қытай) профессоры Лю Ван Бин секциялық отырысқа қатысушыларға бейне-сәлемдеме жіберді.

Секция жұмысына 45 адам қатысты (спикерлер, студенттер, оытушылар құрамы). Қатысуға 33 өтінім берілді (офлайн - 15 адам, онлайн - 18 адам). 12 қатысушы өзіндік ізденістерін паш етіп, үздік баяндамалар деп аталып өтті.

Юаяндамалардың қорытындысы бойынша AIU педагогикалық колледжінің "Музыкалық білім беру" ПЦК және ӨжДЖМ профессор-оқытушылар ұжымы қатысушылар арасында жүлделі орындарды бөлу туралы келісілген шешім қабылдады:

I орын: Бондаренко Егор, Астана Халықаралық университетінің жоғары өнер және дизайн мектебінің "Графикалық дизайн" БББ 3 курс студенті

II орын: Адия Тұрсынова, Астана Халықаралық университетінің Педагогикалық колледжінің "музыкалық білім" БББ 1 курс студенті және Саяжан Тұрсынова, Астана Халықаралық университетінің Өнер және дизайн жоғары мектебінің "Графикалық дизайн" БББ 3 курс студенті.

III орын: Кобка Ксения, Астана Халықаралық университетінің жоғары өнер және дизайн мектебінің "Графикалық дизайн" БББ 3 курс студенті; Алшымбаев Мадияр, Астана Халықаралық университетінің Педагогикалық колледжінің "музыкалық білім беру" БББ 2 курс студенті; Бекешев Даниял, Астана Халықаралық университетінің Педагогикалық колледжінің "музыкалық білім беру" БББ 1 курс студенті.

11 мамырда Астана Халықаралық университетіне Екібастұз қаласынан "Дизайн-ПРО"өнер және шығармашылық Мектебінің оқытушылары мен оқушыларының үлкен тобы танысу экскурсиясымен келді. Сапар мектеп басшысы Юлия Валерьевна Овчинникованың бастамасымен ұйымдастырылды. Екібастұздан келген балалар "Дизайн-ПРО" мектебінде компьютерлік графика, WEB-дизайн, архитектуралық дизайн, академиялық сурет және кескіндеме негіздерін мақсатты түрде меңгеріп, кейіннен жоғары оқу орындарында оқуын жалғастыруды жоспарлауда екен.

Ең алдымен, біздің қонақтар өнер және дизайн жоғары мектебінің білім беру мүмкіндіктері мен ресурстарына қызығушылық танытты. Біздің барлық педагогтарымыз оқу және мамандандырылған аудиториялар, қуатты компьютерлік сыныптар, №4 корпустағы зергерлік және өндірістік шеберханалар бойынша таныстыру жұмыстарын өткізді және ЖОО-дағы оқу процесінің мазмұны туралы жан-жақты айтып берді. Біздің қонақтарымызға жоғары мектеп деканы С.Б. Ыбырай, доцент Т. А. Киселева, Г.Н. Поваляшко, аға оқытушылар С.К. Мұхамедиева және Б. Нұрдамбек одан әрі даму перспективалары туралы ақпарат берді. Балалар ӨжДЖМ-нің технологиялық және ақпараттық ресурстарымен үлкен назар аудара отырып танысты.

Содан кейін доцент Г.Н. Поваляшко №1 және №2 ғимараттарға экскурсия жүргізді. Мұнда қонақтар оқу және дәріс аудиторияларымен, коворкингтермен, спорт алаңдарымен және студенттік өмір үшін өте маңызды нәрселермен – көлік логистикасы, асхана, буфет, кофехана, іргелес алаңмен танысты.

"Дизайн-ПРО" өнер және шығармашылық мектебінің оқушылары мен мұғалімдері біздің университетке түсу мүмкіндіктеріне қатысты көптеген сұрақтар қойды. Оқушыларға университет өте ұнады және жақын болашақта олармен студент дәрежесінде білім ордасының қабырғасында қайта кездесеміз  деп үміттенеміз.

2024 жылғы 24 мамырда Астана халықаралық университетінде ҮЕҰ өкілдері мен әлеуметтік кәсіпкерлерді «Өрелі ұрпақ» әлеуметтік кәсіпкерлік мектебінде арнайы курста оқыту нәтижелері бойынша әлеуметтік жобалар байқауы өтті.

Үш ай бойы қатысушылар Қазақстан Республикасындағы әлеуметтік кәсіпкерлік (бастамалар, жағдайлар, тәжірибелер), Қазақстанда және әлемдегі әлеуметтік кәсіпкерлікті қолдау шаралары, креативті ойлау және әлеуметтік инновациялар, қаржылық аспектілері, әлеуметтік бизнес және әлеуметтік кәсіпорынды басқару сияқты мәселелер бойынша тренингтер өтті.

Тренинг қорытындысы бойынша мектептің үздік қатысушылары өз жобаларын қазылар алқасына ұсынды. Үздік жобалар ақшалай сыйлықтарға ие болды, олардың табыс тарихы ҮЕҰ академиясы жобасының әлеуметтік желілерінде көрсетіледі. Бұл жоба Азаматтық бастамаларды қолдау орталығы мен ҚР Мәдениет және ақпарат министрлігінің қолдауымен жүзеге асырылуда. Төртінші жыл Астана халықаралық университеті бұл бағыттың үйлестірушісі болып отыр. Осы уақыт ішінде 600-ден астам ҮЕҰ өкілдері мен әлеуметтік кәсіпкерлер оқудан өтіп, Мектеп сертификаттарын алды. Осы жылдар ішінде әлеуметтік жобалар байқауының 9 жеңімпазы анықталды.

2024 жылдың жеңімпаздары: Алтынай Тәңірбергенова «Қайыңның қабығы аршылған шпоннан инновациялық технология бойынша қазақтың киіз үйлерін жасау» - 1 орын (200 мың теңге), Мадина Даниярова «Ұлт қазынасы» этникалық киім тігу, мәдени мұраны, ұлттық салт-дәстүрді насихаттау бойынша – 2 орын (150 000 теңге) және Марина Бошель «Безі ісігімен ауыратын әйелдердің экологиялық сауаттылығын және әлеуметтік бейімделуін насихаттау» жобасымен – 3 орын (100 000 теңге) алды. Жеңімпаздарды құттықтаймыз және барлық қатысушыларға әлеуметтік жобаларды жүзеге асыруға тілектеспіз!

2024 жылғы 17-19 мамыр аралығында Астана Халықаралық Университетінің профессор-оқытушылар құрамы құрамында э. ғ. к., PhD, профессор З. К. Смагулова, магистр, аға оқытушы Г. И. Нуржанова, магистр, аға оқытушы Б. Ж. Балтабаев "Кәсіпкерлікті дамыту: Ресей Федерациясының Қаржы университетінде, Мәскеуде өткен салааралық басымдықтар, заманауи тетіктер, мүдделерді шоғырландыру".

Конгресстің екі күнінде біздің әріптестеріміз әртүрлі секциялардың жұмысына қатысып қана қоймай, қаржы және экономикаға қатысты тақырыптар бойынша баяндамалар жасады. Олардың сөз сөйлеуі Қазақстан Республикасында ауыл шаруашылығын дамытуды мемлекеттік қолдаудан бастап өнеркәсіптік кооперация аспектілеріне дейінгі көптеген мәселелерді қамтыды. Бұл тақырыптар конгреске қатысушылар арасында үлкен қызығушылық тудырды. Ұсынылған материалдардың пысықталу дәрежесі мен өзектілігі ерекше жоғары бағаланды. Астана халықаралық университетінен келген делегация шетелдік әріптестерінің оң пікірлерін алды, олар Экономика жоғары мектебінің профессор-оқытушылар құрамының жоғары дайындығын атап өтті. Конгресс барысында біздің өкілдеріміз білім мен тәжірибе алмасып қана қоймай, кәсіби байланыстарды кеңейтуге және университетаралық ынтымақтастықты нығайтуға ықпал ететін белсенді пікірталастар жүргізді.

Халықаралық ғылыми конгреске қатысу қорытындысы бойынша одан әрі өзара тиімді ынтымақтастық туралы маңызды уағдаластықтарға қол жеткізілді. Бұл келісімдерге бірлескен ғылыми зерттеулер, оқытушылар құрамы мен студенттермен алмасу, бірлескен білім беру бағдарламалары мен жобаларын өткізу жоспарлары кіреді. Осылайша, конгреске қатысу біздің мамандардың жоғары деңгейін растап қана қоймай, халықаралық академиялық өзара іс-қимылды дамыту мен нығайтудың жаңа перспективаларын ашты.

Астана Халықаралық Университеті Қаржы Университетінің экономика және бизнес факультетіне э. ғ. к., доцент, факультет деканы Безсмертная Е. Р., э. ғ. д., Салалық нарықтар департаментінің профессоры Шаркова А. В., оқу зертханасының меңгерушісі Мықтыбаева Ф.Т., Салалық нарықтар кафедрасының аға оқытушысы Омарова Г. Т., және т.ғ.д, кафедраның бұқаралық коммуникациялар және медиа-бизнес Галас М.Л., э. ғ. к., PhD, ассоц. профессор Ниязбекова Ш. У. тұлғасында үлкен алғысын білдіреді

Әл-Фараби атындағы Қазақ ұлттық университетінің Экономика және бизнес Жоғары мектебі, «Менеджмент» кафедрасы 2024 жылдың наурыз айында «Орнықты дамудың ұлттық модельдері» тақырыбында студенттер мен магистранттар үшін VII Халықаралық сырттай олимпиада өткізді.

Олимпиада екі кезеңде өткізілді: I кезең. Кейсті шешу. II кезең. Эссе дайындау. Олимпиадаға қатысу үшін барлығы 17 өтінім берілді. Қазақстан Республикасының 14 жоғары оқу орны және ТМД елдерінің 4 жоғары оқу орны қатысты. 

Олимпиада нәтижелері бойынша конкурстық комиссия "Triple A" командасының қатысушыларын - «Менеджмент» ББ 2 курс студенттері Жасағанберген Алиша Серікқызын, Оразова Аружан Сержанқызын және Жұманова Аружан Амангелдікызын III дәрежелі дипломмен марапаттауға ұсынды, ғылыми жетекшісі э.ғ. к., ЭЖМ доценті Қадырова Г. Ә.

2024 жылы мамыр айының 13-17 аралығында Талдықорған қаласында жүзуден Қазақстан Республикасының жазғы абсолютті чемпионаты өтті. Чемпионат жыл сайын дәстүрлі түрде өткізіледі, бірақ биыл ол Олимпиада ойындарына іріктеу үшін болды. Сондай-ақ, чемпионатта алғаш рет Өзбекстан мен Тәжікстаннан қатысушылар болды. Astana International University, ЭЖМ, «Қаржы» ББ 1 курс студенті Кадацких Екатерина Владиславовна қола медаль жеңіп алды. Екатерина спортпен бұрыннан белсенді айналысады - ҚР спорт шебері, жүзуден Чемпион, жүзуден ұлттық құраманың және Астана қ. құрамасының мүшесі. Біздің ЖОО-да осындай белсенді студенттер оқитынын мақтан тұтамыз және Екатеринаға одан да үлкен спорттық жетістіктер тілейміз.

2024 жылғы 25-26 сәуірде «Enactus Kazakhstan Expo 2024» ұлттық жобасы аясында Астана халықаралық университетінің командасы «Betulla» стартап жобасын таныстырып, байқаудың бірінші кезеңінен өтті. Enactus AIU командасының құрамында команда капитаны Сайран Кәрім, жоба жетекшісі Тимур Муқамбаев, вице-капитан Диана Турлубекова және команданың SMM маманы Сапаш Айжан, 1, 2 және 3 курс студенттері. Біздің команда Enactus халықаралық жобасына алғашқы қатысу сертификатын алды.

Команданы қолдауға университет оқытушылары мен студенттері келді. Екі жыл бойы Enactus AIU командасы «AIU Business Innovation» бизнес-инкубаторының белсенді қатысушысы болды және инкубациялық бағдарлама бойынша оқудан өтті.

Enactus Kazakhstan студенттерді тұрақты даму мақсаттарына жету үшін алған білімдерін қолдануға және бизнес жобаларын жасауға шабыттандырады. Қазір университет командасы 2024 жылдың шілде айында Шығыс Қазақстан облысында өтетін Enactus Қазақстан жазғы мектебінің «Жазғы лагерь 2024» жұмысына қатысуда. Enactus AIU командасына сәттілік! Барлық студенттерді жаңа оқу жылында осы жобаға қосылуға шақырамыз!