Жаңалықтар

Бүгін Astana International University-де ҚР Стратегиялық жоспарлау және реформалар агенттігінің Ұлттық статистика бюросының өкілдерімен кездесу өтті. Кездесу барысында ынтымақтастықтың маңызды мәселелері, соның ішінде студенттер үшін тәжірибеден өту және тағылымдамалар, сондай-ақ бірлескен білім беру бағдарламаларының перспективалары талқыланды.

Бюро атынан шараға қатысқан өкілдер:
• Жақыпов Арсен Абзалович – Адами ресурстарды дамыту департаментінің директоры;
• Күзембай Әсел Жамалбекқызы – Адами ресурстарды дамыту департаментінің қызметкерлерді ынталандыру және дамыту басқармасының басшысы;
• Кисикова Айгерім Жанболатқызы – Адами ресурстарды дамыту департаментінің қызметкерлерді ынталандыру және дамыту басқармасының сарапшысы.

Кездесудің басты мәселелерінің бірі – бұрын қол қойылған меморандум аясындағы өзара іс-қимыл болды. Енді AIU студенттері Бюро базасында тәжірибеден өтіп, өзекті деректермен жұмыс істеп, аналитикалық зерттеулерге қатыса алады.

Сондай-ақ, спикерлер Data Literacy Hub туралы айтып берді – бұл халықаралық ұйымдармен бірлесіп әзірленген жаһандық бастама. Бұл – статистика және деректер аналитикасының негіздерін тегін онлайн-оқыту платформасы, онда студенттер теориялық білім алып, оны тәжірибеде қолдана алады. Оқу бағдарламасы баршаға қолжетімді, ал сәтті тестілеуден өткен қатысушылар сертификат алады. Бүгінде бағдарламаға 50 000-нан астам адам тіркелген.

Кездесуде мемлекеттік қызметке жұмысқа орналасу мүмкіндіктері де талқыланды. Бюро өкілдері жоғары оқу орындарының түлектері үшін жаңа іріктеу жүйесі енгізіліп жатқанын атап өтті. Енді талапқа сай балл жинаған жағдайда, конкурстан тыс мемлекеттік қызметке қабылдану мүмкіндігі қарастырылған. Сонымен қатар, университет студенттерді байқау комиссиясының бақылаушысы ретінде жібере алады, бұл оларға іріктеу үдерісін ішінен бақылауға және үміткерлерді бағалауға мүмкіндік береді.

Кездесуде халықаралық статистикалық тәжірибе мен оның Қазақстанда енгізілуі туралы да сөз қозғалды. Спикерлердің айтуынша, Бюро халықаралық стандарттарға сәйкес келетін жаңа әдістерді белсенді түрде енгізіп, студенттер мен зерттеушілерді бірлескен жобалар мен ғылыми жарияланымдарға қатысуға шақырады.

AIU қонақтарға алғыс білдіреді және табысты ынтымақтастыққа үміттенеді!

2024-2025 оқу жылының көктемгі семестрінде 7М04106 «Менеджмент» білім беру бағдарламасының 1-курс магистранттары экономика және басқару саласындағы жетекші сарапшылардан дәріс алу мүмкіндігіне ие болады.

📌 Магистранттар қандай курстарды меңгереді?
🔹 «Заманауи басқару технологиялары» – экономика ғылымдарының докторы, профессор Инна Валентиновна Краковецкая жүргізетін курс. Бұл курс өзгермелі экономика жағдайында тиімді басқарудың негізгі құралдарын меңгеруге көмектеседі.

🔹 «Инвестициялар мен инновациялар» – экономика ғылымдарының докторы, профессор Ольга Павловна Недоспасова жүргізетін курс. Курс бизнес саласындағы инвестициялық стратегияларды және инновациялық процестерді талдау мен қолдану дағдыларын дамытуға бағытталған.

📌 Бұл не үшін маңызды?
✔ Ресейдің жетекші университетінің сарапшыларынан білім алу мүмкіндігі
✔ Қазіргі заманғы басқару әдістері мен практикалық тәжірибе
✔ Өзгермелі экономикалық ортада жұмыс істеуге дайындық

💡 Бұл ынтымақтастық білім беру процесін кеңейтіп, менеджмент, инвестициялар және инновациялар саласындағы болашақ көшбасшылар үшін жаңа перспективалар ашады!

2024-2025 оқу жылының көктемгі семестрінде AIU Экономика мектебінің студенттері «Көшбасшылық: сындарлы және шығармашылық ойлау» курсын қытай тілінде оқуға бірегей мүмкіндік алады. Сабақты UIBE (Халықаралық бизнес және экономика университеті) PhD докторы Тимур Жиенұлы Ақниязов жүргізеді.

📌 Студенттер не үйренеді?
Курс барысында сындарлы ойлауды дамытуға арналған заманауи әдістер қолданылады:
✅ іс жағдайларын талдау,
✅ дебаттар мен пікірталастар,
✅ ми шабуылы,
✅ топтық жобалар.

Студенттер «Шынайы уақыттағы жоба» әдісі бойынша жұмыс істеп, нақты тапсырмаларды шектеулі уақыт ішінде орындап, әлеуетті клиенттердің пікірлерін алады.

📌 Бұл не үшін маңызды?
Бұл курс халықаралық ортада мансап құруды қалайтын студенттер үшін маңызды кезең болады. Ол студенттерге:
🔹 қиын жағдайларда ерекше шешімдер табуға,
🔹 өзгерістерге бейімделуге,
🔹 көшбасшылық және аналитикалық дағдыларды дамытуға көмектеседі.

💡 Біліміңізді жетілдіруге және Қытаймен білім алмасу мүмкіндігін пайдалануға асығыңыз!

Astana International University 3 наурыз – 5 сәуір 2025 жыл аралығында AIU BUSINESS INNOVATION атты 5-ші инкубациялық бағдарламасының басталғанын жариялайды. Бағдарлама Жоғары экономика мектебінің базасында өтеді.

Бұл бағдарлама стартап негізін қалаушыларға, кәсіпкерлерге және бизнес саласындағы білімдерін жетілдіргісі келетін студенттерге арналған. Қатысушылар:
✅ бизнес стратегиялары мен тәуекелдерді басқару әдістерін,
✅ тиімді шешімдер іздеу тәсілдерін,
✅ бизнес-идеяларды генерациялау және тестілеу әдістерін,
✅ нарықтық сұранысты талдауды,
✅ MVP құру және бизнес-модель әзірлеуді,
✅ алғашқы инвесторларды тарту жолдарын меңгереді.

🔹 Бағдарламаның маңызды кезеңі – Demo Day. Қатысушылар өз жобаларын сарапшылар алқасының алдында таныстырып, инвесторлар мен кәсіпкерлерден кері байланыс алады. Сонымен қатар, «НАРИ QazInnovations» АҚ-ның 20 млн теңгеге дейінгі гранттық қаржыландыру байқауына қатысуға мүмкіндік беретін сертификатқа ие болады.

🔹 Бағдарламаның негізгі спикері – Кремний алқабының сарапшысы, сериялық кәсіпкер, Vibranium венчурлық қорының негізін қалаушы Замир Шухо. Ол AIU Президенті Ирсалиев С.А.-ның шақыруымен қатысып, құнды тәжірибесімен бөліседі.

🔹 Қонақ спикерлер: Ольга Чернова (қаржылық модель құру бойынша маман) және Даурен Базилов (бизнесте AI қолдану бойынша сарапшы).

🔥 Қатысушыларға сәттілік тілейміз және жобаларын табысты қорғауға сенеміз!

Бүгін Astana International University қабырғасында Қытайдың ең маңызды дәстүрлі мерекесі – Көктем мерекесіне (Чуньцзе) арналған жарқын әрі есте қаларлық іс-шара өтті. AIU – UIBE екі дипломдық бағдарламасының студенттері көрермендерді осы көне мерекенің атмосферасына бөлейтін мазмұнды бағдарлама дайындады.

Іс-шараны AIU вице-президенті Абдрахманов Қайрат Амангельдинович ашып, басқа халықтардың мәдениеті мен дәстүрін зерттеудің маңыздылығын, сондай-ақ шетелдік университеттермен бірлескен бағдарламалардың мәнін атап өтті.

Мереке барысында көрермендер тамашалады:
🎶 Қазақ және қытай тілдеріндегі әндерді, соның ішінде сүйікті «Жұлдызым», «Дударай» және «Měihǎo Xīnnián» әндерін.
💃 Қытайдың дәстүрлі музыкасына қойылған әсем би қойылымдарын.
🎭 Көктем мерекесінің шығу тарихын баяндайтын театрландырылған көріністі.
🎬 Қытай тіліндегі танымал мультфильмдерден үзінділер көрсетілген «Мультфильмді тап» интерактивті ойынын.

Айрықша сәттердің бірі – қазақтың халық әні «Дударайдың» екі тілде орындалуы болды, бұл Қазақстан мен Қытай халықтары арасындағы достықтың жарқын символына айналды.

Айта кетерлігі, іс-шараға қатысушылардың басым бөлігі AIU Жоғары экономика мектебінің «Халықаралық бизнес» білім беру бағдарламасы бойынша оқиды.

AIU мәдени бастамаларды белсенді түрде қолдап, мәдениетаралық қарым-қатынасқа қолайлы жағдай жасайды. Біздің студенттеріміз тек білім алып қана қоймай, басқа халықтардың дәстүрлерімен бізді де таныстырып жүргеніне мақтанамыз!

🌿🎇 Көктем мерекесі құтты болсын! Жаңа жыл қуаныш, сәттілік пен береке әкелсін!

Қазақстанда мықты корпоративтік экожүйені қалай құруға болады? Қарқынды өзгеріп жатқан нарық жағдайында кәсіпкерлерді қалай қолдау керек? Осы маңызды сұрақтар «ORDA Business» кәсіпкерлікті қолдау және дамыту қауымдастығының салтанатты презентациясында талқыланды.

Бұл шара жетекші сарапшыларды, кәсіпкерлерді және бизнес өкілдерін бір алаңда біріктіріп, өсу мен ынтымақтастық стратегияларын талқылауға мүмкіндік берді. AIU бизнес-инкубаторы үшін бұл іс-шара іскерлік байланыстарды нығайту және жас стартаптар үшін жаңа мүмкіндіктерді кеңейту жолындағы маңызды қадам болды. Біз мұндай бастамалар кәсіпкерліктің дамуына және елдегі инновацияларға жаңа серпін беретініне сенеміз! 🚀

2025 жылдың 31 қаңтарында Astana International University қабырғасында «Кәсіпкерлерді қолдау шаралары» тақырыбында Саларалық Іскер Әйелдер Кеңесінің отырысы өтті. Жетекші сарапшылар мен бизнес өкілдері кәсіпкерлікті қолдаудың өзекті құралдарын талқылады.

Бағдарламаға Кәсіпкерлер палатасы, QazInnovations, Отбасы банк және AIU өкілдері қатысты. Қатысушылар 40 миллион теңгеге дейінгі гранттарды алу мүмкіндіктері, AIU бизнес-инкубаторында оқыту, жеңілдетілген несиелендіру шарттары және әлеуметтік кәсіпкерлерге қолдау көрсету туралы ақпарат алды. Отырыстың соңында қатысушылар сарапшылармен маңызды тақырыптарды талқылаған сұрақ-жауап сессиясы өтті.

Әсіресе, әйелдердің өз бизнесін дамытуы мен кеңейтуіне көмектесетін қолдау шараларына ерекше көңіл бөлінді. Саларалық Кеңес әйел-кәсіпкерлер үшін қолайлы жағдай жасауға ықпал етіп, олардың бастамаларын қолдап, экономикадағы позициясын нығайтуға үлес қосуда. Тұрақты даму мақсаттарына сәйкес гендерлік теңдік жауапты бизнес тәжірибесін қалыптастырады. Ұлттық Кәсіпкерлер Палатасының Саларалық Іскер Әйелдер Кеңесінің төрайымы Сания Камбарқызына ынтымақтастығы мен қолдауы үшін алғысымызды білдіреміз.

2024 жылғы 28 желтоқсанда Экономика жоғары мектебінде "AIU BUSINESS INNOVATION" инкубациялық бағдарламасының 4-ші Demo Day іс-шарасы өтті. Бұл шара бизнес-инкубатор ұйымдастырған. Бағдарламаға 20 стартап қатысса да, финалға тек 12 жоба өтті. Қатысушылар бір ай бойы бизнес-идеяларды құру, кәсіпкерлік негіздері, қаржылық модельдер, бизнес-жоспар құру және питчинг жүргізу бойынша білім алды.

Demo Day барысында финалистер өз жобаларын сарапшыларға ұсынды, олардың арасында "НАРИ QazInnovations" АҚ, "Атамекен" Ұлттық кәсіпкерлер палатасы және Астана бизнес қауымдастығының өкілдері болды. Жобалар түрлі салаларды қамтыды: пайдалы безглютенді тағамдар өндірісінен бастап мобильді қосымшалар жасауға дейін.

Іс-шара аяқталғаннан кейін барлық қатысушылар сертификаттар алды, олар өз бизнес-идеяларын жүзеге асыру үшін 20 млн теңгеге дейінгі гранттық қаржыландыру байқауына өтініш бере алады. Бұл – жаңа кәсіпкерлер үшін өз идеяларын іске асыруға тамаша мүмкіндік.

Инкубациялық бағдарламаның түлектеріне сәттілік тілейміз!

Әр жылы Қазақстан Республикасының Энергетика министрлігі, ТОО «PSA»,

НКОК Н.В., «КПО Б.В.» және «KAZENERGY» Ассоциациясы арасында

жасалған ынтымақтастық меморандумы аясында Солтүстік Каспий және

Қарашығанақ жобалары бойынша оқыту ақысын төлеу үшін үміткерлерді

іріктеу жүргізіледі.

2024-2025 оқу жылына стипендиаттар болып «Қаржы» білім беру

бағдарламасының студенттері Нұртазина Лаура Қуанышбайқызы мен Әкімбек

Нурикамал Жанайдарқызы, «Менеджмент» білім беру бағдарламасының

студенті Әбілханов Алмас Абзалұлы, «Экономика» білім беру

бағдарламасының студенті Ержан Асылым Нұркенқызы таңдалды

(https://www.kazenergy.com/upload/document/education/list_2024.pdf).

Құттықтаймыз және сіздерге жаңа жетістіктер мен табыс тілейміз!

«Қаржы» білім беру бағдарламасы бойынша Экономика жоғары мектебінің

студенттері Ешмұқанов Үсен, Нұртазина Лаура және «Менеджмент» білім беру

бағдарламасы бойынша Искакова Диляра, Қарабаева Аяулым «Жылдың ең үздік

студенті» республикалық конкурсында жеңіске жетулерімен құттықтаймыз!

Сіздерге жаңа жетістіктер мен табыс тілейміз!

2024 жылдың 1 қарашасы мен 23 қарашасы аралығында 6В04117

«Экономика» білім беру бағдарламасының 4 курс студенті Ержан Асылым және

7М04106 «Менеджмент» білім беру бағдарламасы бойынша 1 курс магистранті

Естемес Дильназ «Study tour experience» ҒЗУ Экономика жоғары мектебінің

халықаралық білім тәжірибесі жобасына қатысты (Мәскеу, Ресей).

«Study tour experience» бұл үздік университетте студенттің рөлін алып,

түйіндемесін нығайтқысы келетін студенттерге арналған бірегей жоба.

Тағылымдама мансап пен кәсіби қызметті құруда қажетті жаңа нәтижелерге қол

жеткізуге мүмкіндік береді.