Жаңалықтар

✅2022 жылдың мамыр айында Astana International University білім беру сапасын қамтамасыз ету бойынша Тәуелсіз агенттіктің (IQAA) халықаралық институционалдық аккредиттеуінен сәтті өтті. ⠀ ⠀ IQAA Аккредиттеу Кеңесінің шешімімен біздің университет 5 жыл мерзімге аккредиттелді.⠀ ⠀ ℹ️IA-A №0135 от 18.06.2022 ж. тіркеу нөмірі бар институционалдық аккредиттеу туралы куәлік.⠀

❗️20 шілде- мемлекеттік білім беру гранттарын тағайындау конкурсына қатысу үшін құжаттарды қабылдау соңғы күні.⠀⠀

⠀⠀

🔹Құжаттарды қабылдау университетіміздің ҚАБЫЛДАУ КОМИССИЯСЫ арқылы жүзеге асырылады.⠀⠀

🔹Шалғай аймақтарда тұратын талапкерлердің ыңғайы үшін виртуалдық қабылдау комиссиясы талапкерлерге бейне байланыс арқылы кеңес беріп, құжаттар қабылдайды.⠀⠀

⠀⠀

☑️Конкурсқа қатысуға келесі құжаттар қажет:⠀⠀

▪️жеке куәлік;⠀⠀

▪️ҰБТ сертификаты;⠀⠀

▪️3х4 көлеміндегі фото;⠀⠀

▪️орта білім туралы аттестат (техникалық және кәсіптік білім беру (ТжКБ) ұйымдарының түлектері үшін диплом);⠀⠀

▪️№ 075/у нысанындағы медициналық анықтама және № 063/у нысанындағы профилактикалық екпелер картасы;⠀⠀

▪️ер жігіттер үшін әскери тіркелу куәлігі;⠀⠀

▪️жеңілдетілген санат бойынша конкурсқа қатысу үшін растайтын құжаттар.⠀⠀

⠀⠀

📌Естеріңізге сала кетейік, талапкерлер 16 мамыр мен 5 шілде аралығында өткен ҰБТ-ның екі нәтижесінің біреуін ғана конкурсқа ұсына алады.⠀⠀

📌ЖОО коды 185.⠀⠀

📌 Мақсатты «Атырау-Маңғыстау» білім беру грантын тағайындау конкурсына қатысу үшін университетімізді белгілеңіз.⠀⠀

Бакалавриатқа түсу үшін 2022-2023 оқу жылында 73 мыңнан астам грант бөлінді. Гранттардың басым бөлігі «Инженерлік, өңдеу, құрылыс салалары» білім беру бағдарлама топтарына бөлінді, олардың саны 17 794 грантты құрайды. Ал «Педагогикалық ғылымдарға» – 10 810 грант, «Ақпараттық-коммуникациялық технологиялар» саласына – 9 103 грант, «Жаратылыстану ғылымдары, математика және статистика» бағытына– 6 288 грант тиесілі. Осылайша, техникалық бағыттар бойынша мемлекеттік тапсырыстың үлесі 60% - ға дейін ұлғайды.

ҰБТ қорытындысы бойынша кемінде 65 балл жинаған талапкерлер ұлттық жоғары оқу орындарына, кемінде 50 балмен басқа жоғары оқу орындарына түсе алады. Бұл ретте «Педагогикалық ғылымдар» және «Құқық» білім беру салалары бойынша шекті балл кемінде 75 балл, «Денсаулық сақтау» − кемінде 70 балл, «Ауыл шаруашылығы және биоресурстар», «Ветеринария» – кемінде 60 балды құрайды.

Биыл білім беру гранттарын тағайындау конкурсына қатысу үшін құжаттарды қабылдау 13 шілде күні басталып, 20 шілдеге дейін жалғасады. Қабылдау жоғары оқу орындарының қабылдау комиссиялары арқылы жүзеге асырылатын болады. Алыс аймақтарда тұратын талапкерлердің ыңғайы үшін жоғары оқу орындарында виртуалдық қабылдау комиссиялары жұмыс істеп, талапкерлерге бейне байланыс арқылы кеңес береді. Сонымен қатар құжаттарды қабылдау кез келген жоо (орналасқан жері бойынша) арқылы жүзеге асыруға болады.  

Оқуға түсушілер 16 мамыр мен 5 шілде аралығында өткен ҰБТ-ның екі нәтижесінің біреуін конкурсқа ұсына алады.

Мемлекеттік білім беру гранттарын тағайындау конкурсына қатысуға құжаттарды электронды түрде тапсыру үшін талапкерлерге келесі құжаттар қажет: 

жеке куәлік;

1. ҰБТ сертификаты;
2. 3х4 көлеміндегі фото;
3. орта білім туралы аттестат (техникалық және кәсіптік білім беру (ТжКБ) ұйымдарының түлектері үшін диплом);
4. № 075/у нысанындағы медициналық анықтама және № 063/у нысанындағы профилактикалық екпелер картасы;
5. ер жігіттер үшін әскери тіркелу куәлігі;
6. жеңілдетілген санат бойынша конкурсқа қатысу үшін растайтын құжаттар.

Егер талапкер «Алтын белгі» иегері немесе отансүйгіштік және белсенді азаматтық ұстанымы үшін ерекшелік белгісімен марапатталған болса, онда ол басқа үміткерлермен балдары тең болған жағдайда басым құқыққа ие болады. Олимпиадалар мен спорттық жарыстардың жеңімпаздары үшін де осындай басымдылық қарастырылған.

Биыл алғаш рет Мемлекет басшысының тапсырмасы бойынша білім беру грантының жаңа түрі анықталды: «Халықтың тығыз орналасқан және батыс өңірлерінің жастарының жетекші жоғары оқуорындарында оқуға арналған мақсатты білім беру гранты». Бұл Атырау және Маңғыстау облыстарының 10 мың талапкеріне жоғары оқу орындарында білім алу үшін мақсатты гранттар алуға мүмкіндік береді. Мақсатты «Атырау-Маңғыстау» грантына конкурсқа ағымдағы жылдың мектеп түлектері қатыса алады. Бұл ретте олар бір уақытта жалпы конкурсқа, оның ішінде «Серпін» байқауына қатыса алмайды.

Сонымен қатар халықтың әлеуметтік осал топтарына бөлінетін гранттар саны көбейтілді. Кәмелетке толмаған төрт және одан көп бала тәрбиелеп отырған отбасылардағы балалар үшін гранттардың жалпы санының 5%-ы, кемінде үш жыл толық емес отбасы мәртебесі бар отбасылардан шыққан балаларға – 1%, І, ІІ топтағы мүгедек балаларды тәрбиелеп отырған отбасылардан шыққан түлектерге білім беру гранттарының 1%-ы көзделген. Жетім балалар және ата-анасының қамқорлығынсыз қалған балалар мен I, II топтағы мүгедектер, бала кезінен мүгедектер, мүгедек балалар арасынан шыққан азаматтар үшін квота гранттар санының 1%-ын құрайды. Жыл сайын Қазақстан Республикасының азаматы болып табылмайтын ұлты қазақ адамдарға (қандастарға) гранттардың 4%-ы беріледі.

ҚР Ғылым және жоғары білім министрлігінің баспасөз қызметі

https://www.gov.kz/memleket/entities/edu/press/news/details/399629?lang=kk

2022 жылдың көктемгі семестрінде Экономика жоғары мектебінде серіктес жоғары оқу орындарымен бірге ПОҚ академиялық ұтқырлық бағдарламасы жүзеге асырылды.

ЭЖМ оқытушылары С. Торайғыров университеті, Инновациялық Еуразия университетІ (Павлодар қ.) және Орталық Азия Инновациялық университетінің (Шымкент қ.) магистранттары мен студенттеріне сабақ өткізді.

Серіктес ЖОО оқытушылары э.ғ. к., проф. Кадырова А. С., PhD, доцент Бекниязова Д. С., PhD, проф. Солтангазинов А. Р., э. ғ. к., аға оқытушы Құдайбергенова З. У. біздің студенттерге дәріс оқыды.

Ағылшын тілінде "Шақырылған профессор" бағдарламасы бойынша профессор Давид Апциаури (Грузия) "Major trends in Development of Modern Global Economy and importance of risk prevention" авторлық курсын  өткізді. Бұл білім мен тәжірибе алмасқан қызықты курс болды. Біз Астана Халықаралық университетімізде студенттерге жаңа бағдарламалар мен мүмкіндіктер ұсынуға әрдайым даярмыз.

Астана Халықаралық университетінің әлеуметтік кәсіпкерлік мектебінде әлеуметтік кәсіпкерлік негіздерін ҮЕҰ өкілдерінің бірінші легіне оқыту басталды.

Бірінші лектің бизнес-жаттықтырушысы Жақсыбаева Гүлнар – "Новое время" ЖМ директоры, "Азаматтық бастамалар орталығы" ҚБ, "Атамекен" ҰКП, ICBT Халықаралық бизнес-жаттықтырушылар мектебі, International Coaches Union (ICU) коуч, дизайн-ойлау орталығының сертификатталған жаттықтырушысы болып табылады.

Қазақ тілінде білім алушылардың екінші легі 2022 жылдың 19 шілдесінде басталады. Екінші лектің бизнес-жаттықтырушысы Арман Ақбердиев – "ADS Business Group" компаниясының негізін қалаушы, "Азаматтық бастамалар орталығы"ҚБ, ҚР Ғылым қоры, "Атамекен" ҰКП және "Даму" қорының бизнес-жаттықтырушысы.

Бағдарлама әлеуметтік кәсіпкерліктің құқықтық негіздерін, әлеуметтік жоба басқаруды, әлеуметтік бизнестің қаржылық тұрақтылығын, әлеуметтік бизнестегі көшбасшылықты, әлеуметтік бизнес жүргізуді (жобалық жұмыс) зерделеуді қамтиды. Жобаның барлық қатысушысына әлеуметтік идеяларды сәтті іске асыруына тілекшіміз!

«Ұлттық биотехнология орталығы» Қазақстан Республикасындағы биологиялық бейіндегі жетекші ғылыми мекеме болып табылады. Орталық биология, биотехнология, биологиялық қауіпсіздік және экология саласындағы бағдарламаларды жүзеге асырады. NCB биотехнология және биология саласындағы оқыту және ынтымақтастықты арттыру үшін негіз болып табылады және қоғам игілігі үшін биотехнологиялық артықшылықтардың әсерін барынша арттыру мақсатында негізгі өмір туралы ғылымдар мен технологиялардағы пәнаралық зерттеулерге жәрдемдеседі.

Келісім шеңберінде мыналар жоспарланған:

Жоғары білімнің негізгі білім беру бағдарламалары, қызметкерлердің біліктілігін арттыру және кәсіби қайта даярлаудың қосымша кәсіптік бағдарламалары бойынша кадрларды даярлау;

Қызметі іске асырылып жатқан негізгі білім беру бағдарламасының бағытына (бейініне) байланысты ағымдағы басшылар мен қызметкерлер қатарынан ҰБО қызметкерлерін оқу үдерісіне тарту;

Студенттердің ҰБО өкілдерінің орта және жоғары буын өкілдерімен кездесулерін ұйымдастыру, ҰБО өкілдерінің шеберлік сабақтарын өткізу;

ЖОО-ның негізгі білім беру бағдарламалары бойынша мемлекеттік қорытынды аттестацияны өткізуге ҰБО өкілдерін тарту;

В050 Биология және сабақтас ғылымдар, В051 Қоршаған орта, М087 Қоршаған ортаны қорғау технологиясы, М080 Биология, Университет пен Кәсіпорын арасында жасалған шартқа сәйкес Кәсіпорында білім беру бағдарламалары топтары бойынша университет студенттерінің кәсіби және ғылыми-зерттеу тәжірибесін ұйымдастыру және өткізу. студенттердің тәжірибесі үшін;

D087 Қоршаған ортаны қорғау технологиясы білім беру бағдарламалары тобында студенттер мен университет қызметкерлерін ҰБО-да өндірістік тәжірибеден өткізуді ұйымдастыру және өткізу;

Университет пен ҰБО қызметкерлерінің біліктілігін арттыру және тәжірибе алмасу бойынша бірлескен бағдарламаларды әзірлеу және жүзеге асыру;

Оқу процесінде және жұмыс тәжірибесін өту барысында өзін жақсы жағынан көрсеткен түлектерді бос лауазымдар болған жағдайда ҰБО-да жұмысқа орналастыруға ықпал ету;

Ғылыми, білім беру және өндірістік қызметтің интеграциясы негізінде мамандарды даярлаудың озық сипатын қамтамасыз ету, бұл олардың еңбек нарығында және білім беру қызметтерінде бәсекеге қабілеттілігіне кепілдік береді.

Нұр-Сұлтан қаласы әкімдігінің 2022-2026 оқу жылына еңбек нарығының қажеттіліктерін ескере отырып, жоғары және (немесе) жоғары оқу орнынан кейінгі білім беру ұйымдарында кадрлар даярлауға мемлекеттік білім беру тапсырысын орналастыру жөніндегі комиссиясының шешімімен Астана халықаралық университетіне білім беру бағдарламаларының келесі топтары бойынша жергілікті мемлекеттік органдардан 600 білім гранты бөлінді:

Құрметті талапкерлер!!!

Егер сіз Нұр-Сұлтан қаласындағы жоғары оқу орнында оқып, грантқа түсіңіз келсе, 2022 жылдың 15 тамызына дейiн өтiнiш қалдырыңыз. Біз сені күтеміз, талапкер!

2022 жылғы 20-24 маусым аралығында Экономика жоғары мектебінде Нұр-Сұлтан және Жезқазған қалаларының 7-11 сынып оқушыларына арналған Жазғы мектеп өтті. Интерактивті ойын форматында өткізілген тренинг бағдарламасы жеке әлеуетті, болашақ мамандықты анықтауға, қарым-қатынас дағдыларын, тайм-менеджментті, команда да жұмыс істеу дағдыларын, көпшілік алдында сөйлеу, көшбасшылық және креативтілікті дамытуға бағытталған. Балалар өте белсенді және позитивті болды, ал бағдарлама аяқталғаннан кейін өздерінің креативті идеяларын ұсынды, әрі қарай жеке даму бойынша ұсыныстар алды. Жазғы мектеп біздің оқушылар үшін қызықты және пайдалы болды деп үміттенеміз.

Ағымдағы жылдың 02 мамырынан 08 маусымға аралығында француз тілі бойынша орталық азиялық олимпиада -2022 өтті.

Конкурстың ережелері бойынша, Орталық Азиядағы Франция мәдени желісі екінші жыл қатарынан француз тілі бойынша онлайн Олимпиада ұйымдастырып отыр. Орталық Азиядағы 5 мемлекетіндегі (Өзбекстан, Қазақстан, Қырғызстан, Тәжікстан және Түркменстан) барлық франкофондар мен франкофилдер үшін қатысу ақысыз және ашық өтті.

Біздің  «6В01701 Шет тілі: екі шет тілі» мамандығында оқитын 3 курс студенттері «Студенттер, француз тілін бірінші немесе екінші шетел тілі ретінде оқитындар» тобында бағын сынады: Тлеужан Аяжан, Искакова Наргиз, Канат Ализа, Жаку Айнур, Винтоньяк Арина, Дуйсембаева Гаухар, Касымхан Назым, Жасар Айша, Малгаждарова Камилла. 3 турдан (тест, диктант, сұхбат) тұратын жарыста 8 студент 2 турға қатысып, Қанат Ализа 3 турға дейін өтті. Барлық студенттер халықаралық сертификаттармен марапатталды

Экономика жоғары мектебінің ұйымдастырумен бюджетаралық қатынастар мәселелері бойынша дөңгелек үстел өткізілді. Дөңгелек үстелдің модераторы э.ғ.д., профессор, «Заманауи қоғамды зерттеу институты» ЖШС директоры М. З. Қажыкен болды.

Іс-шараға қатысқан: э.ғ.д., Қазақстан Республикасы Президентінің жанындағы Мемлекеттік басқару академиясының басқару институтының профессоры А.Б. Зейнельғабдин, э.ғ.к., ESIL University қауымдастырылған профессоры, Р.К.Берстембаева; сарапшы, тәуелсіз экономист, «OilGasProject» ЖШС директоры Ж.Ахметов, Астана Халықаралық университеті президентінің кеңесшісі К.Т.Оспанов, Экономика жоғары мектебінің деканы З.К.Смағұлова, профессор-оқытушылар құрамы, магистранттар, докторанттар, серіктес жоғары оқу орындарының өкілдері (БГЭУ Минск қ., ТОУ, ИнЕУ). Қатысушылар Қазақстан Республикада жарияланған және іске қосылған саяси реформалар аясында бюджетаралық қатынастар жүйесін реформалау мәселелерін қарастырды. Атап айтқанда, ұлттық табысты әділ қайта бөлу, кіріс көздері мен шығыстар бойынша міндеттемелерді әділ бөлу критерийлерін айқындау, мемлекеттік басқару деңгейлерінің бюджеттік өкілеттіктерін бекіту міндеті, республикалық бюджет пен ҚР субъектілері бюджеттерінің кірістері бойынша үлестердің арақатынастарындағы сәйкессіздіктер проблемасы, Салық кодексінің тар жерлері және т. б. қозғалды. Ашық пікірталас барысында кешенді зерттеуді, талдауды және пысықтауды талап ететін Қазақстан Республикасындағы бюджетаралық қатынастардың өзекті аспектілері мен проблемалары белгіленді.

Дөңгелек үстел қорытындысы бойынша Экономика жоғары мектебі базасында талқылау және сарапшылар қауымдастығын біріктіру үшін тұрақты алаң ұйымдастыру туралы шешім қабылданды.