ЭКОНОМИКА ЖОҒАРЫ МЕКТЕБІНІҢ ҚЫТАЙ, РЕСЕЙ ЖӘНЕ ҚЫРҒЫЗСТАННЫҢ ЖЕТЕКШІ ПРОФЕССОРЛАРЫМЕН АКАДЕМИЯЛЫҚ АЛМАСУЫ
2026 жылдың 20-25 сәуірі аралығында Астана Халықаралық Университетінің
(АХУ) Экономика жоғары мектебі Қытайдан, Ресейден және Қырғызстаннан келген үш
шақырылған профессорды қабылдады. Олардың келуі «Шақырылған профессор»
бағдарламасы аясындағы оқу процесіне маңызды толықтыру болды, осы бағдарлама
бойынша ЭЖМ студенттері мен магистранттары 2026 жылдың 2-семестрінің басынан
бастап тиісті пәндерді оқып жатыр. Бұл сапар АХУ-дың білім беру процесін құнды
халықаралық тәжірибемен және жаңа көзқарастармен байытты.
7М04106 «Менеджмент» білім беру бағдарламасының 1-курс магистранттары
үшін екі негізгі пән бойынша сабақтар ұйымдастырылды. Ресейдің Томск қаласындағы
«Ұлттық зерттеу Томск мемлекеттік университеті» ФММББО профессоры Краковецкая
И.В. «Адами ресурстарды басқару» пәні бойынша курс өткізді. Оның терең білімі мен
практикалық мысалдары магистранттарға персоналмен жұмыс істеудің заманауи
әдістеріне қатысты өзекті түсініктер берді. Өз кезегінде, Қырғыз Республикасының
Бішкек қаласындағы И.Раззаков атындағы Қырғыз мемлекеттік техникалық
университетінің профессоры Өмірзақова У.М. «Инвестициялар және инновациялар»
саласындағы өз тәжірибесімен бөлісіп, осы саладағы негізгі аспектілер мен даму
стратегияларын көрсете отырып түсіндірді.
6В04122 «Халықаралық бизнес» білім беру бағдарламасының 2-курс
бакалавриат студенттері Қытайдың Jiangsu Ocean University университетінің
профессоры XIA MENGYAO-мен жұмыс істеу мүмкіндігіне ие болды. Оның
«Көшбасшылық: сыни және шығармашылық ойлау» пәні бойынша сабақтары
студенттердің аналитикалық қабілеттерін және стандартты емес шешімдерді жасау
қабілетін дамытуға бағытталған еді, бұл халықаралық бизнестегі болашақ мамандар
үшін өте маңызды.
Аудиториялық сабақтардан басқа, барлық үш шақырылған профессор
университеттің ғылыми өміріне белсенді қатысты. Олар «AIU – 2026: Жасанды
интеллект және цифрлық трансформация – жастар ғылымының даму векторы» атты
халықаралық конференцияның Пленарлық отырысында баяндамашы ретінде сөз
сөйлеп, өзекті үрдістерге қатысты өз көзқарастарын ұсынды. Сонымен қатар,
профессорлар АХУ-дың профессорлық-оқытушылық құрамы, докторанттары мен
магистранттары үшін бірлескен шеберлік сабағын өткізді, бұл идеялар мен
әдістемелермен алмасуға арналған тамаша алаң болды.
Бұл апта Экономика жоғары мектебі үшін маңызды оқиға болды. Профессорлар
Краковецкая И.В., Өмірзақова У.М. және XIA MENGYAO қатысуымен өткен сабақтар
мен іс-шаралар студенттер мен оқытушыларға жаңа білімдер беріп, көкжиектерді
кеңейтіп және халықаралық академиялық байланыстарды нығайтып, өте қызықты әрі
пайдалы өтті.
Бөлісу:
Фотогалерея
