2024 ж. 28 қаз., дс, 05:53
💻2024 жылғы докторантураға түсу емтиханына өтініштерді қабылдау www.app.testcenter.kz сайтында 28 қазаннан бастап, 10 қарашаға дейін жүргізіледі.
📍Өтініш беру кезінде тек емтихан ОРНЫН (ҚАЛАСЫН) таңдай аласыздар.
📌Ал емтихан тапсыру күні, уақыты және орны (мекенжайы) туралы ақпарат 21 қарашада Жеке кабинетіңіздің «Менің іс-әрекетім» бөлімінде ұсынылады.
📣Айта кетейік, сіздерге өтініштерді қабылдау мерзімі аяқталғанға дейін, яғни 10 қарашаға дейін білім беру бағдарламаларының тобына, емтихан тапсыру тілі мен орнына (қаласына) өзгеріс енгізуге мүмкіндік беріледі.
💸ДТЕ-ға қатысу құны 21 072 теңгені құрайды.
💡МАҢЫЗДЫ:
1️⃣TOEFL ITP сертификаты бар тұлғалар ДТЕ басталғанға дейін ағылшын тілін білуге арналған қосымша тестілеуді (қосымша тестілеу) тапсырады. Қосымша тестілеуді өткізу орны мен уақыты туралы ақпарат 12 қарашада түсушінің жеке кабинетінде қолжетімді болады. Қосымша тестілеуге қатысу құны 14 162 теңгені құрайды;
2️⃣Түсушілер міндетті түрде ҚАЗТЕСТ сертификатын және шет тілін меңгергенін растайтын сертификат ұсынуы керек. 2024 жылы шет тілін меңгергенін растайтын сертификаттардың шекті деңгейлері B1-ге дейін төмендетілді және тізімге TOEIC және Duolingo English Test сертификаттары енгізілді;
3️⃣Докторантураға «магистр» дәрежесі және кемінде 9 (тоғыз) ай еңбек өтілі бар немесе медицина мамандықтары бойынша резидентурада оқу бітірген адамдар қабылданады;
4️⃣Мемлекеттік білім беру тапсырысы бойынша және ақылы негізде докторантураға түсу үшін шекті балл – 75 балл.
5️⃣2024 жылдан бастап түсушілердің бейіні бойынша докторлар бағдарламасы бойынша докторантураға түсуге мүмкіндіктері бар. Бұл бағдарлама үшін шет тілін меңгергенін растайтын сертификаттың белгілі бір деңгейі талап етілмейді. Сондай-ақ, бейіні бойынша докторлар бағдарламасы бойынша түсушілер емтихан барысында эссе жазбайды. Ең жоғары көрсеткіш – 80 балл, оның ішінде әңгімелесуге – 25 балл, кәсіпорындар мен ұйымдардың ұсыныс хатына (болған жағдайда) – 5 балл және бейіні бойынша емтихан сұрақтары – 50 балды құрайды. Шекті балл – кемінде 50 балл.