Химиктердің кезекті жеңісі – XVII Республикалық пәндік олимпиадада

2025 жылдың 17–18 сәуірі аралығында Абай атындағы Қазақ ұлттық педагогикалық университетінің Жаратылыстану және география факультетінде «6В012 – Химия пәні мұғалімдерін даярлау» білім беру бағдарламалары тобы бойынша оқитын студенттер арасында өткен XVII Республикалық пәндік олимпиаданың нәтижелері бойынша:

1.     Астана Халықаралық университеті (AIU) 18 ЖОО арасында 2-орын (II дәрежелі диплом) иеленді. Команда құрамында – Моисеенко Амадей Владимирович (2 курс) және Каиров Нурлан Мурадович (4 курс).

2.     Каиров Нурлан Мурадович 36 қатысушының ішінен жеке біріншілікте 2-орын (II дәрежелі диплом) иеленіп, күміс медальмен марапатталды.
Қатысушыларға сертификаттар мен естелік сыйлықтар табысталды.

2022–2025 жылдар аралығындағы нәтижелерді саралай келе, келесі қорытынды жасауға болады:
AIU-дың химиктер командасы осы кезеңде әртүрлі деңгейдегі олимпиадаларға 5 рет қатысып, жүлделі орындарға ие болып, университет қоржынына 7 медаль әкелді:

• 3 рет Республикалық олимпиадалардың жүлдегері атанып, жыл сайын қатарынан 2 командалық және 2 жеке орын алып, 3 күміс медаль жеңіп алды!
• 2 рет Халықаралық олимпиадалардың жүлдегері атанып, 2 күміс және 2 қола медаль жеңіп алды!

Атап айтқанда, Республикалық пәндік олимпиадалардың үш мәрте күміс жүлдегері, Ашхабад қаласындағы Махтумкули атындағы Түрікмен мемлекеттік университетінде өткен III Халықаралық студенттік химия олимпиадасының қола жүлдегері – 4 курс студенті Каиров Нурлан Мурадович жыл сайын жоғары нәтиже көрсетіп келеді!

AIU басшылығына жоғары деңгейдегі олимпиадаларға қатысу мүмкіндігі мен қолдауы үшін алғысымызды білдіреміз.

Бағыт жетекшісі, педагогика ғылымдарының кандидаты, доцент
ПИ – Нургалиева Д.А.