Astana International University Huawei ICT Competition бойынша маман даярлау бойынша үздік 6 университеттің қатарына енді!

Astana International University (AIU) қуанышпен хабарлайды, Huawei ICT Competition ұлттық финалының нәтижесінде біздің университет Қазақстанның үздік 6 жоғарғы оқу орнының қатарына енгенін. Бұл нәтиже студенттеріміздің ақпараттық-коммуникациялық технологиялар саласында жоғары деңгейде білім алғанын ғана емес, сонымен қатар AIU-дың қазіргі цифрлық экономикаға дайын болар кәсіби мамандарды даярлауға қосқан маңызды үлесін көрсетеді.

Айта кететін болсақ, 4-курс студенті Шалбай Тахмина (ВТ-21А тобы), Huawei ICT Competition өңірлік финалында Computing Track бойынша бірінші орынды жеңіп алды! Тахмина Таяу Шығыс пен Орталық Азияның үздік студенттері арасында бірінші орынды иеленіп, ерекше білім мен дағдыларын көрсетті.

Қазіргі уақытта Тахмина Сауд Арабиясы Эр-Рияд қаласында Қазақстанды халықаралық аренада таныстыруда. Бұл жетістік оның қажырлы еңбегі мен мінсіздікке ұмтылуының нәтижесі болып табылады.

Барлық қатысушыларды құттықтай отырып, тынымсыз еңбек пен үздіксіз жетілуге деген ұмтылыстары үшін алғыс айтамыз. AIU ұлттық және халықаралық аренада өзінің бәсекеге қабілеттілігін дәлелдей береді!