CFive тобы Бішкектегі үлкен форумға қатысты

Ақпан айының 4-5 күндері Қырғызстан астанасы Бішкек қаласында «B5+1» атты өте маңызды халықаралық экономикалық форум өтті. Бұл жиынға біздің еліміздің атынан CFive зияткерлік платформасының мамандары қатысты. Форумның басты мақсаты — Орталық Азиядағы бес мемлекет пен Америка Құрама Штаттары арасындағы іскерлік байланысты нығайту және аймақтың экономикасын бірге дамыту.

Нақты істер талқыланған бұл форумда ауыл шаруашылығын қалай дамыту керек, банк жүйесін қалай жақсартамыз және ең бастысы — IT саласы мен логистиканы қалай жаңа деңгейге шығарамыз деген сұрақтар жауабы талқыланды. Осындай іс-шаралар біздің жастарымыз үшін болашақта жаңа жұмыс орындарының ашылуына және халықаралық компаниялардың біздің аймаққа келуіне жол ашады. Келесі осындай үлкен басқосулар Орталық Азияның басқа да қалаларында, соның ішінде Ташкентте өтеді деп күтілуде.

Бұл форумға қатысу арқылы біздің мамандар халықаралық деңгейдегі сарапшылармен тәжірибе алмасып, болашақ бірлескен жобалардың негізін қалады. Мұндай ауқымды шаралар еліміздің экономикалық болашағының жарқын екенін және біздің мамандардың әлемдік деңгейде жоғары бағаланатынын дәлелдейді. Біздің университет қабырғасында білім алып жатқан студенттер үшін бұл — ертеңгі күні халықаралық деңгейдегі жобаларда жұмыс істеуге үлкен мүмкіндік.