ЭКОНОМИКАДАҒЫ ЖАСАНДЫ ИНТЕЛЛЕКТ – ҚАЗАҚСТАНДАҒЫ ЖАСАНДЫ ИНТЕЛЛЕКТ АПТАЛЫҒЫ АЯСЫНДАҒЫ ДӨҢГЕЛЕК ҮСТЕЛ

Қазақстан Республикасы ғылым және жоғары білім министрлігінің тапсырмасымен 2025 жылдың 29 қыркүйегі мен 4 қазаны аралығында Astana International University-де Жасанды интеллект апталығы өтуде.

Экономика жоғары мектебі сіздерді «Экономикадағы ЖИ: цифрландырудың құқықтық, әлеуметтік және этикалық сын-қатерлері» атты дөңгелек үстелге шақырады. Іс-шара 2025 жылдың 29 қыркүйегінде сағат 11:00-де өтеді.

Дөңгелек үстел аясында келесі спикерлер сөз сөйлейді: жасанды интеллектіні дамыту қауымдастығы төрағасының орынбасары – Төлебаева А., T саласының маманы, кәсіпкер – Ирсалиева Л.С., «Telse» ЖШС IT компаниясының директоры – Есжанов А.Д., сондай-ақ студенттер мен өзге де қонақтар.

Бүгінде жасанды интеллект – технологиялық прогресс пен экономикалық дамудың негізгі қозғаушы күштерінің бірі. Дөңгелек үстелдің мақсаты – білім және тәжірибе алмасу, цифрландырудың құқықтық, әлеуметтік және этикалық аспектілерін талқылау, жасанды интеллект экожүйесін қарастыру, бизнестегі ЖИ рөлі, стартаптар үшін жаңа мүмкіндіктер ашу және т.б.

Сіздерді келесі мекенжай бойынша күтеміз: Астана қ., Қабанбай батыр көшесі, 8-үй, конференц-зал (207).