Кәсіби бағдар беру жұмысы

ЭКОНОМИКА ЖОҒАРЫ МЕКТЕБІНДЕ

ПРОФОРИЕНТАЦИЯЛЫҚ ЖҰМЫС

Экономика жоғары мектебінде (ЭЖМ) білім беру бағдарламалары аясында дәстүрлі кәсіби бағдарлау әдістері мен нақты мамандықтар мен студенттердің қажеттіліктеріне бейімделген заманауи тәсілдер қолданылады.

Профориентациялық жұмыс екі бағытта жүргізіледі:

Ø «Мектеп оқушылары»

Ø «Студенттер, магистранттар және докторанттар»

Жұмыс түрлері:

1.              Карьера бойынша кеңестер мен мастер-класстар. ЭЖМ мектептің 9-11 сынып оқушылары мен студенттерге карьералық жолды таңдау мәселелері бойынша жеке кеңестер өткізеді.

2.              Эксперттермен мастер-класстар. Мастер-класстар маркетинг, қаржы, экономика және басқа да салаларда өткізіледі. Студенттер тәжірибелік кеңестер алып, индустриядағы талаптар мен үрдістер туралы ақпарат алады.

3.              Білім беру бағдарламалары жәрмеңкесі (мектеп оқушылары үшін) және Вакансиялар жәрмеңкесі (түлектер үшін). Бұл шараларға қатысу жастарға өзінің бәсекеге қабілеттілігін арттыру үшін қосымша мүмкіндіктер береді.

4.              Тренингтер мен семинарлар. Уақытты басқару, топтық жұмыс, келіссөздер жүргізу және көшбасшылық секілді кәсіби дағдыларды дамытуға арналған тренингтер ұйымдастырылады. ЭЖМ инновациялық оқу әдістерін, оның ішінде рөлдік ойындар мен іс-тәжірибе әдістерін белсенді қолданады. Бұл әдістер студенттердің тек теориялық білім алып қана қоймай, оны практикалық жағдайларда қолдануға мүмкіндік береді. Осы тренингтер жұмыс берушілер бағалайтын дағдыларды қалыптастыруға бағытталған, соның нәтижесінде жастар өз мансаптарын сенімді түрде құра алады.

5.              Жобалық жұмыстар, практика мен тағылымдамалар. Білім беру бағдарламаларының ерекшелігі — оқыту үдерісінде кәсіби бағдарлауды жобалық жұмыстар мен тағылымдамалар арқылы интеграциялау. Мектеп оқушылары мен студенттер бизнес немесе мемлекеттік сектор қажеттіліктерімен байланысты нақты жобаларда жұмыс істей алады.

6.              Карьера күні және түлектермен кездесулер. ЭЖМ студенттеріне экономиканың және бизнестің әртүрлі салаларында жұмыс істейтін түлектермен кездесу ұйымдастырады. Бұл іс-шаралар барысында түлектер өздерінің табысқа жеткен жеке тарихтарымен бөліседі, практикалық кеңестер береді және мансаптық мүмкіндіктер туралы түсінік қалыптастыруға көмектеседі, сонымен қатар университетте оқып жүрген теориялық білімдерін практикада қалай қолдануға болатынын түсіндіреді.

-                   Университеттің кәсіби бағдарлау жұмысы жоспары (құжат)

-                  Мектептермен кәсіби бағдарлау жұмысы жоспары (құжат)

-                   Кәсіпорындармен және ұйымдармен кәсіби бағдарлау жұмысы жоспары (құжат)

«Түлектер анкета» бөлімі