Астана халықаралық университетінің профессор-оқытушылар құрамы мен студенттері Таза ауа күніне орай іс-шараға қатысты

  2025 жылдың 25 қыркүйегінде Астана халықаралық университетінің Жаратылыстану ғылымдары мектебінің оқытушылары Айман Авезқызы Авезова мен Айман Бейсембайқызы Қарабалаева «Экология және табиғатты пайдалану» бағдарламасының 4 курс студенттерімен бірге Президент мұражайына барып, Таза ауа күніне орай ұйымдастырылған іс-шараға қатысты.

Қазақстан Республикасындағы Біріккен Ұлттар Ұйымының Даму бағдарламасының (БҰҰДБ) қолдауымен өткен шараға мемлекеттік органдардың, дипломатиялық миссиялардың және халықаралық ұйымдардың өкілдері қатысты. Бағдарламада «Экология қазақстандықтар көзімен» зерттеуінің тұсаукесері, тәжірибелік ұсыныстарды сарапшылық талқылау, «Климат: кері санақ» журналистика байқауының жеңімпаздарын марапаттау рәсімі болды.

Климаттық күн тәртібін ілгерілетудегі, экологиялық хабардарлықты арттырудағы және қоғамды тұрақты болашақты құруға тартудағы бұқаралық ақпарат құралдарының рөліне ерекше назар аударылды. Шараға қатысу сонымен қатар қоршаған ортаны қорғау бойынша мемлекеттің, қоғам мен бұқаралық ақпарат құралдарының күш-жігерін біріктіретін Қазақстан Республикасы Президентінің «Таза Қазақстан» бастамасына қосқан символдық үлес болды.

Университет студенттері мен оқытушылары үшін бұл іс-шараға қатысу тек қана білім беру тәжірибесі ғана емес, сонымен қатар экологияның, тұрақты дамудың және қоршаған ортаны қорғаудағы халықаралық ынтымақтастықтың практикалық мәселелерімен айналысу мүмкіндігі болды.

          Мұндай іс-шаралар болашақ экологтарға өз мамандығының маңыздылығын түсінуге көмектеседі және студенттерді жаһандық экологиялық мәселелерді шешуге белсенді қатысуға шабыттандырады.