ХАЛЫҚАРАЛЫҚ ЫНТЫМАҚТАСТЫҚТЫ НЫҒАЙТУ: AIU ЭКОНОМИКА ЖОҒАРЫ МЕКТЕБІ И.РАЗЗАКОВ АТЫНДАҒЫ ҚМТУ ОҚЫТУШЫЛАРЫН ҒЫЛЫМИ-ПЕДАГОГИКАЛЫҚ ТАҒЫЛЫМДАМАҒА ҚАБЫЛДАДЫ

Астана Халықаралық Университеті мен Қырғыз мемлекеттік техникалық университеті (ҚМТУ) арасындағы ынтымақтастық туралы Меморандумды іске асыру аясында 2025 жылдың 22–28 қыркүйегі аралығында AIU базасында ҚМТУ Экономика және бизнес жоғары мектебінің оқытушылары ғылыми-педагогикалық тағылымдамадан өтті.

Тағылымдамаға «Қаржы, талдау және есеп» кафедрасының доценттері Чонкоева А.А. және Атаходжаев Ш.Х. қатысты. Бағдарлама аясында AIU-дың білім беру саясаты мен даму стратегиясымен танысу, университет бойынша экскурсиялар, оқу процесіне қатысу қарастырылды.

Академиялық ынтымақтастық шеңберінде ғылыми жарияланымдарды дайындау бойынша практикумдар, ғылыми этика мен зерттеу әдістері, экономика, кәсіпкерлік және әлеуметтік саланың өзекті мәселелері талқыланды.

Серіктес университет оқытушыларының қонақ дәрістері ерекше қызығушылық тудырды: доцент Чонкоева А.А. «Кәсіпорындағы қаржылық-экономикалық қауіпсіздік (құрылыс ұйымдарының мысалында)» тақырыбында, ал доцент Атаходжаев Ш.Х. «Сандық дәуірдегі қаржылық тергеулер» тақырыбында дәріс өткізді.

Сонымен қатар, тағылымдама аясында қатысушылар университеттің Social Innovation Hub орталығында болып, кітапханаға барып, Экономика жоғары мектебінің профессорлық-оқытушылық құрамымен кездесті. AIU академиялық алмасу мен халықаралық диалогты дамытуды жоғары бағалайды. Бұл тағылымдама екі университет арасындағы ғылыми және білім беру байланыстарын тереңдетуге бағытталған маңызды қадам болды.