Жақында Астана халықаралық университетінің (AIU) ғылыми қызметкерлері мен профессор-оқытушылық құрамы ҚР Жоғары аудит палатасы жанындағы Зерттеу, талдау және тиімділікті бағалау орталығының ғылыми жобалар жетекшісі, PhD, Бауыржан Бокаевпен кездесу өткізді.
📚 Кездесу барысында лектор Сиракуз университетіндегі (АҚШ) зерттеулері туралы айтып, қазақстандық авторлардың шетелдегі жарияланымдық белсенділігін арттыру бойынша өз көзқарасымен бөлісті. Ол АҚШ-тағы ғылыми жұмыстарды бағалау әдістемесіне, «жыртқыш» журналдар мәселесіне кеңінен тоқталып, бірқатар құнды ұсыныстар берді.
✍️ Жоғары процентильді халықаралық ғылыми журналдарда табысты ғылыми мақалалар жазудың маңыздылығы мен ерекшеліктері осы кездесудің басты тақырыптардың бірі болды. Профессор Бокаев өзінің білімі мен тәжірибесін бөлісіп, қатысушылардың қызығушылығын тудырды.
Жалпы, кездесу Қазақстандағы білім мен ғылымды жетілдірудің негізгі мәселелері бойынша пікір алмасу үшін тамаша мүмкіндік болды.