2023 жылдың 31 наурызы Астана Халықаралық университеті Құқық жоғары мектебінің «Жеті Жврғы» тобының студенттері аға оқытушы Сеилханов Жанат Дүйсенбайұлының жетекшілігімен Құқық қорғау органдары академиясы және Қазақстандық прокурорларының қауымдастығы бірлесіп өткізген «Сейітов ізбасары» Республикалық байқауға қатысты. Іс-шара мемлекет және қоғам қайраткері, Қазақ КСР Прокуроры Өтеген Сейітовтің 100 жылдық мерейтойын мерекелеуге арналған.
Байқауға еліміздің жоғары оқу орындары – Л.Н. Гумилев атындағы Еуразия ұлттық университеті, Астана халықаралық университеті, Е.А. Бөкетов атындағы Қарағанды университеті, «Тұран-Астана» университеті, Қ. Жұбанов атындағы Ақтөбе өңірлік университеті және Бас прокуратура жанындағы Құқық қорғау органдары академиясы студенттері мен тыңдаушыларының құрама командалары қатысты.
Байқау қорытындысы бойынша III орын – Астана Халықаралық университетінің «Жеті жарғы» командасы жеңіп алды. Содай-ақ университеттердің командаларына жұбаныш сыйлықтары және дипломдары берілді. Сондай-ақ қатысушы жоғары оқу орындарының құрама командаларының ғылыми жетекшілеріне алғыс хаттар табысталды.