Астана Халықаралық университетінде
Азаматтық бастамалар орталығы мен АҚДМ қолдауымен ҮЕҰ Академиясы жобасы аясында
"Өрелі ұрпақ" әлеуметтік кәсіпкерлік мектебінің әлеуметтік идеялар
байқауы өткізілді.
Байқауға Қазақстан Республикасының
әр түкпірінен ҮЕҰ-ның 16 өкілі қатысты. Конкурсқа әлеуметтік кәсіпкерлік
мектебінде оқып шыққан және тәлімгерлік кеңестен өткен ең
белсенді қатысушылары қатысты.
Байқау жеңімпаздары:
1 орын - Маненова Куляра, "Социальный
навигатор" ҚҚ. Куляра Кларения Ман сұлулық
мектебін, әлеуметтік шаштаразды және Алматы қаласындағы оқу орталығын
басқарады. Жұмысқа орналасуға көмек көрсетеді, өмірлік қиын жағдайға тап болған
отбасыларға әлеуметтік, құқықтық, психологиялық көмек көрсетеді.
2 орын - Даниярова Шолпан,
"IamBALA" ҚҚ. Шолпан "Нейрочат" әлеуметтік жобасын ұсынды.
Қоғамдық қор Шымкент қаласында орналасқан және сал ауруына шалдыққан адамдарға
көмек көрсетеді. Жобаның идеясы нейрочат гарнитурасының интерфейсі арқылы ми
мен компьютер арасындағы байланысты сақтайтын өнімді жасау болып табылады, бұл ауру
адамдарға байланысуға мүмкіндік береді.
3 орын - Ерлан
Таймасұлы, "Janasha" ҚҚ. Ерлан Ақтөбе
облысында әлеуметтік кәсіпкерлік мектебін дамыту жобасын ұсынды, мақсаты - ауыл
тұрғындарын әлеуметтік кәсіпкерлікке оқыту.
Барлық
қатысушыларды оқудың аяқталуымен шын жүректен құттықтаймыз, байқау
жеңімпаздарына әлеуметтік идеялардың іске асырылуын тілейміз!