AIU-да «ИНКОМ» компаниясының инновациялық технологиялары таныстырылды

Астана халықаралық университеті Томск облысының ғылыми-білім беру кешенімен 10 жылдан бері ынтымақтастық орнатып келеді. Соның бірі –«ИНКОМ» ЖШҚ шағын технологиялық компаниясы.

2026 жылғы 15–16 қазанда Астана халықаралық университетінде «ИНКОМ» ЖШҚ-ның ақпараттық-талдамалық жүйелерді, мониторинг, хабарлау және диспетчерлік басқаруға арналған аппараттық-бағдарламалық кешендерді таныстыру жиыны өтті.

Іс-шара барысында университет басшылығына жоба таныстырылып, олардың қолданыстағы үлгілері көрсетілді. Сондай-ақ «ИНКОМ» ЖШҚ мамандары су ресурстары министрлігінің Ақпараттық-талдау орталығы, Экология және табиғи ресурстар министрлігі, Ішкі істер министрлігінің құрылымдық бөлімшелері өкілдеріне өз бастамаларын ұсынды. Жобалардың тақырыбы мына бағыттарды қамтыды:

·         Росгидрометтің бақылау желісінен метеорологиялық деректер жинау желісін құру технологиясы;

·         Өзбекстанның алыс аймақтарындағы су ресурстарына мониторинг жүргізу тәжірибесі;

·         Ресейдің орман шаруашылығын ақпараттандыру саласындағы тәжірибесі;

·         Ұшқышсыз ұшу аппараттарын пайдалану арқылы орман өрттерін бақылауға арналған аппараттық-бағдарламалық құралдарды әзірлеу жобасы;

·         Кәсіпорынның жеке құрамын хабардар етудің автоматтандырылған жүйесі;

·         Кәсіпорын нысандарының аумағын жергілікті бақылау жүйесі;

·         Кәсіпорынның жеке құрамын хабардар етудің автоматтандырылған жүйесі.