AIU мен Kazakhstan Earth Services ынтымақтастық туралы меморандумға қол қойды

Астана халықаралық университеті мен Kazakhstan Earth Services Жерді қашықтан зондтау және геоақпараттық жүйелер (ГАЖ) бағытындағы ынтымақтастық туралы меморандумға қол қойды.

Тараптар бірлескен ғылыми-білім беру бастамаларын және пилоттық зерттеулер мен гранттық жобаларды дамытуды, сондай-ақ AIU базасында ғылыми зертхана құру мүмкіндігін басты назарға алды.

Бұл меморандум – заманауи технологиялар мен ғылымды дамытуға, сондай-ақ AIU студенттері мен зерттеушілерінің біліктілігін арттыруға бағытталған маңызды қадам.