Астана Халықаралық университетінде педагогика ғылымдарының докторы, профессор Жаумбай Амантұрлыұлы Қараевпен кездесу өтті.
Астана Халықаралық университетінде педагогика ғылымдарының
докторы, профессор Жаумбай Амантұрлыұлы Қараевпен кездесу өтті.
2026 жылғы 18 маусым күні Астана Халықаралық университеті
Педагогикалық институтында Қазақстанның белгілі ғалымы, педагогика
ғылымдарының докторы, профессор Жаумбай Амантұрлыұлы Қараевпен кездесу
ұйымдастырылды.
Іс-шараның мақсаты – білім беру жүйесіндегі заманауи өзгерістерді,
инновациялық педагогикалық технологияларды, орта және жоғары білім беру
мазмұнын жаңғырту мәселелерін талқылау, сондай-ақ болашақ педагогтерді
даярлаудың өзекті бағыттары бойынша тәжірибе алмасу.
Қазіргі кезеңде білім беру жүйесі цифрлық технологиялардың қарқынды
дамуы, жасанды интеллект құралдарының білім беру кеңістігіне енуі, білім
алушылардың функционалдық сауаттылығын дамыту қажеттілігі және еңбек
нарығы талаптарының өзгеруі жағдайында жаңа сапалық деңгейге көтерілуде.
Осындай жағдайда білім беру үдерісін ғылыми негізде ұйымдастыру, оқытудың
тиімді технологияларын енгізу және педагогтердің кәсіби құзыреттілігін жетілдіру
ерекше маңызға ие.
Кездесу барысында профессор Ж.А. Қараев білім беру саласындағы өзекті
мәселелер бойынша баяндама жасап, өзінің көпжылдық ғылыми-педагогикалық
тәжірибесімен бөлісті.
Шара аясында келесі тақырыптар қарастырылды:
- «Технологиялық тәсіл негізінде білім беру үдерісін трансформациялау»
тақырыбындағы баяндамада білім беру үдерісін технологияландырудың ғылыми-
әдіснамалық негіздері, оқыту нәтижелерін жобалау, білім алушылардың оқу
жетістіктерін бағалау және білім сапасын арттыру тетіктері талқыланды. Сонымен
қатар заманауи педагогтің кәсіби қызметіндегі инновациялық технологиялардың
орны мен маңызы қарастырылып, білім беру жүйесін жаңғыртудағы технологиялық
тәсілдің тиімділігіне ерекше назар аударылды.
- «STEM-тәсіл негізінде орта білім беру мазмұнын жаңғыртудың
дидактикалқы шарттары» тақырыбы аясында STEM-білім берудің негізгі
қағидаттары, ғылым, технология, инженерия және математиканы кіріктіре
оқытудың ерекшеліктері, оқушылардың зерттеушілік және жобалық дағдыларын
дамыту мәселелері сөз болды. Сонымен қатар STEM-тәсілді оқу үдерісіне
енгізудің дидактикалық шарттары мен практикалық мүмкіндіктері қарастырылды.
Кездесу барысында қатысушылар білім беру жүйесіндегі заманауи үрдістер,
цифрлық трансформация жағдайындағы педагогтің жаңа рөлі, құзыреттілікке
негізделген оқыту, білім беру бағдарламаларын жетілдіру, болашақ мұғалімдерді
даярлаудың басым бағыттары жөнінде пікір алмасты.
Іс-шара профессор-оқытушылар құрамына, оқу бағдарламаларын
әзірлеушілерге және жас ғалымдарға білім беру саласындағы озық ғылыми
көзқарастармен танысуға, кәсіби тәжірибе алмасуға және қазіргі білім беру
кеңістігінің даму тенденцияларын талқылауға мүмкіндік берді.
Профессор Жаумбай Амантұрлыұлы Қараевтың ғылыми-педагогикалық
қызметі білім беру технологияларын дамыту, оқыту сапасын арттыру және педагог
кадрларды даярлау мәселелерімен тығыз байланысты. Ғалымның ғылыми
еңбектері мен әдістемелік идеялары еліміздің білім беру жүйесінде кеңінен
қолданылып келеді.
Кездесу нәтижесінде қатысушылар технологиялық тәсіл негізінде білім беру
үдерісін ұйымдастырудың ерекшеліктері мен STEM-тәсіл арқылы орта білім беру
мазмұнын жаңғыртудың дидактикалық шарттары туралы білімдерін кеңейтті.
Оқытушы-ғалымдар заманауи білім беру технологияларын қолдану, пәнаралық
ықпалдастықты жүзеге асыру, білім алушылардың зерттеушілік, шығармашылық
және сыни ойлау дағдыларын дамытуға бағытталған әдіс-тәсілдермен танысты.
Сонымен қатар білім беру үдерісін жаңғыртуға қатысты ғылыми-әдіснамалық
көзқарастар мен практикалық тәжірибелер бойынша кәсіби құзыреттіліктерін
жетілдірді.
Бөлісу:
Фотогалерея
