Педагогикалық институт доценті Кошимбетова Сейсекул Айтжанқызының ұйымдастыруымен «Баспалдағы білімнің-бастауыштан басталған» атты іс-шара өтті.
Бұл іс-шараға ұлағатты ұстаз, 40 жыл бойы өз тәжірибесін дәріптеп, дамытқан, өз мамандығының майталманы Сейтова Назым Амирбекқызы шақырылып, «Бастауыш оқытудың педагогикасы мен әдістемесі» білім беру бағдарламасының 1-4 курс студенттері қатысты. Назым Амирбекқызы өз тәжірибесімен бөлісті. «Ұстаз жолы - ұлы» - демекші, ұстаз жолының қызығы мен қиындықтарын, алға қойған мақсатын шығармашылық нәтижесінде мамандығына деген шексіз сүйіспеншілік болғанда ғана үлкен нәтиже болатынын дәлелдеді. Осы орайда болашақ мамандар өз мамандықтары бойынша тереңірек ой түйіп, көкейлерінде мазалаған сұрақтарын қойып, ойларымен бөлісіп, тәжірибе алмасты.
Семинардың берері өте көп болды, бұл теориялық бөлімнің практикамен алмасуы студенттер үшін керемет бір жетістік болды.