25 қараша Астана қаласындағы М.Өтемісов атындағы Оқушылар сарайында өткен «Жастар және ғылым: тәуелсіздіктің жаңа бағыттары» Халықаралық конференциясында ТМД елдерінің жас ғалымдардың ғылымы мен жеке жетістіктерін насихаттауға бағытталған «VI Халықаралық кітап басылымы» жобасы аясында Университетіміздің Ақпараттық технологиялар және инженерия жоғары мектебінің студенті Бақытнұр Шуақ «ҮЗДІК ЖАС ҒАЛЫМДАР – 2022» және «ҮЗДІК СТУДЕНТ -2022» номинациялары бойынша ІІ және ІІІ дәрежелі дипломдармен, төсбелгімен, медаль куәлігімен және «Үздік жас ғалымдар» жинағымен марапатталды. Сонымен қатар, Шуақтың ғылыми жетекшісі Л.Т. Кусеповаға алғыс хат берілді.
Жобаның негізгі мақсаты жас ғалымдардың үздік маңызды және инновациялық жобаларын анықтау, ғылыми мүдделерді ілгерілету, ғылымды дамыту үшін ортақ біріктіруші алаң құру болып табылады. Бұл жобаға бүкіл ТМД ғылымының дамуына баға жетпес үлес қосқан үздік жас ғалымдар қатысып, жинаққа енгізу конкурстық негізде жүзеге асырылды.