2022 жылғы 25 қарашада Астана қаласы М.Өтемісов атындағы Оқушылар сарайында «Бөбек» қауымдастығы нысанындағы занды тұлғалар бірлестігі «Жастар және ғылым: тәуелсіздіктің жаңа трендтері» атты ҮІ Халықаралық конференция өткізді, оның аясында «ТМД-ның үздік студенті», «ТМД-ның үздік педагогы», «ТМД-ның үздік жас ғалымы» және «Тәуелсіз Мемлекеттер Достастығының «100 Жаңа есім-2022» атты халықаралық кітап топтамаларының тұсаукесерлері өтті.
Аталған конференцияға Қазақстан мен Қырғызстан Жоғары оқу орындарының оқытушылары, докторанттары, магистранттары және студенттері қатысты. Қатысушыларды ҚР-дағы Қырғыз Республикасы елшілігінің өкілдері, «Бөбек» «Жалпыұлттық қозғалысы» халықаралық ұйымының басшысы Е.М.Абиев, «Тұран-Астана» университетінің профессоры З.Е.Колумбаева жылы лебіздерімен құттықтады.
Соңында конференцияны ұйымдастырушылар «ТМД-ның үздік студенті», «ТМД-ның үздік педагогы», «ТМД-ның үздік жас ғалымы» және «Тәуелсіз Мемлекеттер Достастығының «100 Жаңа есім-2022» номинациялары бойынша женімпаздар мен жүлдегерлерді марапаттады.
Марапатталғандардың қатарында біздің Халықаралық Астана университетінің өкілдері де болды: Педагогикалық институттың доценті Талғатбек Дүйсенбекұлы Абжаков – 1-ші дәрежелі Диплом және «Тәуелсіз Мемлекеттер Достастығының «100 Жаңа есім-2022» төс медалі; «Мектепке дейінгі оқыту және тәрбиелеу» (ТжКБ) мамандығының бітіруші курс студенті Хайратбек Ақмарал - 1-ші дәрежелі Диплом және Тәуелсіз Мемлекеттер Достастығының «100 Жаңа есім-2022» төс медалі. Тәуелсіз Мемлекеттер Достастығының «100 Жаңа есім-2022» жобасында белсенді жастарға қолдау жасағаны үшін АIU профессоры Жумабаева Зайда Ефимовна Алғыс хатпен марапатталды.
Біздің женімпаздарымызды құттықтаймыз!