Астана Халықаралық Университетінің Бизнес-инкубаторының үшінші инкубациялық ағынының түлегі Сұлтан Жасыбай “ИДЖУА “QazInnovations” АҚ-дан "TAMGA"жобасын дамытуға грант жеңіп алды. Стартап сыртқы экономикалық қызметке қатысушылар үшін логистикалық процестерді оңтайландыруға және жеңілдетуге арналған кедендік ресімдеу саласындағы инновациялық шешімді енгізуге бағытталған.
"TAMGA" жобасы Индустрия 4.0 элементтерін қамтитын ақпараттық-коммуникациялық технологиялардың басым бағытына жатады және Қазақстанның көлік-логистикалық саласын дамытуға бағытталған.
Сұлтан Жасыбай және оның командасы "TAMGA" жүк алушыларды, экспедиторларды, брокерлерді және жүктерді өңдеу терминалдарын қоса алғанда, сыртқы экономикалық қызметке қатысушылар үшін маңызды құрал болатынына сенімді. Алынған грант жобаға Қазақстан нарығындағы функционалдылықты кеңейтуге және бәсекеге қабілеттілікті арттыруға, сондай-ақ келешекте халықаралық деңгейге шығуға мүмкіндік береді.
"TAMGA" жобасының командасын грантпен құттықтаймыз, сәттілік пен жаңа жетістіктер тілейміз!