Ақпараттық технологиялар және инженерия Жоғары Мектебінің оқытушылары М. Ж. Калдарова мен Л. Т. Кусепова 2023 жылғы 30 қаңтар мен 10 ақпан аралығында Алматы қаласында Huawei HCIA Datacom тақырыбында тренинг-оқытудан өтті. Тренинг барысында практикалық тапсырмаларды білім алушылар эмуляторда өз бетінше орындады және оларға теориялық материалдар мен практикалық тапсырмалар орыс және ағылшын тілдерінде берілді. Тренинг барысында қарастырылған тақырыптар: деректер алмасу және желідегі жұмыс негіздері, өзара байланысты IP желісін құру, Ethernet коммутациялық желісін құру, желілік қауіпсіздік және желіге қол жеткізу негіздері, Желілік қызметтер мен қосымшалар, WLAN негіздері, WAN негіздері, IPv6 негіздері, SDN және автоматтандыру негіздері, кампус желісінің типтік архитектурасы.
Huawei CA Datacom компаниясының біліктілікті арттыру бағдарламасы желілік технологиялар мен желілік қауіпсіздік саласындағы техникалық және кәсіби дағдыларды дамытуға және жетілдіруге бағытталған.
Huawei Technologies Co. Ltd. - телекоммуникация саласындағы әлемдегі ең ірі компаниялардың бірі. Озық инновациялық шешімдерді әзірлеуде орасан зор тәжірибе жинақтаған АКТ индустриясының әлемдік көшбасшыларының бірімен серіктестік ғалымдарға өздерінің ізденістері мен әзірлемелерін дамытуға және тереңдетуге, сондай-ақ оларды өз елінде қолдануға көмектеседі.
Болашақта жоғары мектеп пен университет ақпараттық-коммуникациялық технологиялардың бірқатар бағыттары бойынша мамандар даярлауды кеңейтуді жоспарлап отыр, мысалы, желілік технологиялар, желілік қауіпсіздік және т.б. Huawei студенттерге виртуалды зертханалармен және тренажерлармен жұмыс істеуге мүмкіндік береді, бұл өз кезегінде жоғары сапалы оқу үдерісін қамтамасыз етуге және «Компьютерлік желілер», «Инфокоммуникациялық жүйелер және желілер», «Компьютерлік желілер», «Инфокоммуникациялық жүйелер және желілер» Ақпараттық қауіпсіздік», «Ақпараттық қауіпсіздік негіздері» пәндері бойынша сабақтар өткізуге мүмкіндік береді.