Қамқорлық пен мейірім: AIU студенттері қарттар үйінде

2025 оқу жылының 14-ақпанда тұрақты даму мақсаттарын іске асыру үшін (Қазақстандағы экологиялық апаттың салдарын жоюға және халықтың денсаулығын қорғауға жәрдемдесу) Жаратылыстану ғылымдары жоғары мектебінің Рекреациялық география және туризм мамандығы 2-курс студенттері топ кураторы Ауезова Нұрқұйған Сражадинқызымен бірге ҚАМҚОР қарттар үйіне барып, қамқорлыққа алынған қарттармен кездесу жасап қайтты. Қарттар үйінде ерекше кездесу – жылы сезімдерге, естеліктерге толы күн болды. Студенттер қарттармен бірге шәй ішіп, жастық шақтарын еске алып, әңгімелер айтып, ой бөлісті.Сонымымен қатар студенттер «Ана» «Әке» туралы ән айтып, өз өнерлерін көрсетті. Қарттарымыздың ризашылық білдіріп, алғыс айтқанын көру студенттерге ерекше қуанышты болды.