AIU оқытушылары «Болашақ» стипендиясының иегері атанды

Шетелде кадрлар даярлау жөніндегі республикалық комиссия 2024 жылы «Болашақ» халықаралық стипендиясының иегерлерінің тізімін бекітті. Бұл беделді тізімге 271 қазақстандық енді, олардың ішінде 136-сы магистратурада оқитын болады, 8-і докторантурада білім алады, ал 127-і әлемнің жетекші университеттері мен ғылыми-зерттеу орталықтарында тағылымдамадан өтеді.

Мақтанышпен хабарлаймыз, «Болашақ» стипендиясының иегерлері қатарына Astana International University оқытушылары да кірді:

• Абеуова Салтанат Булатовна – Жаратылыстану жоғары мектебінің оқытушысы.

• Ибраева Айгерім Ерғалиевна – Ақпараттық технологиялар және гуманитарлық ғылымдар жоғары мектебінің оқытушысы.

«Болашақ» стипендиясын алу біздің оқытушыларымызға кәсіби және ғылыми дамуға үлкен мүмкіндіктер ашады. Олар өз білімдерін тереңдетіп, әлемдік әріптестерімен тәжірибе алмасып, алған құзыреттерін университеттегі білім беру процесін жетілдіру үшін қолдана алады.

«Болашақ» стипендиясы Қазақстанның бәсекеге қабілетті кадрларын даярлаудың маңызды тетіктерінің бірі болып табылады.

Astana International University өз оқытушыларын мақтан тұтады және оларға шетелде табысты оқу, жемісті жұмыс пен жаңа жетістіктер тілейді, олар Қазақстанның ғылымы мен біліміне үлес қосатын болады! 🌍🎓

Стипендия иегерлерінің толық тізімі bolashak.gov.kz ресми сайтында жарияланған.