Конференция 08.08.2026

Астана халықаралық университеті оқытушыларды, зерттеушілерді, докторанттарды, жас ғалымдарды және практик мамандарды 2026 жылғы 7–8 тамызда гибридті форматта өтетін «Sustainable Management Practices (ICSMP-2026)» II Халықаралық конференциясына қатысуға шақырады. Конференция Чхатрапати Шаху Джи Махарадж университетінің (CSJMU, Канпур, Үндістан) Бизнес мектебі мен Астана халықаралық университетінің (AIU) бірлесіп ұйымдастыруымен өткізіледі және тұрақты басқару саласындағы заманауи зерттеулерді, инновациялық тәсілдер мен тәжірибелерді талқылауға арналған халықаралық алаң болады. Конференция қорытындысы бойынша үздік мақалалар Cambridge Scholars Publishing (Web of Science Book Citation Index) басылымында жариялауға ұсынылады.

Барлық қызығушылық танытқан қатысушыларды конференцияға қатысуға және өз ғылыми зерттеулерінің нәтижелерін ұсынуға шақырамыз. Конференцияның тақырыптық бағыттары, материалдарды тапсыру мерзімдері, қатысу шарттары және тіркелу туралы толық ақпарат ақпараттық хатта берілген.