AIU-де «Нұр себеле, Ұлыстың ұлы күні» атты жарқын әрі жүрекке жылы Наурыз мерекесі өтті. Бұл кеш дәстүрге, музыкаға және бірлік атмосферасына толы болды.
Мерекені «Аманат» ансамблі ашып, ерекше көңіл-күй сыйлады. Кейін «СТ.К» тобы «Бегім-ай» және «Қазақ осы» әндерін орындаса, «ӨЗГЕ» театры мерекенің рухын жеткізетін қойылым көрсетті.
AIU жоғары мектептері шынайы театрландырылған қойылымдар дайындап, барша көрерменді қазақ дәстүрлерінің атмосферасына бөледі. Жаратылыстану жоғары мектебі «Ырыс ауылы» атты қойылымын ұсынып, «Сүйінші» және «Бесік той» салттарын көрсетті. Құқық жоғары мектебі «Тұсаукесер» дәстүрін, ал Экономика жоғары мектебі «Кұда түсу» рәсімін сахналады. Өнер және гуманитарлық ғылымдар жоғары мектебі «Қыз ұзату» салтын көрсетсе, Педагогикалық институт «Келін түсіру» және «Беташар» рәсімдері арқылы қазақ халқының терең дәстүрлерін паш етті.
Мерекенің ерекше көркіне айналған музыкалық нөмірлерде халық әндері мен заманауи өңдеудегі қазақ әуендері орындалды. Қонақтар Акжібек, Дильнара және Жұлдызайдың орындауындағы «Сүгірдің термесі» әнін тамсана тыңдады.
Кеш соңында Наурыз дәстүрлеріне байланысты қызықты викторина ұйымдастырылды. Қонақтар Наурыз көженің негізгі дәмдері, мерекенің символикалық түстері мен ұлттық ойындар туралы сұрақтарға жауап беріп, өз білімдерін сынады. Мерекенің соңында жиналғандар тағы да Наурыздың бірлік пен жақсылық мерекесі екенін сезініп, бір-біріне ақжарма тілектерін арнады.
AIU-де Наурыз мерекесі – бұл жай ғана шара емес, ол студенттерді, оқытушыларды және университет қонақтарын біріктіретін, мәдени мұраны сақтау мен адамзаттық құндылықтарды дәріптейтін игі дәстүр.